قورئانا پیرۆز › سورەتا الأعراف › ئایەتا ٧٩
سورەتا الأعراف · ئایەتا ٧٩ ب تەفسیرا کوردی
Al-A'raf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَعَقَرُواْ ٱلنَّاقَةَ وَعَتَوۡاْ عَنۡ أَمۡرِ رَبِّهِمۡ وَقَالُواْ يَٰصَٰلِحُ ٱئۡتِنَا بِمَا تَعِدُنَآ إِن كُنتَ مِنَ ٱلۡمُرۡسَلِينَ ﴿٧٧﴾
ئينا -سڤككرن بۆ وێ گه‌فا صالحى ل وان كرى- وان حێشتر ڤه‌كوشت، وخۆ ژ فه‌رمانا خودايێ خۆ مه‌زنتر لێكر، وبۆ تڕانه پێكرن وان گۆت: ئه‌ى صالح وێ عه‌زابێ ب سه‌ر مه دا بينه يا تو مه پێ دترسينى، ئه‌گه‌ر تو ژ پێغه‌مبه‌رێن خودێیى.
فَأَخَذَتۡهُمُ ٱلرَّجۡفَةُ فَأَصۡبَحُواْ فِي دَارِهِمۡ جَٰثِمِينَ ﴿٧٨﴾
ئينا ئه‌وێن باوه‌رى نه‌ئيناى ڤه‌له‌رزينه‌كا دژوار ب وان كه‌فت دلێن وان ژ به‌ر هاتنه ده‌ر، ڤێجا ئه‌و د باژێرێ وان دا هاتنه براندن، وكه‌فتنه سه‌ر چۆك وڕوییان، وكه‌سه‌ك ژ وان قورتال نه‌بوو.
فَتَوَلَّىٰ عَنۡهُمۡ وَقَالَ يَٰقَوۡمِ لَقَدۡ أَبۡلَغۡتُكُمۡ رِسَالَةَ رَبِّي وَنَصَحۡتُ لَكُمۡ وَلَٰكِن لَّا تُحِبُّونَ ٱلنَّـٰصِحِينَ ﴿٧٩﴾
ڤێجا صالحى پشت دا ملله‌تێ خۆ -ده‌مێ وان حێشتر ڤه‌كوشتى وعه‌زاب ب سه‌ر دا هاتى- وگۆته وان: ئه‌ى ملله‌تێ من ب ڕاستى من ئه‌و په‌يام گه‌هانده هه‌وه يا خودايێ من فه‌رمان پێ ل من كرى، وبۆ شيره‌تكرن وترساندنێ يا ژ من هاتى من كر، به‌لێ هوين حه‌ز ژ شيره‌تكه‌ران ناكه‌ن، هوين گۆتنێن وان دزڤڕاینن، وگوهدارییا هه‌ر شه‌يتانه‌كێ له‌عنه‌تى دكه‌ن.
وَلُوطًا إِذۡ قَالَ لِقَوۡمِهِۦٓ أَتَأۡتُونَ ٱلۡفَٰحِشَةَ مَا سَبَقَكُم بِهَا مِنۡ أَحَدٖ مِّنَ ٱلۡعَٰلَمِينَ ﴿٨٠﴾
وتو -ئه‌ى پێغه‌مبه‌ر- به‌حسێ لووطى سلاڤ لێ بن بكه، ده‌مێ وى گۆتییه ملله‌تى خۆ: ئه‌رێ هوين وێ كرێتییا زێده كرێت دكه‌ن؟ كه‌سێ ژ چێكرییان به‌رى هه‌وه ئه‌و نه‌كرییه.
إِنَّكُمۡ لَتَأۡتُونَ ٱلرِّجَالَ شَهۡوَةٗ مِّن دُونِ ٱلنِّسَآءِۚ بَلۡ أَنتُمۡ قَوۡمٞ مُّسۡرِفُونَ ﴿٨١﴾
هندى هوينن هوين -ژ گڕدارییا خۆ- دچنه نك زه‌لامان، وهوين به‌رێ خۆ ناده‌نه كرێتییا ڤى كارى، وهوين وان ژنێن خودێ بۆ هه‌وه حه‌لالكرين دهێلن، هوين ملله‌ته‌كن هه‌وه زێده‌گاڤى ل سه‌ر توخويبێن خودێ كرییه. وكرنا كارێ خراب د گه‌ل زه‌لامان كاره‌ك بوو ملله‌تێ لووطى بۆ جارا ئێكێ ده‌رێخستبوو، به‌رى وان چو كه‌سان ئه‌ڤ كاره نه‌كرییه.