قورئانا پیرۆز › سورەتا الدخان › ئایەتا ٥١
سورەتا الدخان · ئایەتا ٥١ ب تەفسیرا کوردی
Ad-Dukhan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ذُقۡ إِنَّكَ أَنتَ ٱلۡعَزِيزُ ٱلۡكَرِيمُ ﴿٤٩﴾
وبۆ ڤى گونه‌هكارێ به‌ختڕه‌ش دئێته گۆتن: ئه‌ڤرۆ تو تام بكه وێ عه‌زابا تو پێ دئێيه عه‌زابدان، هندى تويى تو د ناڤ ملله‌تێ خۆ دا يێ زال بووى، و ل نك وان يێ ب قه‌در بووى. وئه‌ڤه گه‌ف وپاشڤه‌برنه بۆ وان.
إِنَّ هَٰذَا مَا كُنتُم بِهِۦ تَمۡتَرُونَ ﴿٥٠﴾
هندى ئه‌ڤ عه‌زابه‌يه يا هوين ئه‌ڤرۆ پێ دئێنه عه‌زابدان ئه‌و عه‌زابه يا هوين د دنيايێ دا ژێ ب گومان، وهه‌وه باوه‌رى پێ نه‌دئينا.
إِنَّ ٱلۡمُتَّقِينَ فِي مَقَامٍ أَمِينٖ ﴿٥١﴾
هندى ئه‌ون يێن د دنيايێ دا ته‌قوایا خودێ كرى وفه‌رمانێن وى ب جهـ ئيناين، د جهه‌كێ خۆش وته‌نا ژ هه‌مى ئاتاف ونه‌خۆشییان دانه.
فِي جَنَّـٰتٖ وَعُيُونٖ ﴿٥٢﴾
د به‌حه‌شت وباغ وكانییان دانه.
يَلۡبَسُونَ مِن سُندُسٖ وَإِسۡتَبۡرَقٖ مُّتَقَٰبِلِينَ ﴿٥٣﴾
ئارميشێ ستوير ويێ ته‌نك ئه‌و دكه‌نه به‌رخۆ، هنده‌ك ژ وان به‌رانبه‌رى هنده‌كانه، ڕوى ب ڕوى به‌رێ خۆ دده‌نه ئێك ودو، چى جهێ ئه‌و چوونێ وێرێ ديوانخانه‌يا وانه.