قورئانا پیرۆز › سورەتا الأحزاب › ئایەتا ٤٥
سورەتا الأحزاب · ئایەتا ٤٥ ب تەفسیرا کوردی
Al-Ahzab
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
هُوَ ٱلَّذِي يُصَلِّي عَلَيۡكُمۡ وَمَلَـٰٓئِكَتُهُۥ لِيُخۡرِجَكُم مِّنَ ٱلظُّلُمَٰتِ إِلَى ٱلنُّورِۚ وَكَانَ بِٱلۡمُؤۡمِنِينَ رَحِيمٗا ﴿٤٣﴾
ئه‌وه يێ دلۆڤانییێ ب هه‌وه دبه‌ت ومه‌دحێن هه‌وه دكه‌ت وفريشته‌يێن وى ژى دوعايان بۆ هه‌وه دكه‌ن؛ دا ئه‌و هه‌وه ژ تارییێن نه‌زانينێ وبه‌رزه‌بوونێ ده‌ربێخته ڕۆناهییا ئيسلامێ، وئه‌و ل دنيايێ وئاخره‌تێ ب خودان باوه‌ران يێ دلۆڤانكار بوويه، وان عه‌زاب ناده‌ت هندى ئه‌و گوهدارییا وى بكه‌ن.
تَحِيَّتُهُمۡ يَوۡمَ يَلۡقَوۡنَهُۥ سَلَٰمٞۚ وَأَعَدَّ لَهُمۡ أَجۡرٗا كَرِيمٗا ﴿٤٤﴾
سلاڤا ڤان خودان باوه‌ران ژ خودێ د به‌حه‌شتێ دا ده‌مێ ئه‌و دچنه ديدارا وى سلاڤ وته‌ناهییا ژ عه‌زابا خودێیه، ووى خێره‌كا باش بۆ وان ئاماده‌كرییه، كو به‌حه‌شته.
يَـٰٓأَيُّهَا ٱلنَّبِيُّ إِنَّآ أَرۡسَلۡنَٰكَ شَٰهِدٗا وَمُبَشِّرٗا وَنَذِيرٗا ﴿٤٥﴾
ئه‌ى پێغه‌مبه‌ر، هندى ئه‌مين مه تو يێ هنارتى دا تو ب گه‌هاندنا په‌يامێ ببییه شاهد ل سه‌ر ئوممه‌تا خۆ، ودا مزگينییێ ب دلۆڤانییێ وبه‌حه‌شتێ بده‌يه خودان باوه‌ران ژ وان، وگونه‌هكار ودره‌وپێكه‌ران ژ ئاگرى بترسينى.
وَدَاعِيًا إِلَى ٱللَّهِ بِإِذۡنِهِۦ وَسِرَاجٗا مُّنِيرٗا ﴿٤٦﴾
ودا تو ب فه‌رمانا خودێ ببییه گازيكه‌ر بۆ ته‌وحيد وپه‌رستنا وى ب تنێ، وچرايه‌كێ گه‌ش بۆ وى يێ ته بۆ خۆ بكه‌ته ڕۆناهى، ڤێجا ئه‌و ڕێكا تو پێ هاتى وه‌كى ڕۆژێ يا گه‌شه، ژ ڕكداران پێڤه‌تر كه‌س كوفرێ پێ ناكه‌ت.
وَبَشِّرِ ٱلۡمُؤۡمِنِينَ بِأَنَّ لَهُم مِّنَ ٱللَّهِ فَضۡلٗا كَبِيرٗا ﴿٤٧﴾
وتو -ئه‌ى پێغه‌مبه‌ر- مزگينییێ بده خودان باوه‌ران كو خێره‌كا مه‌زن ژ خودێ بۆ وان هه‌يه، كو باغێن به‌حه‌شتێنه.