قورئانا پیرۆز › سورەتا الأعراف › ئایەتا ١٩٠
سورەتا الأعراف · ئایەتا ١٩٠ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُل لَّآ أَمۡلِكُ لِنَفۡسِي نَفۡعٗا وَلَا ضَرًّا إِلَّا مَا شَآءَ ٱللَّهُۚ وَلَوۡ كُنتُ أَعۡلَمُ ٱلۡغَيۡبَ لَٱسۡتَكۡثَرۡتُ مِنَ ٱلۡخَيۡرِ وَمَا مَسَّنِيَ ٱلسُّوٓءُۚ إِنۡ أَنَا۠ إِلَّا نَذِيرٞ وَبَشِيرٞ لِّقَوۡمٖ يُؤۡمِنُونَ ﴿١٨٨﴾
تو -ئه‌ى پێغه‌مبه‌ر- بێژه: ژ وێ پێڤه‌تر يا خودێ حه‌ز كرى ئه‌ز نه‌شێم نه چو مفایى بگه‌هينمه خۆ ونه چو زيانێ ژ خۆ پاشڤه ببه‌م، وئه‌گه‌ر من تشتێ نه‌به‌رچاڤ وغه‌یب زانيبا ئه‌ز دا وان ئه‌گه‌ران ب كارئينم يێن گه‌له‌ك مفا پێ گه‌هشتبا من، وئه‌ز دا خۆ ژ وان ڕێكان ده‌مه پاش يێن خرابى ژێ دگه‌هشته من به‌رى خرابى هاتبا، وهندى ئه‌زم هه‌ما ب تنێ ئه‌ز پێغه‌مبه‌رێ خودێمه وى ئه‌زێ بۆ هه‌وه هنارتيم؛ دا ئه‌ز هه‌وه ژ عه‌زابا وى بترسينم، ومزگينییێ ب قه‌نجییا وى بده‌مه وى ملله‌تێ باوه‌رییێ دئينت كو ئه‌ز پێغه‌مبه‌رێ خودێمه، وكارى ب شریعه‌تێ وى دكه‌ن.
۞هُوَ ٱلَّذِي خَلَقَكُم مِّن نَّفۡسٖ وَٰحِدَةٖ وَجَعَلَ مِنۡهَا زَوۡجَهَا لِيَسۡكُنَ إِلَيۡهَاۖ فَلَمَّا تَغَشَّىٰهَا حَمَلَتۡ حَمۡلًا خَفِيفٗا فَمَرَّتۡ بِهِۦۖ فَلَمَّآ أَثۡقَلَت دَّعَوَا ٱللَّهَ رَبَّهُمَا لَئِنۡ ءَاتَيۡتَنَا صَٰلِحٗا لَّنَكُونَنَّ مِنَ ٱلشَّـٰكِرِينَ ﴿١٨٩﴾
گه‌لى مرۆڤان خودێیه هوين ژ نه‌فسه‌كا ب تنێ -كو ئاده‌مه- ئافراندين، وجۆتێ وێ -كو حه‌ووايه- هه‌ر ژ وێ ئافراند؛ دا صه‌بر وهه‌دارا وى پێ بێت، ڤێجا ده‌مێ ئه‌و چوويه نك -ومه‌به‌ست پێ نفشێ نێر ومێیانه ژ دوونده‌ها ئاده‌مى- وێ ئاڤه‌كا سڤك هلگرت، وئه‌و پێ ڕابوو وڕوينشت وبارێ خۆ هلگرت، حه‌تا گاڤا ده‌مێ بوونێ نێزيك بووى وئه‌و پێ گران بووى ژن ومێران دوعا ژ خودايێ خۆ كر: ئه‌گه‌ر تو مرۆڤه‌كێ دورست وچاك بده‌يه مه سويند بت ئه‌م دێ ژ شوكردارا بين.
فَلَمَّآ ءَاتَىٰهُمَا صَٰلِحٗا جَعَلَا لَهُۥ شُرَكَآءَ فِيمَآ ءَاتَىٰهُمَاۚ فَتَعَٰلَى ٱللَّهُ عَمَّا يُشۡرِكُونَ ﴿١٩٠﴾
ڤێجا ده‌مێ خودێ زارۆیه‌كێ چاك دايه ژن ومێران، وان هه‌ڤپشكه‌ك بۆ خودێ د دانا وى زارۆكى دا چێكر، ووان ئه‌و بۆ وى هه‌ڤپشكى كره عه‌بد، ڤێجا يێ پاك وبلند بت خودێ ژ هه‌ر شركه‌كا هه‌بت.
أَيُشۡرِكُونَ مَا لَا يَخۡلُقُ شَيۡـٔٗا وَهُمۡ يُخۡلَقُونَ ﴿١٩١﴾
ئه‌رێ ئه‌و موشركێن هه چێكرییێن خودێ بۆ وى د په‌رستنێ دا دكه‌نه هه‌ڤپشك، وئه‌و چێكرى نه‌شێن تشته‌كى بئافرينن، به‌لكى ئه‌و دئافراندينه؟
وَلَا يَسۡتَطِيعُونَ لَهُمۡ نَصۡرٗا وَلَآ أَنفُسَهُمۡ يَنصُرُونَ ﴿١٩٢﴾
وئه‌و نه‌شێن پشته‌ڤانییا وان بكه‌ن يێن په‌رستنێ بۆ دكه‌ن يان خرابییێ ژ خۆ ب خۆ بده‌نه پاش، ڤێجا ئه‌گه‌ر ئه‌و نه‌شێن تشته‌كى بئافرينن، ونه‌شێن خرابییێ ژ خۆ ووان بده‌نه پاش، ئه‌رێ چاوا د گه‌ل خودێ ئه‌و ببنه خوداوه‌ند؟ ئه‌ڤه مه‌زنترین زرۆدارى وكێم عه‌قلییه.