قورئانا پیرۆز › سورەتا البقرة › ئایەتا ١٠٤
سورەتا البقرة · ئایەتا ١٠٤ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱتَّبَعُواْ مَا تَتۡلُواْ ٱلشَّيَٰطِينُ عَلَىٰ مُلۡكِ سُلَيۡمَٰنَۖ وَمَا كَفَرَ سُلَيۡمَٰنُ وَلَٰكِنَّ ٱلشَّيَٰطِينَ كَفَرُواْ يُعَلِّمُونَ ٱلنَّاسَ ٱلسِّحۡرَ وَمَآ أُنزِلَ عَلَى ٱلۡمَلَكَيۡنِ بِبَابِلَ هَٰرُوتَ وَمَٰرُوتَۚ وَمَا يُعَلِّمَانِ مِنۡ أَحَدٍ حَتَّىٰ يَقُولَآ إِنَّمَا نَحۡنُ فِتۡنَةٞ فَلَا تَكۡفُرۡۖ فَيَتَعَلَّمُونَ مِنۡهُمَا مَا يُفَرِّقُونَ بِهِۦ بَيۡنَ ٱلۡمَرۡءِ وَزَوۡجِهِۦۚ وَمَا هُم بِضَآرِّينَ بِهِۦ مِنۡ أَحَدٍ إِلَّا بِإِذۡنِ ٱللَّهِۚ وَيَتَعَلَّمُونَ مَا يَضُرُّهُمۡ وَلَا يَنفَعُهُمۡۚ وَلَقَدۡ عَلِمُواْ لَمَنِ ٱشۡتَرَىٰهُ مَا لَهُۥ فِي ٱلۡأٓخِرَةِ مِنۡ خَلَٰقٖۚ وَلَبِئۡسَ مَا شَرَوۡاْ بِهِۦٓ أَنفُسَهُمۡۚ لَوۡ كَانُواْ يَعۡلَمُونَ ﴿١٠٢﴾
وجوهییان دويچوونا وى تشتى كر يێ شه‌يتانان ل سه‌ر ده‌مێ سوله‌يمانێ كوڕێ داوودى بۆ سێره‌به‌ندان دگۆت. وسوله‌يمان كافر نه‌بووبوو وخۆ فێرى سێره‌به‌ندییێ نه‌كربوو، به‌لكى شه‌يتان بوون يێن كوفر ب خودێ كرى ده‌مێ وان مرۆڤ فێرى سێره‌به‌ندییێ كرين؛ دا دينێ وان خراب بكه‌ن. وهه‌ر وه‌سا جوهییان دويكه‌فتنا وێ سێره‌به‌ندییێ كر ئه‌وا بۆ هه‌ردو ملياكه‌تێن ل عه‌ردێ (بابل)ێ ل (عيراق)ێ هارووت ومارووتى هاتییه خوارێ؛ بۆ جه‌ڕباندنا به‌نییان ژ لايێ خودێ ڤه، وئه‌و هه‌ردو فريشته سێره‌به‌ندییێ نيشا كه‌سێ ناده‌ن حه‌تا ئه‌و وى شيره‌ت نه‌كه‌ن ووى ژ خۆفێركرنا سێره‌به‌ندییێ پاشڤه‌نه‌به‌ن، ونه‌بێژنێ: ب خۆفێركرنا سێره‌به‌ندییێ وگوهدارییا شه‌يتانان كافر نه‌به. ڤێجا مرۆڤ ژ وان هه‌ردو فريشته‌يان فێرى وى تشتى دبن يێ نه‌ڤيانێ پێ دئێخنه د ناڤبه‌را ژن ومێران دا؛ دا ئه‌و ژێكڤه‌بن. وسێره‌به‌ند نه‌شێن بێ ئانه‌هییا خودێ ب سێره‌به‌ندییا خۆ زيانێ بگه‌هيننه كه‌سێ، وهه‌ما سێره‌به‌ند ب تنێ فێرى وى تشتى دبن يێ خرابى وزيان پێ دگه‌هته وان، وشه‌يتانان ئه‌و بۆ جوهییان ڤه‌گوهاست، ڤێجا ئه‌و هند د ناڤ وان دا به‌لاڤبوو حه‌تا كو وان ئه‌و ژ كيتابا خودێ چێتر ديتى. وجوهییان زانى كو هه‌چییێ سێره‌به‌ندییێ هلبژيرت وحه‌قییێ بهێلت ئه‌وى ل ئاخره‌تێ چو بار د خێرێ دا نابت. و چ پيسه تشت بوو كو وان خۆ پێ كڕى كو باوه‌رى ودويكه‌فتنا پێغه‌مبه‌رى دايه ب سێره‌به‌ندییێ وكوفرێ، ئه‌گه‌ر وان زانينه‌ك ب وێ هه‌با يا شيره‌ت پێ ل وان هاتییه‌كرن.
وَلَوۡ أَنَّهُمۡ ءَامَنُواْ وَٱتَّقَوۡاْ لَمَثُوبَةٞ مِّنۡ عِندِ ٱللَّهِ خَيۡرٞۚ لَّوۡ كَانُواْ يَعۡلَمُونَ ﴿١٠٣﴾
وئه‌گه‌ر جوهییان باوه‌رى ئينابا و ژ خودێ ترسیابان، دا زانن هندى ئه‌و خه‌لاته يێ خودێ دده‌ته وان، بۆ وان چێتره ژ سێره‌به‌ندییێ و ژ وى مالێ وان پێ ب ده‌ست خۆ ڤه ئيناى، ئه‌گه‌ر وان زانیبا ئه‌و خه‌لات وجزایێ ب باوه‌رى وته‌قوایێ ڤه دئێت چه‌نده ئه‌و دا باوه‌رییێ ئینن.
يَـٰٓأَيُّهَا ٱلَّذِينَ ءَامَنُواْ لَا تَقُولُواْ رَٰعِنَا وَقُولُواْ ٱنظُرۡنَا وَٱسۡمَعُواْۗ وَلِلۡكَٰفِرِينَ عَذَابٌ أَلِيمٞ ﴿١٠٤﴾
ئه‌ى گه‌لى ئه‌وێن باوه‌رى ئيناى، هوین نه‌بێژنه موحه‌ممه‌د پێغه‌مبه‌رى سلاڤ لێ بن: (راعنا) یه‌عنى: گوهێ خۆ بده مه، د مه بگه‌هه ومه تێ بگه‌هینه؛ چونكى جوهییان ئه‌و په‌یڤ دگۆته پێغه‌مبه‌رى سلاڤ لێ بن، ووان ئه‌زمانێ خۆ پێ خوار دكر، ومه‌خسه‌دا وان پێ ئه‌و بوو خه‌به‌ران بێژنه پێغه‌مبه‌رى سلاڤ لێ بن، وهوين -گه‌لى خودان باوه‌ران- پێشڤه بێژن: (انظرنا) یه‌عى: به‌رێ ته ل مه بت، وچاڤدێرییێ ل مه بكه، وئه‌و هه‌ر وێ مه‌عنايێ دده‌ت یا په‌یڤا بۆرى دده‌ت، وهوین گوهدارییا وى تشتى بكه‌ن یێ د كیتابا خودایێ هه‌وه دا بۆ هه‌وه دئێته گۆتن. وبۆ بێ باوه‌ران عه‌زابه‌كا ب ئێش هه‌يه.
مَّا يَوَدُّ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ وَلَا ٱلۡمُشۡرِكِينَ أَن يُنَزَّلَ عَلَيۡكُم مِّنۡ خَيۡرٖ مِّن رَّبِّكُمۡۚ وَٱللَّهُ يَخۡتَصُّ بِرَحۡمَتِهِۦ مَن يَشَآءُۚ وَٱللَّهُ ذُو ٱلۡفَضۡلِ ٱلۡعَظِيمِ ﴿١٠٥﴾
ئه‌وێن كافر بووين ژ خودانێن كيتابێ وبوتپه‌رێسان نه‌ڤێت قه‌نجییه‌ك ژ لايێ خودايێ هه‌وه ڤه ب سه‌ر هه‌وه دا بێته خوارێ، وه‌كى قورئانێ یان زانينه‌كێ، يان سه‌ركه‌فتن ومزگينییه‌كێ، وخودێ دلۆڤانییا خۆ بۆ وى كه‌سى تايبه‌ت دكه‌ت يێ وى بڤێت ژ به‌نییێن خۆ، ب دانا پێغه‌مبه‌رينییێ، وخودێ خودانێ قه‌نجى ودانا مه‌زن وبه‌رفره‌هه.
۞مَا نَنسَخۡ مِنۡ ءَايَةٍ أَوۡ نُنسِهَا نَأۡتِ بِخَيۡرٖ مِّنۡهَآ أَوۡ مِثۡلِهَآۗ أَلَمۡ تَعۡلَمۡ أَنَّ ٱللَّهَ عَلَىٰ كُلِّ شَيۡءٖ قَدِيرٌ ﴿١٠٦﴾
هه‌ر ئايه‌ته‌كا ئه‌م بگوهۆڕين يان ژ سه‌ر دل وهزرا خه‌لكى ببه‌ين ئه‌م ئێكا ژ وێ ب مفاتر يان ئێكا وه‌كى وێ د بارلێكرن وخێرێ دا بۆ هه‌وه دئينين، وهه‌ر ئێكێ حكمه‌ته‌ك تێدا هه‌يه، ئه‌رێ ما ته -ئه‌ى پێغه‌مبه‌ر- وئوممه‌تا ته نه‌زانییه كو هندى خودێیه يێ خودان شيانه وتشته‌ك وى بێزار ناكه‌ت؟