قورئانا پیرۆز › سورەتا الأنعام › ئایەتا ١٩
سورەتا الأنعام · ئایەتا ١٩ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِن يَمۡسَسۡكَ ٱللَّهُ بِضُرّٖ فَلَا كَاشِفَ لَهُۥٓ إِلَّا هُوَۖ وَإِن يَمۡسَسۡكَ بِخَيۡرٖ فَهُوَ عَلَىٰ كُلِّ شَيۡءٖ قَدِيرٞ ﴿١٧﴾
وئه‌گه‌ر خودێ نه‌خۆشییه‌كێ وه‌كى هه‌ژارییێ ونساخییێ ب گه‌هينته ته -ئه‌ى مرۆڤ- ژ وى پێڤه‌تر كه‌س نينه وێ ژ سه‌ر ته لاده‌ت، وئه‌گه‌ر ئه‌و خۆشییه‌كێ بگه‌هينته ته وه‌كى ده‌وله‌مه‌ندییێ وساخله‌مییێ كه‌س نه‌شێت قه‌نجییا وى ڤه‌گه‌ڕينت، هندى ئه‌وه ئه‌و ل سه‌ر هه‌ر تشته‌كى يێ خودان شيانه.
وَهُوَ ٱلۡقَاهِرُ فَوۡقَ عِبَادِهِۦۚ وَهُوَ ٱلۡحَكِيمُ ٱلۡخَبِيرُ ﴿١٨﴾
وخودايێ مه‌زن ل هنداڤى به‌نییێن خۆ یێ سه‌رڤه‌هاتییه؛ هه‌مى ستۆ ل به‌ر وى دچه‌مياينه، وئه‌وه كاربنه‌جهێ هه‌ر تشته‌كى ل جهێ وى يێ دورست ددانت، شاره‌زا يێ كو چو تشت ل به‌ر وى به‌رزه نه‌بت. وئه‌وێ ئه‌ڤ سالۆخه‌ته هه‌بن دڤێت شريك بۆ نه‌ئێنه دانان. وئه‌ڤ ئايه‌ته بلندییێ بۆ خودايێ مه‌زن ده‌سنيشان دكه‌ت ل سه‌ر هه‌مى چێكرییێن وى، بلندییه‌كا بابه‌تى وى بت.
قُلۡ أَيُّ شَيۡءٍ أَكۡبَرُ شَهَٰدَةٗۖ قُلِ ٱللَّهُۖ شَهِيدُۢ بَيۡنِي وَبَيۡنَكُمۡۚ وَأُوحِيَ إِلَيَّ هَٰذَا ٱلۡقُرۡءَانُ لِأُنذِرَكُم بِهِۦ وَمَنۢ بَلَغَۚ أَئِنَّكُمۡ لَتَشۡهَدُونَ أَنَّ مَعَ ٱللَّهِ ءَالِهَةً أُخۡرَىٰۚ قُل لَّآ أَشۡهَدُۚ قُلۡ إِنَّمَا هُوَ إِلَٰهٞ وَٰحِدٞ وَإِنَّنِي بَرِيٓءٞ مِّمَّا تُشۡرِكُونَ ﴿١٩﴾
تو -ئه‌ى پێغه‌مبه‌ر- بێژه وان موشركان: چ تشت شاهده‌ییا وى مه‌زنتره ل سه‌ر ڕاستییا گۆتنا من كو ئه‌ز پێغه‌مبه‌رم؟ تو بێژه: خودێ د ناڤبه‌را من وهه‌وه دا شاهده، ئه‌و یێ زانایه ب وى تشتێ ئه‌ز بۆ هه‌وه پێ هاتیم، وئه‌و دزانت كانێ هوین دێ چ به‌رسڤێ ده‌نه من، ووى ئه‌ڤ قورئانه ب وه‌حى بۆ من هنارتییه دا ئه‌ز هه‌وه پێ ژ عه‌زابا وى بترسينم كو ئه‌و ب سه‌ر هه‌وه دا بێت، ودا ئه‌ز وى پێ بترسينم یێ ئه‌و بگه‌هتێ ژ ملله‌تان. هوين شاهده‌يیێ دده‌ن كو هنده‌ك خوداوه‌ندێن دى د گه‌ل خودێ هه‌نه هوين وان بۆ وى دكه‌نه شريك. تو -ئه‌ى پێغه‌مبه‌ر- بێژه وان: ئه‌ز شاهده‌يیێ ل سه‌ر وێ ناده‌م، هه‌ما هندى خودێیه خودایه‌كێ ب تنێیه يێ بێ شريكه، وهندى ئه‌زم ئه‌زێ به‌ريمه ژ هه‌ر ئێكێ هوین بۆ وى دكه‌نه شريك د په‌رستنێ دا.
ٱلَّذِينَ ءَاتَيۡنَٰهُمُ ٱلۡكِتَٰبَ يَعۡرِفُونَهُۥ كَمَا يَعۡرِفُونَ أَبۡنَآءَهُمُۘ ٱلَّذِينَ خَسِرُوٓاْ أَنفُسَهُمۡ فَهُمۡ لَا يُؤۡمِنُونَ ﴿٢٠﴾
ئه‌وێن مه ته‌ورات وئنجيل دايێ، موحه‌ممه‌دى سلاڤ لێ بن ب وان سالۆخه‌تان دنیاسن يێن كو ل نك وان دنڤيسى كانێ چاوا ئه‌و كوڕێن خۆ دنیاسن، وكا چاوا كوڕێن وان ل به‌ر وان به‌رزه نابن، وه‌سا موحه‌ممه‌د ژى سلاڤ لێ بن ل به‌ر وان به‌رزه نابت ژ به‌ر وان سالۆخه‌تێن وى يێن ب هويرى د كيتابێن وان دا هاتين، به‌لێ وان دويكه‌فتنا دلچوونێن خۆ كر، ڤێجا وان زيانا خۆ كر ده‌مێ وان كافرى ب موحه‌ممه‌دى سلاڤ لێ بن كرى.
وَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًا أَوۡ كَذَّبَ بِـَٔايَٰتِهِۦٓۚ إِنَّهُۥ لَا يُفۡلِحُ ٱلظَّـٰلِمُونَ ﴿٢١﴾
كه‌س ژ وى زۆردارتر نينه يێ ژ دره‌و گۆتنان ژ كيسێ خودێ بكه‌ت، وشریكان بۆ وى د په‌رستنێ دا بدانت، يان دره‌وێ ب ئايه‌ت وده‌ليلێن وى يێن ئاشكه‌را بكه‌ت. هندى ئه‌و زۆردارن يێن دره‌و ژ كيسێ خودێ كرين ب مراد ناكه‌ڤن.