قورئانا پیرۆز › سورەتا البقرة › ئایەتا ١١٢
سورەتا البقرة · ئایەتا ١١٢ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَۚ وَمَا تُقَدِّمُواْ لِأَنفُسِكُم مِّنۡ خَيۡرٖ تَجِدُوهُ عِندَ ٱللَّهِۗ إِنَّ ٱللَّهَ بِمَا تَعۡمَلُونَ بَصِيرٞ ﴿١١٠﴾
وهوين -گه‌لى خودان باوه‌ران- ب كرنا نڤێژێ ب ڕه‌نگێ وێ يێ دورست ڕاببن، وزه‌كاتا هاتییه فه‌ركرن بده‌ن. وبزانن كو هه‌ر خێره‌كا هوين بۆ خۆ پێشكێش بكه‌ن هوين ل ئاخره‌تێ خێرا وێ ل نك خودێ دێ بينن. هندى ئه‌وه ئه‌و ب هه‌مى كريارێن هه‌وه يێ بينه‌ره، ودێ هه‌وه سه‌را وان جزا ده‌ت.
وَقَالُواْ لَن يَدۡخُلَ ٱلۡجَنَّةَ إِلَّا مَن كَانَ هُودًا أَوۡ نَصَٰرَىٰۗ تِلۡكَ أَمَانِيُّهُمۡۗ قُلۡ هَاتُواْ بُرۡهَٰنَكُمۡ إِن كُنتُمۡ صَٰدِقِينَ ﴿١١١﴾
جوهى وفه‌لان هزر دكر كو به‌حه‌شت ب تنێ يا وانه وژبلى وان كه‌سێ دى ناچتێ، ئه‌و هزرا وان يا خرابه. تو -ئه‌ى پێغه‌مبه‌ر- بێژه وان: كانێ هوين ده‌ليلێ خۆ ل سه‌ر ڕاستییا گۆتنا خۆ بينن ئه‌گه‌ر هوين د گۆتنا خۆ دا دڕاستگۆنه.
بَلَىٰۚ مَنۡ أَسۡلَمَ وَجۡهَهُۥ لِلَّهِ وَهُوَ مُحۡسِنٞ فَلَهُۥٓ أَجۡرُهُۥ عِندَ رَبِّهِۦ وَلَا خَوۡفٌ عَلَيۡهِمۡ وَلَا هُمۡ يَحۡزَنُونَ ﴿١١٢﴾
وه نينه وه‌كى ئه‌و دبێژن كو به‌حه‌شت بۆ وان ب تنێیه، به‌لكى هه‌ر كه‌سه‌كێ په‌ڕستنێ ب ئیخلاص بۆ خودێ ب تنێ بكه‌ت، وئه‌و د هه‌مى گۆتن وكریارێن خۆ دا دویكه‌فتنا موحه‌ممه‌د پێغه‌مبه‌رى سلاڤ لێ بن بكه‌ت، دێ چته به‌حه‌شتێ. ڤێجا هه‌چییێ وێ چه‌ندێ بكه‌ت ئه‌وى جزايێ كارێ وى بۆ وى ل ئاخره‌تێ ل نك خودايێ وى هه‌يه، كو چوونا به‌حه‌شتییه، وئه‌و ژ وێ نه‌خۆشییێ ناترسن ئه‌وا ل پاشه‌ڕۆژێ ژ كارێ ئاخره‌تێ ل به‌را وان هه‌ى، و ل سه‌ر وان پشك وبارێن دنيايێ ژى ب خه‌م ناكه‌ڤن یێن ژ ده‌ست وان ده‌ركه‌فتین.
وَقَالَتِ ٱلۡيَهُودُ لَيۡسَتِ ٱلنَّصَٰرَىٰ عَلَىٰ شَيۡءٖ وَقَالَتِ ٱلنَّصَٰرَىٰ لَيۡسَتِ ٱلۡيَهُودُ عَلَىٰ شَيۡءٖ وَهُمۡ يَتۡلُونَ ٱلۡكِتَٰبَۗ كَذَٰلِكَ قَالَ ٱلَّذِينَ لَا يَعۡلَمُونَ مِثۡلَ قَوۡلِهِمۡۚ فَٱللَّهُ يَحۡكُمُ بَيۡنَهُمۡ يَوۡمَ ٱلۡقِيَٰمَةِ فِيمَا كَانُواْ فِيهِ يَخۡتَلِفُونَ ﴿١١٣﴾
وجوهییان گۆت: فه‌له ل سه‌ر دينێ ڕاست نينن، وفه‌لان ژى د ده‌ر حه‌قێ جوهییان دا هه‌ر وه گۆت وئه‌و يێ ته‌وراتێ وئنجيلێ دخوينن، و د وان هه‌ردو كیتابان دا هاتییه كو باوه‌رى ئينانا ب هه‌مى پێغه‌مبه‌ران يا فه‌ره. هه‌ر وه‌سا ئه‌وێن نه‌زان ژ كافرێن عه‌ره‌بان ويێن دى ژى وه‌كى گۆتنا وان گۆت، یه‌عنى وان گۆته هه‌ر كه‌سه‌كێ خودان دين: تو ل سه‌ر چو نينى، ڤێجا خودێیه ل ڕۆژا ڕابوونێ حوكمى د ناڤبه‌را وان دا دكه‌ت د وى تشتى دا ژ دينى يێ ئه‌و تێدا ژێك جودا بووين، وهه‌ر ئێكى ل دويڤ كريارێن وى دێ جزا ده‌ت.
وَمَنۡ أَظۡلَمُ مِمَّن مَّنَعَ مَسَٰجِدَ ٱللَّهِ أَن يُذۡكَرَ فِيهَا ٱسۡمُهُۥ وَسَعَىٰ فِي خَرَابِهَآۚ أُوْلَـٰٓئِكَ مَا كَانَ لَهُمۡ أَن يَدۡخُلُوهَآ إِلَّا خَآئِفِينَۚ لَهُمۡ فِي ٱلدُّنۡيَا خِزۡيٞ وَلَهُمۡ فِي ٱلۡأٓخِرَةِ عَذَابٌ عَظِيمٞ ﴿١١٤﴾
كه‌س ژ وى زۆردارتر نينه يێ نه‌هێلت به‌حسێ خودێ ب كرنا نڤێژێ، وخواندنا قورئانێ د مزگه‌فتان دا بێته‌كرن ، و ب مجدى لێ بگه‌ڕيێت دا وان ب هه‌ڕفاندنێ يان ده‌رگه‌هگرتنێ خراب بكه‌ت، يان موسلمانان ژێ مه‌نعه‌كه‌ت. ئه‌و زۆردارێن هه بۆ وان نه‌بوويه كو بێ ترسا ژ جزادانێ ئه‌و بێنه د مزگه‌فتان ڤه، ژ به‌ر وێ چه‌ندێ ڕه‌زيلى وشه‌رمزارى ل دنيايێ، وعه‌زابه‌كا دژوار ل ئاخره‌تێ بۆ وان هه‌يه.