قورئانا پیرۆز › سورەتا الأنعام › ئایەتا ٥٣
سورەتا الأنعام · ئایەتا ٥٣ ب تەفسیرا کوردی
Al-An'am
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَأَنذِرۡ بِهِ ٱلَّذِينَ يَخَافُونَ أَن يُحۡشَرُوٓاْ إِلَىٰ رَبِّهِمۡ لَيۡسَ لَهُم مِّن دُونِهِۦ وَلِيّٞ وَلَا شَفِيعٞ لَّعَلَّهُمۡ يَتَّقُونَ ﴿٥١﴾
وتو -ئه‌ى پێغه‌مبه‌ر- وان ب قورئانێ بترسينه يێن دزانن كو دێ بۆ نك خودايێ خۆ ئێنه كۆمكرن، ڤێجا ئه‌و باوه‌رییێ ب سۆز وگه‌فا خودێ دئينن، وان ژ بلى خودێ چو سه‌ركار نينن پشته‌ڤانییا وان بكه‌ن، وچو مه‌هده‌رچى نينن بۆ وان ل نك خودێ مه‌هده‌رێ بكه‌ن، ووان ژ عه‌زابا وى ڕزگار بكه‌ن؛ دا به‌لكى ئه‌و ب گوهدانا فه‌رمانا خودێ ته‌قوایا وى بكه‌ن.
وَلَا تَطۡرُدِ ٱلَّذِينَ يَدۡعُونَ رَبَّهُم بِٱلۡغَدَوٰةِ وَٱلۡعَشِيِّ يُرِيدُونَ وَجۡهَهُۥۖ مَا عَلَيۡكَ مِنۡ حِسَابِهِم مِّن شَيۡءٖ وَمَا مِنۡ حِسَابِكَ عَلَيۡهِم مِّن شَيۡءٖ فَتَطۡرُدَهُمۡ فَتَكُونَ مِنَ ٱلظَّـٰلِمِينَ ﴿٥٢﴾
وتو -ئه‌ى پێغه‌مبه‌ر- وان موسلمانێن لاواز ژ ديوانا خۆ دوير نه‌كه يێن سپێده وئێڤاران خودايێ خۆ دپه‌رێسن، ئه‌و ب ڤان كريارێن خۆ يێن چاك كنارێ خودێ دخوازن، تشته‌ك ژ حسێبا ڤان هه‌ژاران ل سه‌ر ته نينه، هه‌ما حسێبا وان ل سه‌ر خودێیه، وتشته‌ك ژ حسێبا ته ل سه‌ر وان نينه، وئه‌گه‌ر ته ئه‌و ده‌رێخستن تو دێ ژ وان بى يێن زێده‌گاڤى ل سه‌ر توخويبێن خودێ كرى، ئه‌وێن تشتى دداننه جهێ وى یێ نه موناسب.
وَكَذَٰلِكَ فَتَنَّا بَعۡضَهُم بِبَعۡضٖ لِّيَقُولُوٓاْ أَهَـٰٓؤُلَآءِ مَنَّ ٱللَّهُ عَلَيۡهِم مِّنۢ بَيۡنِنَآۗ أَلَيۡسَ ٱللَّهُ بِأَعۡلَمَ بِٱلشَّـٰكِرِينَ ﴿٥٣﴾
وهه‌ر وه‌سا خودێ هنده‌ك به‌نییێن خۆ ب هنده‌كان جه‌رباندن كو ئه‌و د دانا ڕزقى وئه‌خلاقى دا ژێك جوداكرن، ڤێجا وى هنده‌ك ژ وان ده‌وله‌مه‌ندكرن وهنده‌ك فه‌قيركرن، وهنده‌ك كرنه خودان هێز وهنده‌ك لاوازكرن، وهنده‌ك ژ وان هه‌وجه‌یى هنده‌كان كرن؛ دا ئه‌و وان بجه‌ڕبینت، ودا كافرێن ده‌وله‌مه‌ند بێژن: ئه‌رێ ژ ناڤبه‌را مه خودێ منه‌ت ب هيدايه‌تا بۆ ئيسلامێ ل ڤان لاوازان كرییه؟ ئه‌رێ ما خودێ ب وان زاناتر نينه يێن شوكرا قه‌نجییا وى دكه‌ن، دا ڤێجا به‌رێ وان بده‌ته دینێ خۆ؟
وَإِذَا جَآءَكَ ٱلَّذِينَ يُؤۡمِنُونَ بِـَٔايَٰتِنَا فَقُلۡ سَلَٰمٌ عَلَيۡكُمۡۖ كَتَبَ رَبُّكُمۡ عَلَىٰ نَفۡسِهِ ٱلرَّحۡمَةَ أَنَّهُۥ مَنۡ عَمِلَ مِنكُمۡ سُوٓءَۢا بِجَهَٰلَةٖ ثُمَّ تَابَ مِنۢ بَعۡدِهِۦ وَأَصۡلَحَ فَأَنَّهُۥ غَفُورٞ رَّحِيمٞ ﴿٥٤﴾
وئه‌گه‌ر ئه‌وێن باوه‌رى ب وان ئايه‌تێن خودێ ئيناى یێن ڕاستگۆییا ته -ئه‌ى پێغه‌مبه‌ر- ده‌ردئێخن، هاتنه نك ته، دا پسيارا تۆبه‌كرنا ژ گونه‌هێن خۆ يێن بۆرى ژ ته بكه‌ن، تو ب لێ ڤه‌گه‌ڕاندنا سلاڤا وان قه‌درێ وان بگره، ومزگينییێ ب دلۆڤانییا خودێ يا به‌رفره‌هـ بده وان؛ چونكى خودايێ مه‌زن ژ قه‌نجییا خۆ د گه‌ل به‌نییان دلۆڤانى ل سه‌ر خۆ نڤيسییه كو هه‌چییێ گونه‌هه‌كێ بكه‌ت ونه‌زانت كو ئه‌و گونه‌هـ دێ وى هێژاى غه‌زه‌با خودێ كه‌ت -و ب ڤێ چه‌ندێ هه‌ر گونه‌هكاره‌كێ ب خه‌له‌تى ڤه یان ژ قه‌ستا گونه‌هـ كربت یێ نه‌زانه، ئه‌گه‌ر زانى بت كو ئه‌و تشت گونه‌هه ژى- پاشى پشتى وێ گونه‌هێ ئه‌و ل خۆ بزڤڕت و ل سه‌ر كارێ چاك یێ به‌رده‌وام بت، خودێ گونه‌ها وى ژێ دبه‌ت، چونكى ئه‌و باش گونه‌هـ ژێبرێ به‌نییێن خۆ يێن تۆبه‌كه‌ره، ويێ دلۆڤانكاره ب وان.
وَكَذَٰلِكَ نُفَصِّلُ ٱلۡأٓيَٰتِ وَلِتَسۡتَبِينَ سَبِيلُ ٱلۡمُجۡرِمِينَ ﴿٥٥﴾
ووه‌كى ڤێ ئاشكه‌راكرنا مه بۆ ته ئاشكه‌را كرى -ئه‌ى پێغه‌مبه‌ر-، ئه‌م ئايه‌تان ل سه‌ر هه‌ر حه‌قییه‌كا خودانێن نه‌حه‌قییێ كافرییێ پێ دكه‌ن ئاشكه‌را دكه‌ين؛ دا ڕاستى ئاشكه‌را ببت، ودا ڕێكا نه‌حه‌قان ئه‌وێن گوهدارییا پێغه‌مبه‌ران نه‌كه‌ن خويا ببت.