قورئانا پیرۆز › سورەتا الأنعام › ئایەتا ١٠١
سورەتا الأنعام · ئایەتا ١٠١ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَهُوَ ٱلَّذِيٓ أَنزَلَ مِنَ ٱلسَّمَآءِ مَآءٗ فَأَخۡرَجۡنَا بِهِۦ نَبَاتَ كُلِّ شَيۡءٖ فَأَخۡرَجۡنَا مِنۡهُ خَضِرٗا نُّخۡرِجُ مِنۡهُ حَبّٗا مُّتَرَاكِبٗا وَمِنَ ٱلنَّخۡلِ مِن طَلۡعِهَا قِنۡوَانٞ دَانِيَةٞ وَجَنَّـٰتٖ مِّنۡ أَعۡنَابٖ وَٱلزَّيۡتُونَ وَٱلرُّمَّانَ مُشۡتَبِهٗا وَغَيۡرَ مُتَشَٰبِهٍۗ ٱنظُرُوٓاْ إِلَىٰ ثَمَرِهِۦٓ إِذَآ أَثۡمَرَ وَيَنۡعِهِۦٓۚ إِنَّ فِي ذَٰلِكُمۡ لَأٓيَٰتٖ لِّقَوۡمٖ يُؤۡمِنُونَ ﴿٩٩﴾
وخودايێ مه‌زن ئه‌وه يێ باران ژ عه‌ورى داى، ڤێجا وى شينكاتییێ هه‌ر تشته‌كى پێ ده‌رێخست، ووى ژ شينكاتى ده‌رامه‌ت وكه‌سكاتى ده‌رێخست، پاشى وى ژ ده‌رامه‌تى هنده‌ك دندك دان لێك سويار دبن، وه‌كى گولییێن گه‌نمى وجه‌هى وبرنجى، ووى ژ چه‌قێن دارقه‌سپێ -يێن كو ئويشییێن ڕتابان پێڤه دئێن- هنده‌ك ئويشییێن نزم ونێزيك دان، ووى ڕه‌زێن ترى دان، ودارێن زه‌يتوونێ وهنارێ دان يێن كو د به‌لگى دا وه‌كى ئێك و د فێقى دا دژێك جودا. هوين گه‌لى مرۆڤان به‌رێ خۆ بده‌نه فێقییێ ڤى شينكاتى ده‌مێ ئه‌و به‌رهه‌مى دده‌ت، وده‌مێ دگه‌هت. هندى د ڤێ چه‌ندێ دايه ئايه‌ت ل سه‌ر شيانا ئافرانده‌رێ ڤان تشتان وكاربنه‌جهى ودلۆڤانییا وى ب ملله‌تێ خودان باوه‌ر هه‌نه.
وَجَعَلُواْ لِلَّهِ شُرَكَآءَ ٱلۡجِنَّ وَخَلَقَهُمۡۖ وَخَرَقُواْ لَهُۥ بَنِينَ وَبَنَٰتِۭ بِغَيۡرِ عِلۡمٖۚ سُبۡحَٰنَهُۥ وَتَعَٰلَىٰ عَمَّا يَصِفُونَ ﴿١٠٠﴾
ووان موشركێن هه ئه‌جنه بۆ خودێ د په‌رستنێ دا كرنه هه‌ڤپشك، ده‌مێ هزر كرى ئه‌و مفایى یان زیانێ دگه‌هیننه وان، وخودێ ئه‌و يێن ئافراندين، و ژ چوننه‌یێ داین، ئه‌وه یێ ئه‌و ئافراندین، وئه‌و یێ هێژاى په‌رستنێیه. و ب ڕاستى وان موشركان دره‌و ل سه‌ر ناڤێ خودێ كر ده‌مێ وان ژ نه‌زانین كوڕ وكچ بۆ وى پالداين، يێ پاك وبلند بت ئه‌و ژ وى تشتێ دره‌و يێ بوتپه‌رێسان بۆ وى پالداى.
بَدِيعُ ٱلسَّمَٰوَٰتِ وَٱلۡأَرۡضِۖ أَنَّىٰ يَكُونُ لَهُۥ وَلَدٞ وَلَمۡ تَكُن لَّهُۥ صَٰحِبَةٞۖ وَخَلَقَ كُلَّ شَيۡءٖۖ وَهُوَ بِكُلِّ شَيۡءٍ عَلِيمٞ ﴿١٠١﴾
وخودايێ مه‌زنه يێ كو عه‌سمان وعه‌رد وهه‌ر تشته‌كێ د ناڤ دا هه‌ى بێ وێنه داهێناین. چاوا وى زارۆیه‌ك دێ هه‌بت، ووى چو هه‌ڤال (ژن) نه‌بووينه؟ يێ پاك وبلند بت ئه‌و ژ وى تشتێ بوتپه‌رێس دبێژن، وئه‌وه يێ هه‌مى تشت ژ چوننه‌يێ ئافراندين، وتشته‌ك ژ كارێ چێكرییان ل به‌ر وى به‌رزه نابت.
ذَٰلِكُمُ ٱللَّهُ رَبُّكُمۡۖ لَآ إِلَٰهَ إِلَّا هُوَۖ خَٰلِقُ كُلِّ شَيۡءٖ فَٱعۡبُدُوهُۚ وَهُوَ عَلَىٰ كُلِّ شَيۡءٖ وَكِيلٞ ﴿١٠٢﴾
ئه‌وه خودايێ هه‌وه گه‌لى موشركان، ژ وى پێڤه‌تر چو خودا يێن ب حه‌ق نينن، ئافرانده‌رێ هه‌مى تشتان ئه‌وه، ڤێجا هوين ب عيباده‌تى وگوهدانێ خۆ بۆ وى بچه‌مينن. وئه‌و ل سه‌ر هه‌ر تشه‌كى وه‌كيل وپارێزه‌ره، كارێ به‌نییێن خۆ ب ڕێڤه دبه‌ت.
لَّا تُدۡرِكُهُ ٱلۡأَبۡصَٰرُ وَهُوَ يُدۡرِكُ ٱلۡأَبۡصَٰرَۖ وَهُوَ ٱللَّطِيفُ ٱلۡخَبِيرُ ﴿١٠٣﴾
د دنيايێ دا چاڤ نه‌شێن خودێ ببينن، به‌لێ ل ئاخره‌تێ خودان باوه‌ر خودايێ خۆ دبينن، بێى دۆرێ لێ بگرن، وئه‌و دگه‌هته ديتنان ودۆرێ لێ دگرت، ودزانت كانێ ئه‌و دچاوانه، وئه‌و د گه‌ل وه‌لییێن خۆ يێ نه‌رمه، و ب تشتێن هوير وڤه‌شارتى هووربينێ شاره‌زايه.