قورئانا پیرۆز › سورەتا الأعراف › ئایەتا ١٤
سورەتا الأعراف · ئایەتا ١٤ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَالَ مَا مَنَعَكَ أَلَّا تَسۡجُدَ إِذۡ أَمَرۡتُكَۖ قَالَ أَنَا۠ خَيۡرٞ مِّنۡهُ خَلَقۡتَنِي مِن نَّارٖ وَخَلَقۡتَهُۥ مِن طِينٖ ﴿١٢﴾
خودێ ب نه‌ڕازيبوون ڤه ل سه‌ر خۆنه‌چه‌ماندنا ئبليسى گۆتێ: ئه‌رێ ئه‌و چ بوو نه‌هێلاى تو خۆ بچه‌مينى ده‌مێ من فه‌رمان ل ته كرى؟ ئبليسى گۆت: ئافراندنا من ژ يا وى چێتره؛ چونكى ئه‌ز ژ ئاگرى يێ هاتيمه ئافراندن، وئه‌و ژ ته‌قنێ. ڤێجا وى هزركر ئاگر ژ ئاخێ ب قه‌درتره.
قَالَ فَٱهۡبِطۡ مِنۡهَا فَمَا يَكُونُ لَكَ أَن تَتَكَبَّرَ فِيهَا فَٱخۡرُجۡ إِنَّكَ مِنَ ٱلصَّـٰغِرِينَ ﴿١٣﴾
خودێ گۆته ئبليسى: پا دێ ژ به‌حه‌شتێ هه‌ڕه خوارێ؛ چونكى بۆ ته چێ نابت تو خۆ ل وێرێ مه‌زن بكه‌ى، ڤێجا تو ژ به‌حه‌شتێ ده‌ركه‌ڤه، هندى تويى تو ژ بێ خێر وڕه‌زيلانى.
قَالَ أَنظِرۡنِيٓ إِلَىٰ يَوۡمِ يُبۡعَثُونَ ﴿١٤﴾
ده‌مێ ئبليس ژ دلۆڤانییا خودێ بێ هيڤى بووى گۆتێ: حه‌تا ڕۆژا ڕابوونێ تو من بهێله؛ دا ئه‌ز بشێم وى د سه‌ر دا ببه‌م يێ ئه‌ز بشێمێ ژ دوونده‌ها ئاده‌مى.
قَالَ إِنَّكَ مِنَ ٱلۡمُنظَرِينَ ﴿١٥﴾
خودێ گۆت: هندى تويى تو ژ وانى يێن من ئه‌جه‌لێ وان پاش ئێخستى حه‌تا پفكرنا ئێكێ د بۆڕییێ دا، هنگى ده‌مێ خودان رح هه‌مى دمرن.
قَالَ فَبِمَآ أَغۡوَيۡتَنِي لَأَقۡعُدَنَّ لَهُمۡ صِرَٰطَكَ ٱلۡمُسۡتَقِيمَ ﴿١٦﴾
ئبليسێ له‌عنه‌تى گۆت: ژ به‌ر كو ته ئه‌ز دسه‌ردا بريم سویند ئه‌ز دێ گه‌له‌ك بزاڤێ كه‌م؛ دا ئه‌ز دوونده‌ها ئاده‌مى د سه‌ر ڕێكا ته يا ڕاست دا ببه‌م، وئه‌ز دێ وان ژ وێ ئيسلاما ته خوڕستییا وان ل سه‌ر داى پاشڤه به‌م.