قورئانا پیرۆز › سورەتا يوسف › ئایەتا ٧٤
سورەتا يوسف · ئایەتا ٧٤ ب تەفسیرا کوردی
Yusuf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَالُواْ نَفۡقِدُ صُوَاعَ ٱلۡمَلِكِ وَلِمَن جَآءَ بِهِۦ حِمۡلُ بَعِيرٖ وَأَنَا۠ بِهِۦ زَعِيمٞ ﴿٧٢﴾
وى بانگهلدێرى د گه‌ل مرۆڤێن ئاماده گۆتن: ئه‌م يێ ل وى ترارى دگه‌ڕيێين يێ مه‌لك پيڤانێ پێ دكه‌ت، وهه‌چییێ وى ترارى بينت بارێ حێشتره‌كێ ژ گه‌نمى بۆ وى هه‌يه، وگازيكه‌رى گۆت: وئه‌ز ب دانا وى بارێ گه‌نمى كه‌فيلم.
قَالُواْ تَٱللَّهِ لَقَدۡ عَلِمۡتُم مَّا جِئۡنَا لِنُفۡسِدَ فِي ٱلۡأَرۡضِ وَمَا كُنَّا سَٰرِقِينَ ﴿٧٣﴾
برايێن يووسفى گۆت: ب خودێ هوين دزانن وهه‌وه ديت كو ئه‌م نه‌هاتينه عه‌ردێ (مصرێ) دا خرابكارییێ تێدا بكه‌ين، ونه ژ سالۆخه‌تێن مه‌يه ئه‌م دزیكه‌ر بین.
قَالُواْ فَمَا جَزَـٰٓؤُهُۥٓ إِن كُنتُمۡ كَٰذِبِينَ ﴿٧٤﴾
ئه‌وێن ل ترارى دگه‌ڕيان گۆته برايێن يووسفى: باشه پا جزايێ دزيكه‌رى ل نك هه‌وه چيه ئه‌گه‌ر هوين ددره‌وين بن كو هوين دزيكه‌ر نينن؟
قَالُواْ جَزَـٰٓؤُهُۥ مَن وُجِدَ فِي رَحۡلِهِۦ فَهُوَ جَزَـٰٓؤُهُۥۚ كَذَٰلِكَ نَجۡزِي ٱلظَّـٰلِمِينَ ﴿٧٥﴾
برايێن يووسفى گۆت: جزايێ وى يێ ئه‌و تشتێ هاتییه دزين ڤێ بێته‌ديتن ئه‌و جزايێ وییه. یه‌عنى: ئه‌و دزيكه‌ر بۆ وى يێ دزى ژێ هاتییه‌كرن دێ بته عه‌بد، ب ڤى جزاى -كو عه‌بدينییه- ئه‌م دزيكه‌ران جزا دده‌ين، ئه‌ڤه دينێ مه‌يه وشريعه‌تێ مه د ده‌رحه‌قا دزيكه‌ران دا ب ڤى ڕه‌نگییه.
فَبَدَأَ بِأَوۡعِيَتِهِمۡ قَبۡلَ وِعَآءِ أَخِيهِ ثُمَّ ٱسۡتَخۡرَجَهَا مِن وِعَآءِ أَخِيهِۚ كَذَٰلِكَ كِدۡنَا لِيُوسُفَۖ مَا كَانَ لِيَأۡخُذَ أَخَاهُ فِي دِينِ ٱلۡمَلِكِ إِلَّآ أَن يَشَآءَ ٱللَّهُۚ نَرۡفَعُ دَرَجَٰتٖ مَّن نَّشَآءُۗ وَفَوۡقَ كُلِّ ذِي عِلۡمٍ عَلِيمٞ ﴿٧٦﴾
ووان برايێن يووسفى ڤه‌گه‌ڕاندنه نك وى، ئينا يووسفى ب خۆ بارێن وان تێكڤه‌دان، ووى ژ بارێن وان به‌رى يێ برايێ خۆ يێ دايبابى ده‌ست پێ كر؛ دا كارێ وى كرى يێ موكم بت كو برايێ خۆ بهێلته ل نك خۆ، پاشى ئه‌و گه‌هشته بارێ برايێ خۆ، ووى ترار ژ ناڤ بارێ وى ئيناده‌رێ، مه ب ڤى ڕه‌نگى بۆ يووسفى ڕێك خۆشكر دا ئه‌و بشێت برايێ خۆ بهێلته ل نك خۆ، وئه‌و ل دويڤ شريعه‌تێ مه‌لكێ (مصرێ) نه‌دشيا برايێ خۆ بگرت، به‌لێ حه‌زكرنا خودێ هاته سه‌ر هندێ كو ئه‌و د ڤێ مه‌سه‌لێ دا كارى ب شريعه‌تێ برايێن يووسفى بكه‌ن كو دزيكه‌ر ببته عه‌بد. يێ مه بڤێت ئه‌م د دنيايێ دا ده‌ره‌جێن وى ل سه‌ر يێن خه‌لكى بلند دكه‌ين وه‌كى مه قه‌درێ يووسفى بلندكرى. و د سه‌ر هه‌ر خودان زانينه‌كى ڕا ئێكێ ژ وى زانتر هه‌يه، حه‌تا زانين دگه‌هته خودێ زانايێ تشتێ به‌رچاڤ ونه‌به‌رچاڤ.