قورئانا پیرۆز › سورەتا العنكبوت › ئایەتا ٣
سورەتا العنكبوت · ئایەتا ٣ ب تەفسیرا کوردی
Al-Ankabut
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
الٓمٓ ﴿١﴾
(الم) گۆتن ل دۆر حه‌رفێن كه‌ركرى ل ده‌سپێكا سووره‌تا به‌قه‌ره بۆرییه.
أَحَسِبَ ٱلنَّاسُ أَن يُتۡرَكُوٓاْ أَن يَقُولُوٓاْ ءَامَنَّا وَهُمۡ لَا يُفۡتَنُونَ ﴿٢﴾
ئه‌رێ مرۆڤان هزركرییه كو ئه‌گه‌ر وان گۆت: مه باوه‌رى ئينا، خودێ بێ جه‌ڕباندن دێ وان هێلت؟
وَلَقَدۡ فَتَنَّا ٱلَّذِينَ مِن قَبۡلِهِمۡۖ فَلَيَعۡلَمَنَّ ٱللَّهُ ٱلَّذِينَ صَدَقُواْ وَلَيَعۡلَمَنَّ ٱلۡكَٰذِبِينَ ﴿٣﴾
و ب ڕاستى ئه‌و ملله‌تێن به‌رى وان يێن مه پێغه‌مبه‌ر بۆ هنارتين مه جه‌ڕباند بوون، ڤێجا ب ڕاستى خودێ دێ وان نیاست يێن د باوه‌رییا خۆ دا دڕاست، ويێن د باوه‌رییا خۆ دا ددره‌وين.
أَمۡ حَسِبَ ٱلَّذِينَ يَعۡمَلُونَ ٱلسَّيِّـَٔاتِ أَن يَسۡبِقُونَاۚ سَآءَ مَا يَحۡكُمُونَ ﴿٤﴾
يان ئه‌رێ ئه‌وێن خرابییان دكه‌ن هزركرییه كو ئه‌و دێ مه بێزاركه‌ن، وئه‌و دێ ژ ده‌ست مه ده‌ركه‌ڤن وئه‌م نه‌شێينێ؟ پيسه حوكمه ئه‌و حوكمى پێ دكه‌ن.
مَن كَانَ يَرۡجُواْ لِقَآءَ ٱللَّهِ فَإِنَّ أَجَلَ ٱللَّهِ لَأٓتٖۚ وَهُوَ ٱلسَّمِيعُ ٱلۡعَلِيمُ ﴿٥﴾
هه‌چییێ هيڤيیا ديدارا خودێ كر بت، ودلێ خۆ بربته خێرا وى، هندى ئه‌و ده‌مه يێ خودێ بۆ ڕاكرنا خه‌لكى داناى نێزيكه هه‌ر دێ ئێت، وئه‌وه گوهدێرێ گۆتنان، يێ پڕزانا ب كرياران.