قورئانا پیرۆز › سورەتا الأنعام › ئایەتا ١٥٩
سورەتا الأنعام · ئایەتا ١٥٩ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَوۡ تَقُولُواْ لَوۡ أَنَّآ أُنزِلَ عَلَيۡنَا ٱلۡكِتَٰبُ لَكُنَّآ أَهۡدَىٰ مِنۡهُمۡۚ فَقَدۡ جَآءَكُم بَيِّنَةٞ مِّن رَّبِّكُمۡ وَهُدٗى وَرَحۡمَةٞۚ فَمَنۡ أَظۡلَمُ مِمَّن كَذَّبَ بِـَٔايَٰتِ ٱللَّهِ وَصَدَفَ عَنۡهَاۗ سَنَجۡزِي ٱلَّذِينَ يَصۡدِفُونَ عَنۡ ءَايَٰتِنَا سُوٓءَ ٱلۡعَذَابِ بِمَا كَانُواْ يَصۡدِفُونَ ﴿١٥٧﴾
ودا هوين -گه‌لى بوتپه‌رێسان- نه‌بێژن: ئه‌گه‌ر كيتابه‌ك ژ عه‌سمانى بۆ مه هاتبا، وه‌كى بۆ جوهى وفه‌لان هاتى، ئه‌م دا ژ وان سه‌رڕاستتر بين، ئه‌ڤه كيتابه‌ك ب زمانێ هه‌وه یێ عه‌ره‌بى بۆ هه‌وه هات، وئه‌و هێجه‌ته‌كا ئاشكه‌رايه ژ خودايێ هه‌وه وڕێنيشادان ودلۆڤانییه‌كه بۆ ڤێ ئوممه‌تێ. ڤێجا كه‌س ژ وى زۆردارتر نينه يێ دره‌وێ ب ده‌ليلێن خودێ بكه‌ت وپشت بده‌تێ!! ڤێجا ئه‌وێن هه يێن پشت دده‌ن، پاشى ئه‌م ب عه‌زابه‌كا دژوار د ئاگرێ جه‌هنه‌مێ دا دێ وان عه‌زاب ده‌ين؛ ژ به‌ر پشتدانا وان بۆ ئايه‌تێن مه، وپاشڤه‌برنا وان بۆ خه‌لكى ژ ڕێكا مه.
هَلۡ يَنظُرُونَ إِلَّآ أَن تَأۡتِيَهُمُ ٱلۡمَلَـٰٓئِكَةُ أَوۡ يَأۡتِيَ رَبُّكَ أَوۡ يَأۡتِيَ بَعۡضُ ءَايَٰتِ رَبِّكَۗ يَوۡمَ يَأۡتِي بَعۡضُ ءَايَٰتِ رَبِّكَ لَا يَنفَعُ نَفۡسًا إِيمَٰنُهَا لَمۡ تَكُنۡ ءَامَنَتۡ مِن قَبۡلُ أَوۡ كَسَبَتۡ فِيٓ إِيمَٰنِهَا خَيۡرٗاۗ قُلِ ٱنتَظِرُوٓاْ إِنَّا مُنتَظِرُونَ ﴿١٥٨﴾
ئه‌رێ ئه‌وێن پشت داى چاڤه‌ریى چنه ژ بلى هندێ كو ملياكه‌تێ مرنێ وهاريكارێن وى بێن دا ڕحێن وان بستينن، يان خودايێ ته -ئه‌ى پێغه‌مبه‌ر- ل ڕۆژا قيامه‌تێ بێت دا حوكمى د ناڤبه‌را به‌نییان دا بكه‌ت، يان هنده‌ك نيشانێن ڕۆژا قيامه‌تێ بێن وهندێ بگه‌هينن كو نێزيكه قيامه‌ت ڕاببت، وه‌كى هه‌لاتنا ڕۆژێ ژ ڕۆژئاڤایێ؟ ده‌مێ ئه‌و تشت چێ دبت، باوه‌رى ئينانا نه‌فسه‌كێ مفايێ وێ ناده‌ت، ئه‌گه‌ر به‌رى هنگى باوه‌رى نه‌ئينا بت، وئه‌گه‌ر ئه‌و يا خودان باوه‌ر ژى بت ئه‌و كار ژێ نائێته قه‌بويلكرن ئه‌گه‌ر به‌رى هنگى نه‌كربت. تو بێژه وان: هوين چاڤه‌رێیى هاتنا وێ چه‌ندێ بن، هندى ئه‌مين ئه‌م چاڤه‌رێیى وێينه.
إِنَّ ٱلَّذِينَ فَرَّقُواْ دِينَهُمۡ وَكَانُواْ شِيَعٗا لَّسۡتَ مِنۡهُمۡ فِي شَيۡءٍۚ إِنَّمَآ أَمۡرُهُمۡ إِلَى ٱللَّهِ ثُمَّ يُنَبِّئُهُم بِمَا كَانُواْ يَفۡعَلُونَ ﴿١٥٩﴾
هندى ئه‌ون يێن دينێ خۆ ژێكڤه‌كرى پشتى كو ل سه‌ر ته‌وحيدا خودێ وكاركرنا ب شريعه‌تێ وى ئه‌و دئێكگرتى، وبووينه پارت وده‌سته‌ك، تو -ئه‌ى پێغه‌مبه‌ر- ژ وان يێ به‌ریى، هه‌ما حوكمێ وان ل نك خودێیه، پاشى ئه‌و به‌حسێ كريارێن وان دێ بۆ وان كه‌ت، وجزایێ وى یێ باشى كرى ب باشى دێ ده‌تێ ویێ خرابى كرى ب خرابى.
مَن جَآءَ بِٱلۡحَسَنَةِ فَلَهُۥ عَشۡرُ أَمۡثَالِهَاۖ وَمَن جَآءَ بِٱلسَّيِّئَةِ فَلَا يُجۡزَىٰٓ إِلَّا مِثۡلَهَا وَهُمۡ لَا يُظۡلَمُونَ ﴿١٦٠﴾
هه‌چییێ ڕۆژا قيامه‌تێ ب قه‌نجییێ ڤه بێته نك خودايێ خۆ، هه‌ر قه‌نجییه‌كا وى كربت بۆ ب ده‌هێن وه‌كى وێنه، وهه‌چییێ ب خرابییه‌كێ ڤه بێته نك خودايێ خۆ، ب خرابییه‌كا وه‌كى وێ ب تنێ ئه‌و دێ ئێته جزادان، وهندى زه‌ڕه‌یه‌كێ زۆردارى ل وان نائێته‌كرن.
قُلۡ إِنَّنِي هَدَىٰنِي رَبِّيٓ إِلَىٰ صِرَٰطٖ مُّسۡتَقِيمٖ دِينٗا قِيَمٗا مِّلَّةَ إِبۡرَٰهِيمَ حَنِيفٗاۚ وَمَا كَانَ مِنَ ٱلۡمُشۡرِكِينَ ﴿١٦١﴾
تو -ئه‌ى پێغه‌مبه‌ر- بێژه وان موشركان: هندى ئه‌زم خودايێ من به‌رێ من يێ دايه ڕێكا ڕاست يا كو مرۆڤى دگه‌هينته به‌حه‌شتا وى، كو دينێ ئيسلامێیه يێ دنيا وئاخره‌تا مرۆڤى دورست دكه‌ت، وئه‌و دينێ ته‌وحيدێیه دينێ ئيبراهيمى سلاڤ لێ بن، وئيبراهيم سلاڤ لێ بن ژ وان نه‌بوو يێن شريك بۆ خودێ ددانان.