قورئانا پیرۆز › سورەتا الأنعام › ئایەتا ١١٩
سورەتا الأنعام · ئایەتا ١١٩ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّ رَبَّكَ هُوَ أَعۡلَمُ مَن يَضِلُّ عَن سَبِيلِهِۦۖ وَهُوَ أَعۡلَمُ بِٱلۡمُهۡتَدِينَ ﴿١١٧﴾
هندى خودايێ ته‌يه ئه‌و زاناتره ب وان يێن ژ ڕێكا ڕاست ودورست به‌رزه‌بووين، وئه‌و ژ هه‌وه و ژ وان زاناتره ب وى يێ ل سه‌ر ڕاستى ودورستییێ، كه‌سه‌ك ژ وان ل به‌ر وى به‌رزه نابت.
فَكُلُواْ مِمَّا ذُكِرَ ٱسۡمُ ٱللَّهِ عَلَيۡهِ إِن كُنتُم بِـَٔايَٰتِهِۦ مُؤۡمِنِينَ ﴿١١٨﴾
ڤێجا هوين ژ وان ڤه‌كوشتییان بخۆن يێن ناڤێ خودێ ل سه‌ر هاتییه گۆتن، ئه‌گه‌ر هوين ب ئايه‌تێن خودێ يێن ئاشكه‌را دخودان باوه‌رن.
وَمَا لَكُمۡ أَلَّا تَأۡكُلُواْ مِمَّا ذُكِرَ ٱسۡمُ ٱللَّهِ عَلَيۡهِ وَقَدۡ فَصَّلَ لَكُم مَّا حَرَّمَ عَلَيۡكُمۡ إِلَّا مَا ٱضۡطُرِرۡتُمۡ إِلَيۡهِۗ وَإِنَّ كَثِيرٗا لَّيُضِلُّونَ بِأَهۡوَآئِهِم بِغَيۡرِ عِلۡمٍۚ إِنَّ رَبَّكَ هُوَ أَعۡلَمُ بِٱلۡمُعۡتَدِينَ ﴿١١٩﴾
وچو تشت هه‌يه نه‌هێلت هوين گه‌لى موسلمانان ژ وى ڤه‌كوشتى بخۆن يێ ناڤێ خودێ ل سه‌ر هاتییه گۆتن، و ب ڕاستى خودێ ئه‌و هه‌مى تشتێن وى ل سه‌ر هه‌وه حه‌رامكرين يێن بۆ هه‌وه گۆتين؟ به‌لێ ئه‌و تشتێ حه‌رام يێ ل ده‌مێ خه‌لايێ هوين نه‌چار ببن بخۆن، وه‌كى مرارى، ئه‌و بۆ هه‌وه يێ حه‌لاله. وگه‌له‌ك سه‌رداچووى هه‌نه دويكه‌فتیێن خۆ ژ ڕێكا خودێ به‌رزه دكه‌ن ب ڕێكا حه‌لالكرنا حه‌رامى وحه‌رامكرنا حه‌لالى ژ نه‌زانين و ل دويڤ بايێ خۆ. هندى خودايێ ته‌يه -ئه‌ى پێغه‌مبه‌ر- ب وى زاناتره يێ ژ توخويبێن خۆ ده‌ردكه‌ڤت، وئه‌و دێ وى جزا ده‌ت.
وَذَرُواْ ظَٰهِرَ ٱلۡإِثۡمِ وَبَاطِنَهُۥٓۚ إِنَّ ٱلَّذِينَ يَكۡسِبُونَ ٱلۡإِثۡمَ سَيُجۡزَوۡنَ بِمَا كَانُواْ يَقۡتَرِفُونَ ﴿١٢٠﴾
وهوين -گه‌لى مرۆڤان- هه‌مى گونه‌هان بهێلن، چ دئاشكه‌را بن چ دڤه‌شارتى. هندى ئه‌ون يێن گونه‌هان دكه‌ن ژ به‌ر كريارێن وان خودێ دێ جزايێ وان ده‌تێ.
وَلَا تَأۡكُلُواْ مِمَّا لَمۡ يُذۡكَرِ ٱسۡمُ ٱللَّهِ عَلَيۡهِ وَإِنَّهُۥ لَفِسۡقٞۗ وَإِنَّ ٱلشَّيَٰطِينَ لَيُوحُونَ إِلَىٰٓ أَوۡلِيَآئِهِمۡ لِيُجَٰدِلُوكُمۡۖ وَإِنۡ أَطَعۡتُمُوهُمۡ إِنَّكُمۡ لَمُشۡرِكُونَ ﴿١٢١﴾
وهوين -گه‌لى موسلمانان- ژ وان ڤه‌كوشتییان نه‌خۆن يێن ل ده‌مێ ڤه‌كوشتنێ ناڤێ خودێ ل سه‌ر نه‌هاتبته گۆتن، وه‌كى مرارى ووى يێ بۆ صه‌نه‌م وئه‌جنان دئێته ڤه‌كوشتن، وهندى خوارنا ژ وان ڤه‌كوشتییانه ده‌ركه‌فتنا ژ گوهدارییا خودێیه. وسه‌رداچوويێن ئه‌جنانه گومانان ل دۆر حه‌رامییا مرارى دئێخنه سه‌ر دلێن شه‌يتانێن مرۆڤان، وفه‌رمانێ ل وان دكه‌ن كو ئه‌و د هه‌ڤڕكییا خۆ دا د گه‌ل موسلمانان بێژنێ: هوين ب خۆپاشڤه‌برنا ژ خوارنا مرارى وى حه‌یوانى ناخۆن يێ خودێ كوشتى، به‌لێ هوين وى دخۆن يێ هه‌وه ڤه‌كوشتى، وئه‌گه‌ر هوين گوهدارییا وان د حه‌لالكرنا مرارى دا بكه‌ن ئه‌و هوين وئه‌و د شركێ دا دێ وه‌كى ئێك بن.