قورئانا پیرۆز › سورەتا يوسف › ئایەتا ٨٩
سورەتا يوسف · ئایەتا ٨٩ ب تەفسیرا کوردی
Yusuf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَٰبَنِيَّ ٱذۡهَبُواْ فَتَحَسَّسُواْ مِن يُوسُفَ وَأَخِيهِ وَلَا تَاْيۡـَٔسُواْ مِن رَّوۡحِ ٱللَّهِۖ إِنَّهُۥ لَا يَاْيۡـَٔسُ مِن رَّوۡحِ ٱللَّهِ إِلَّا ٱلۡقَوۡمُ ٱلۡكَٰفِرُونَ ﴿٨٧﴾
يه‌عقووبى گۆت: ئه‌ى كوڕێن من هوين جاره‌كا دى ڤه‌گه‌ڕيێنه (مصرێ) وپسيارا يووسفى وبرايێ وى بكه‌ن، وهيڤییا خۆ ژ ڕه‌حما خودێ نه‌بڕن؛ چونكى ژ وان يێن كافرییێ ب قه‌ده‌را خودێ دكه‌ن پێڤه‌تر، كه‌س ژ دلۆڤانییا خودێ بێ هيڤى نابت.
فَلَمَّا دَخَلُواْ عَلَيۡهِ قَالُواْ يَـٰٓأَيُّهَا ٱلۡعَزِيزُ مَسَّنَا وَأَهۡلَنَا ٱلضُّرُّ وَجِئۡنَا بِبِضَٰعَةٖ مُّزۡجَىٰةٖ فَأَوۡفِ لَنَا ٱلۡكَيۡلَ وَتَصَدَّقۡ عَلَيۡنَآۖ إِنَّ ٱللَّهَ يَجۡزِي ٱلۡمُتَصَدِّقِينَ ﴿٨٨﴾
وئه‌و چوونه (مصرێ)، وده‌مێ ئه‌و گه‌هشتينه نك يووسفى وان گۆت: ئه‌ى عه‌زيز، گرانى وهشكاتى يا ب سه‌ر مه ومرۆڤێن مه دا هاتى، ومه پاره‌یه‌كێ كێم وبێ خێر يێ د گه‌ل خۆ ئيناى، ڤێجا تو وه‌كى به‌رێ ب ڤى بهايێ كێم تشته‌كێ باش بده مه، وخێرێ د گه‌ل مه بكه وڤان ده‌رهه‌مێن كێم وبێ بها ژ مه وه‌رگره، هندى خودێیه جزایه‌كێ باش دده‌ته وان خێركه‌ران يێن قه‌نجییێ د گه‌ل مرۆڤێن پێتڤى دكه‌ن.
قَالَ هَلۡ عَلِمۡتُم مَّا فَعَلۡتُم بِيُوسُفَ وَأَخِيهِ إِذۡ أَنتُمۡ جَٰهِلُونَ ﴿٨٩﴾
ده‌مێ وى گوهـ ل ئاخفتنا وان بووى دلێ وى ما ب وان ڤه، ووى خۆ ب وان دا نیاسين وگۆت: ئه‌رێ ل بيرا هه‌وه‌يه ئه‌و نه‌خۆشییا هه‌وه ب سه‌رێ يووسفى وبرايێ وى ئيناى ل وى ده‌مێ هوين دنه‌زان ب دويماهییا وى كارێ هوين دكه‌ن؟
قَالُوٓاْ أَءِنَّكَ لَأَنتَ يُوسُفُۖ قَالَ أَنَا۠ يُوسُفُ وَهَٰذَآ أَخِيۖ قَدۡ مَنَّ ٱللَّهُ عَلَيۡنَآۖ إِنَّهُۥ مَن يَتَّقِ وَيَصۡبِرۡ فَإِنَّ ٱللَّهَ لَا يُضِيعُ أَجۡرَ ٱلۡمُحۡسِنِينَ ﴿٩٠﴾
وان گۆت: ئه‌رێ نه‌كو تو يووسفى؟ وى گۆت: به‌لێ ئه‌ز يووسفم، وئه‌ڤه برايێ منه، ب ڕاستى خودێ قه‌نجى ومنه‌ت ل مه كر، كو پشتى ژێكڤه‌بوونێ ئه‌م گه‌هاندينه ئێك، هندى ئه‌وه يێ ته‌قوایا خودێ بكه‌ت، وبێنا خۆ ل سه‌ر ته‌نگاڤییان فره‌هـ بكه‌ت، خودێ خێرا قه‌نجییا وى به‌رزه ناكه‌ت، به‌لكى ب باشترين ڕه‌نگ جزایى دده‌ته وى.
قَالُواْ تَٱللَّهِ لَقَدۡ ءَاثَرَكَ ٱللَّهُ عَلَيۡنَا وَإِن كُنَّا لَخَٰطِـِٔينَ ﴿٩١﴾
وان گۆت: ب خودێ، هندى خودێیه تو ب سه‌ر مه ئێخستى و ب زانينێ وتێگه‌هشتنێ تو سه‌ربلند كرى، وهندى ئه‌م بووين ئه‌م دخه‌له‌ت بووين كو مه ئه‌و ژ قه‌ستا د گه‌ل ته وبرايێ ته كرى.