قورئانا پیرۆز › سورەتا البقرة › ئایەتا ١٥٧
سورەتا البقرة · ئایەتا ١٥٧ ب تەفسیرا کوردی
Al-Baqarah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَنَبۡلُوَنَّكُم بِشَيۡءٖ مِّنَ ٱلۡخَوۡفِ وَٱلۡجُوعِ وَنَقۡصٖ مِّنَ ٱلۡأَمۡوَٰلِ وَٱلۡأَنفُسِ وَٱلثَّمَرَٰتِۗ وَبَشِّرِ ٱلصَّـٰبِرِينَ ﴿١٥٥﴾
و ب هنده‌كێ ژ ترسێ, وبرسێ, وكێمكرنا مالى كو هوين ب زه‌حمه‌ت وى ب ده‌ست خۆ ڤه بينن, يان هه‌ما هه‌مییێ ببه‌ين, وهه‌وه ب مرنێ يان كوشتنا د ڕێكا خودێ دا, و ب كێمكرنا به‌رهه‌مێ دارقه‌سپ ومێو ودان ودكاكان، يان خرابكرنا وان, ئه‌م دێ هه‌وه جه‌ربينين. وتو -ئه‌ى پێغه‌مبه‌ر- مزگينییێ ب وى تشتێ كه‌يف وخۆشییا دويماهییێ ل دنيايێ وئاخره‌تێ دگه‌هینت، بده وان يێن بێنفره‌هییێ ل سه‌ر ڤێ چه‌ندێ دكه‌ن.
ٱلَّذِينَ إِذَآ أَصَٰبَتۡهُم مُّصِيبَةٞ قَالُوٓاْ إِنَّا لِلَّهِ وَإِنَّآ إِلَيۡهِ رَٰجِعُونَ ﴿١٥٦﴾
ژ سالۆخه‌تێن ڤان بێنفره‌هان ئه‌وه ئه‌گه‌ر نه‌خۆشییه‌ك گه‌هشتێ ئه‌و دبێژن: ئه‌م به‌نییێن خودێينه وملكێ وينه, ئه‌وه مه ب ڕێڤه دبه‌ت, ويا وى بڤێت ئه‌و د گه‌ل مه دكه‌ت, وئه‌م ب مرنێ پاشى ڕابوونا بۆ جزادانێ دێ زڤڕينه نك وى.
أُوْلَـٰٓئِكَ عَلَيۡهِمۡ صَلَوَٰتٞ مِّن رَّبِّهِمۡ وَرَحۡمَةٞۖ وَأُوْلَـٰٓئِكَ هُمُ ٱلۡمُهۡتَدُونَ ﴿١٥٧﴾
ئه‌و بێنفره‌هێن هه مه‌دح ودلۆڤانییه‌كا مه‌زن ژ خودێ بۆ وان هه‌يه، وئه‌و ئه‌ون يێن ل سه‌ر ڕێكا ڕاست.
۞إِنَّ ٱلصَّفَا وَٱلۡمَرۡوَةَ مِن شَعَآئِرِ ٱللَّهِۖ فَمَنۡ حَجَّ ٱلۡبَيۡتَ أَوِ ٱعۡتَمَرَ فَلَا جُنَاحَ عَلَيۡهِ أَن يَطَّوَّفَ بِهِمَاۚ وَمَن تَطَوَّعَ خَيۡرٗا فَإِنَّ ٱللَّهَ شَاكِرٌ عَلِيمٌ ﴿١٥٨﴾
هندى صه‌فا ومه‌روه‌نه -وئه‌و دو گرێن بچويكن ل نێزيكى كه‌عبێ ل لايێ ڕۆژهه‌لاتێ- ژ ڕێنيشانێن ئاشكه‌رانه يێن دينێ خودێ, يێن كو عه‌بدينییا خودێ ب هاتن وچوونا د ناڤبه‌رێ دا دئێته‌كرن. ڤێجا هه‌چییێ بۆ حه‌جێ يان عومرێ قه‌ستا كه‌عبێ بكه‌ت، چو گونه‌هـ وته‌نگاڤى ل سه‌ر وى نينه ئه‌گه‌ر ئه‌و د ناڤبه‌رێ دا بێت وبچت, به‌لكى ئه‌و چه‌نده ل سه‌ر وى يا فه‌ره, وهه‌چییێ ژ دل خێران بكه‌ت هندى خودێیه سوپاسدارێ وییه، سه‌را كێمێ ئه‌و گه‌له‌كێ دده‌ت, يێ پرزانايه ب كريارێن به‌نییێن خۆ، نه خێرا وان به‌رزه دكه‌ت، نه ژى كێم دكه‌ت.
إِنَّ ٱلَّذِينَ يَكۡتُمُونَ مَآ أَنزَلۡنَا مِنَ ٱلۡبَيِّنَٰتِ وَٱلۡهُدَىٰ مِنۢ بَعۡدِ مَا بَيَّنَّـٰهُ لِلنَّاسِ فِي ٱلۡكِتَٰبِ أُوْلَـٰٓئِكَ يَلۡعَنُهُمُ ٱللَّهُ وَيَلۡعَنُهُمُ ٱللَّـٰعِنُونَ ﴿١٥٩﴾
هندى ئه‌ون يێن وان ئايه‌تێن ئاشكه‌را ل سه‌ر پێغه‌مبه‌رينییا موحه‌ممه‌دى سلاڤ لێ بن يێن مه ئيناينه خوارێ، وئه‌و تشتێ ئه‌و پێ هاتى ڤه‌دشێرن، وئه‌و زانايێن جوهى وفه‌لانه وهه‌ر ئێكێ وى تشتێ خودێ د ته‌وراتێ وئنجيلێ دا ئينايه خوارێ ڤه‌شێرت, پشتى كو وى ئه‌و بۆ مرۆڤان ئاشكه‌را كرى، ئه‌و ئه‌ون يێن خودێ ئه‌و ژ ڕه‌حما خۆ بێ باركرين, وهه‌مى ئافراندى ب له‌عنه‌ت ڤه نفرينێ ل وان دكه‌ن.