قورئانا پیرۆز › سورەتا الأحقاف › ئایەتا ٣٤
سورەتا الأحقاف · ئایەتا ٣٤ ب تەفسیرا کوردی
Al-Ahqaf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمَن لَّا يُجِبۡ دَاعِيَ ٱللَّهِ فَلَيۡسَ بِمُعۡجِزٖ فِي ٱلۡأَرۡضِ وَلَيۡسَ لَهُۥ مِن دُونِهِۦٓ أَوۡلِيَآءُۚ أُوْلَـٰٓئِكَ فِي ضَلَٰلٖ مُّبِينٍ ﴿٣٢﴾
وهه‌چییێ د به‌رسڤا پێغه‌مبه‌رێ خودێ نه‌ئێت وگوهدارییا وى تشتى نه‌كه‌ت يێ ئه‌و به‌رێ وى دده‌تێ، ئه‌و نه‌شێت د عه‌ردى دا خودێ بێزار كه‌ت گاڤا خودێ ڤيا وى عه‌زاب بده‌ت، وژبلی خودێ وى چو پشته‌ڤان ژى نابن عه‌زابا خودێ ژ وى پاشڤه ببه‌ن، ئه‌و د به‌رزه‌بوونه‌كا ئاشكه‌را ژ حه‌قییێ دانه.
أَوَلَمۡ يَرَوۡاْ أَنَّ ٱللَّهَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَلَمۡ يَعۡيَ بِخَلۡقِهِنَّ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰۚ بَلَىٰٓۚ إِنَّهُۥ عَلَىٰ كُلِّ شَيۡءٖ قَدِيرٞ ﴿٣٣﴾
ئه‌رێ ما ئه‌و نزانن كو هندى خودێیه ئه‌وێ عه‌سمان وعه‌رد بێ وێنه ئافراندين، و ب ئافراندنا وان ڤه نه‌وه‌ستیاى، يێ خودان شيانه كو وان مرییان زێندى بكه‌ته‌ڤه يێن وى بۆ جارا ئێكێ ئافراندين؟ به‌لێ، ئه‌و تشته‌كه ل به‌ر خودێ يێ ب ساناهییه، ئه‌و خودايێ ل سه‌ر هه‌ر تشته‌كى يێ خودان شيان.
وَيَوۡمَ يُعۡرَضُ ٱلَّذِينَ كَفَرُواْ عَلَى ٱلنَّارِ أَلَيۡسَ هَٰذَا بِٱلۡحَقِّۖ قَالُواْ بَلَىٰ وَرَبِّنَاۚ قَالَ فَذُوقُواْ ٱلۡعَذَابَ بِمَا كُنتُمۡ تَكۡفُرُونَ ﴿٣٤﴾
وڕۆژا قيامه‌تێ ئه‌وێن كافر بووين ل سه‌ر ئاگرێ جه‌هنه‌مێ دئێنه پێشكێشكرن، وبۆ وان دئێته گۆتن: ئه‌رێ ما ئه‌ڤ عه‌زابه نه يا ژ ڕاستییه؟ ئه‌و دێ به‌رسڤێ ده‌ن وبێژن: به‌لێ ب خودايێ مه ئه‌و يا ژ ڕاستییه، ڤێجا دێ بۆ وان ئێته گۆتن: پا دێ ڤێجا تام بكه‌نه وێ عه‌زابێ ژ به‌ر وێ كوفرا هه‌وه د دنيايێ دا دكر.
فَٱصۡبِرۡ كَمَا صَبَرَ أُوْلُواْ ٱلۡعَزۡمِ مِنَ ٱلرُّسُلِ وَلَا تَسۡتَعۡجِل لَّهُمۡۚ كَأَنَّهُمۡ يَوۡمَ يَرَوۡنَ مَا يُوعَدُونَ لَمۡ يَلۡبَثُوٓاْ إِلَّا سَاعَةٗ مِّن نَّهَارِۭۚ بَلَٰغٞۚ فَهَلۡ يُهۡلَكُ إِلَّا ٱلۡقَوۡمُ ٱلۡفَٰسِقُونَ ﴿٣٥﴾
ڤێجا تو -ئه‌ى پێغه‌مبه‌ر- بێهنا خۆ فره‌هـ بكه ل سه‌ر وێ نه‌خۆشییا ژ ملله‌تێ ته يێ كافر دگه‌هته ته، هه‌ر وه‌كى پێغه‌مبه‌رێن خودان عه‌زم به‌رى ته صه‌بر كێشاى -وئه‌و پێغه‌مبه‌ر نووح وئيبراهيم ومووسا وعيسانه، وتو ژى ژ وانى- وتو له‌زێ د عه‌زابدانا ملله‌تێ خۆ دا نه‌كه؛ چونكى ده‌مێ عه‌زاب دئێت وئه‌و وێ دبينن هه‌ر وه‌كى ئه‌و دانه‌كێ ڕۆژێ ب تنێ د دنيايێ دا مايين، ئه‌ڤه ڕاگه‌هاندنه‌كه بۆ وان وبۆ خه‌لكێ دى ژى. و ژ ملله‌تێ سه‌رداچوويى پێڤه‌تر كه‌س ب عه‌زابا خودێ نائێته تێبرن.