قورئانا پیرۆز › سورەتا الأنعام › ئایەتا ١٦٣
سورەتا الأنعام · ئایەتا ١٦٣ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُلۡ إِنَّنِي هَدَىٰنِي رَبِّيٓ إِلَىٰ صِرَٰطٖ مُّسۡتَقِيمٖ دِينٗا قِيَمٗا مِّلَّةَ إِبۡرَٰهِيمَ حَنِيفٗاۚ وَمَا كَانَ مِنَ ٱلۡمُشۡرِكِينَ ﴿١٦١﴾
تو -ئه‌ى پێغه‌مبه‌ر- بێژه وان موشركان: هندى ئه‌زم خودايێ من به‌رێ من يێ دايه ڕێكا ڕاست يا كو مرۆڤى دگه‌هينته به‌حه‌شتا وى، كو دينێ ئيسلامێیه يێ دنيا وئاخره‌تا مرۆڤى دورست دكه‌ت، وئه‌و دينێ ته‌وحيدێیه دينێ ئيبراهيمى سلاڤ لێ بن، وئيبراهيم سلاڤ لێ بن ژ وان نه‌بوو يێن شريك بۆ خودێ ددانان.
قُلۡ إِنَّ صَلَاتِي وَنُسُكِي وَمَحۡيَايَ وَمَمَاتِي لِلَّهِ رَبِّ ٱلۡعَٰلَمِينَ ﴿١٦٢﴾
تو -ئه‌ى پێغه‌مبه‌ر- بێژه وان موشركان: هندى نڤێژا من وقوربانێ منه ب تنێ بۆ خودێنه، نه بۆ صه‌نه‌م ومرى وئه‌جنانه، ونه بۆ كه‌س ژ وانه يێن هوين ژ بلى خودێ قوربانان بۆ دده‌ن، وژينا من ومرنا من بۆ خودێیه خودايێ هه‌مى چێكرییان.
لَا شَرِيكَ لَهُۥۖ وَبِذَٰلِكَ أُمِرۡتُ وَأَنَا۠ أَوَّلُ ٱلۡمُسۡلِمِينَ ﴿١٦٣﴾
چو شریك بۆ وى نينن نه د خوداينییا وى دا ونه د په‌رستن وناڤ وسالۆخه‌تێن وى دا، و ب ته‌وحيدا صافى خودايێ من فه‌رمان ل من كرییه، وئه‌ز ئێكه‌مين كه‌سم ژ ڤێ ئوممه‌تێ من خۆ ب ده‌ست خودێ ڤه به‌رداى وباوه‌رى پێ ئيناى.
قُلۡ أَغَيۡرَ ٱللَّهِ أَبۡغِي رَبّٗا وَهُوَ رَبُّ كُلِّ شَيۡءٖۚ وَلَا تَكۡسِبُ كُلُّ نَفۡسٍ إِلَّا عَلَيۡهَاۚ وَلَا تَزِرُ وَازِرَةٞ وِزۡرَ أُخۡرَىٰۚ ثُمَّ إِلَىٰ رَبِّكُم مَّرۡجِعُكُمۡ فَيُنَبِّئُكُم بِمَا كُنتُمۡ فِيهِ تَخۡتَلِفُونَ ﴿١٦٤﴾
تو -ئه‌ى پێغه‌مبه‌ر- بێژه: ئه‌رێ ژ بلى خودێ ئه‌ز خودایه‌كێ دى بۆ خۆ بدانم، وئه‌و ئافرانده‌ر وخودانێ هه‌ر تشته‌كییه؟ ومرۆڤه‌ك كاره‌كێ خراب ناكه‌ت ئه‌گه‌ر گونه‌ها وێ خرابییێ ل سه‌ر وى نه‌بت، ونه‌فسه‌كا گونه‌هكار بارێ نه‌فسه‌كا دى هل ناگرت، پاشى ڕۆژا قيامه‌تێ زڤڕينا هه‌وه بۆ نك خودايێ هه‌وه‌يه، وئه‌و به‌حسێ وى تشتێ هوين تێدا ژێك جودا دبوون ژ كارێ دینى دێ بۆ هه‌وه كه‌ت.
وَهُوَ ٱلَّذِي جَعَلَكُمۡ خَلَـٰٓئِفَ ٱلۡأَرۡضِ وَرَفَعَ بَعۡضَكُمۡ فَوۡقَ بَعۡضٖ دَرَجَٰتٖ لِّيَبۡلُوَكُمۡ فِي مَآ ءَاتَىٰكُمۡۗ إِنَّ رَبَّكَ سَرِيعُ ٱلۡعِقَابِ وَإِنَّهُۥ لَغَفُورٞ رَّحِيمُۢ ﴿١٦٥﴾
وخودێیه يێ هوين كرينه جێگرێن وان يێن به‌رى هه‌وه ل عه‌ردى، پشتى خودێ ئه‌و مراندين، هوين ل جهێ وان دانان؛ دا هوين پشتى وان ب گوهدارییا خودايێ خۆ عه‌ردى ئاڤاكه‌ن، ووى هنده‌ك ژ هه‌وه د ڕزق وهێزێ دا چه‌ند ده‌ره‌جه‌كان ب سه‌ر هنده‌كان ئێخستينه؛ دا ئه‌و ب وى تشتێ وى دايه هه‌وه هه‌وه بجه‌ڕبينت، ودا يێ شوكردار ژ يێ نه شوكردار بۆ مرۆڤان ئاشكه‌را ببت. هندى خودايێ ته‌يه يێ عه‌زاب ب له‌زه بۆ وى یێ كافر ببت، وئه‌و باش گونه‌هـ ژێبره بۆ وى یێ باوه‌رییێ بینت وكارێ چاك بكه‌ت، ویێ دلۆڤانكاره ب وان.