قورئانا پیرۆز › سورەتا الأعراف › ئایەتا ١٥٢
سورەتا الأعراف · ئایەتا ١٥٢ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَمَّا رَجَعَ مُوسَىٰٓ إِلَىٰ قَوۡمِهِۦ غَضۡبَٰنَ أَسِفٗا قَالَ بِئۡسَمَا خَلَفۡتُمُونِي مِنۢ بَعۡدِيٓۖ أَعَجِلۡتُمۡ أَمۡرَ رَبِّكُمۡۖ وَأَلۡقَى ٱلۡأَلۡوَاحَ وَأَخَذَ بِرَأۡسِ أَخِيهِ يَجُرُّهُۥٓ إِلَيۡهِۚ قَالَ ٱبۡنَ أُمَّ إِنَّ ٱلۡقَوۡمَ ٱسۡتَضۡعَفُونِي وَكَادُواْ يَقۡتُلُونَنِي فَلَا تُشۡمِتۡ بِيَ ٱلۡأَعۡدَآءَ وَلَا تَجۡعَلۡنِي مَعَ ٱلۡقَوۡمِ ٱلظَّـٰلِمِينَ ﴿١٥٠﴾
وده‌مێ مووسا عێجز وغه‌مگين زڤڕییه نك ملله‌تێ خۆ؛ چونكى خودێ پێ دابوو زانين كو ملله‌تێ وى يێ دسه‌ردا چووى، وكو سامرى ئه‌و يێن ژ ڕێكا دورست ده‌رێخستين، مووساى گۆت: پيسه جێگرى بوو پشتى من هه‌وه كرى، ئه‌رێ هه‌وه له‌ز ل فه‌رمانا خودايێ خۆ كر؟ یه‌عنى: هه‌وه له‌ز ل زڤڕينا من كر يا كو خودێ ده‌مێ وێ ده‌سنيشان كرى؟ ومووساى ژ كه‌ربێن ملله‌تێ خۆ يێ گۆلكپه‌رێس وبرايێ خۆ هاروونى دا ده‌پێن ته‌وراتێ هاڤێتن، وسه‌رێ برايێ خۆ گرت و ب نك خۆ ڤه كێشا، هاروونى ب نه‌رمى ڤه گۆتێ: كوڕێ ده‌یكا من هندى ملله‌ت بوو بێ هێزى بۆ خۆ د من ڕا ديت، ووان ئه‌ز حسێب كرم مرۆڤه‌كێ لاواز، ونێزيك بوو ئه‌و من بكوژن، ڤێجا ب ڤى كارێ تو د گه‌ل من دكه‌ى تو كه‌يفا دوژمنان نه‌ئينه، وتو ل ده‌مێ كه‌ربا خۆ من نه‌ده د گه‌ل وى ملله‌تى يێ پێگيرى ب فه‌رمانا ته نه‌كرى وگۆلك په‌رێسى.
قَالَ رَبِّ ٱغۡفِرۡ لِي وَلِأَخِي وَأَدۡخِلۡنَا فِي رَحۡمَتِكَۖ وَأَنتَ أَرۡحَمُ ٱلرَّـٰحِمِينَ ﴿١٥١﴾
ده‌مێ مووساى ديتى كو برايێ وى هێجه‌تا خۆ هه‌يه، وزانى كو وى ته‌خسيرى د كارێ خۆ دا نه‌كرییه، وى گۆت: خودايێ من، تو گونه‌ها كه‌ربڤه‌بوونا من بۆ من ژێ ببه، ووێ بۆ برايێ من ژێ ببه يا به‌رى نوكه د ناڤبه‌را وى وئسرائيلییان دا چێبووى، وتو دلۆڤانییا خۆ يا به‌رفره‌هـ ب سه‌ر مه دا بينه، هندى تويى تو ب مه دلۆڤانترى ژ هه‌مى دلۆڤانكاران.
إِنَّ ٱلَّذِينَ ٱتَّخَذُواْ ٱلۡعِجۡلَ سَيَنَالُهُمۡ غَضَبٞ مِّن رَّبِّهِمۡ وَذِلَّةٞ فِي ٱلۡحَيَوٰةِ ٱلدُّنۡيَاۚ وَكَذَٰلِكَ نَجۡزِي ٱلۡمُفۡتَرِينَ ﴿١٥٢﴾
هندى ئه‌ون يێن گولك بۆ خۆ كرییه خودا، غه‌زه‌به‌كا دژوار ژ خودايێ وان وشه‌رمزارییا د ژينا دنيايێ دا دێ گه‌هتێ؛ ژ به‌ر كوفرا وان ب خودايێ خۆ كرى، وكانێ مه چ ل ڤان كر، وه‌سا ئه‌م دێ د گه‌ل وان دره‌وپێكه‌ران ژى كه‌ين يێن ژ نك خۆ تشتان ل دينێ خودێ زێده دكه‌ن، له‌و هه‌ر خودان بیدعه‌یه‌ك یێ ره‌زیله.
وَٱلَّذِينَ عَمِلُواْ ٱلسَّيِّـَٔاتِ ثُمَّ تَابُواْ مِنۢ بَعۡدِهَا وَءَامَنُوٓاْ إِنَّ رَبَّكَ مِنۢ بَعۡدِهَا لَغَفُورٞ رَّحِيمٞ ﴿١٥٣﴾
وئه‌وێن خرابى ژ كوفر وگونه‌هان كرين، پاشى پشتى هنگى ل باوه‌رییێ وكارێ چاك زڤڕين، هندى خودايێ ته‌يه پشتى تۆبا دورست گونه‌هـ ژێبرێ كريارێن وانه شه‌رما وان نابه‌ت، يێ پڕدلۆڤانكاره ب وان وهه‌ر ئێكێ وه‌كى وان تۆبه بكه‌ت.
وَلَمَّا سَكَتَ عَن مُّوسَى ٱلۡغَضَبُ أَخَذَ ٱلۡأَلۡوَاحَۖ وَفِي نُسۡخَتِهَا هُدٗى وَرَحۡمَةٞ لِّلَّذِينَ هُمۡ لِرَبِّهِمۡ يَرۡهَبُونَ ﴿١٥٤﴾
وده‌مێ كه‌ربا مووساى داهاتى، وى ده‌پ ژ عه‌ردى هلگرتن پشتى كو وى ئه‌و هاڤێتين، وئاشكه‌راكرنا حه‌قییێ ودلۆڤانى بۆ وان يێن ژ خودێ وعه‌زابا وى دترسن د وان ده‌پێن ته‌وراتێ دا هه‌بوويه.