surah002سورەتا البقرة · ئایەتا ١٥٩ ب تەفسیرا کوردی

أُوْلَـٰٓئِكَ عَلَيۡهِمۡ صَلَوَٰتٞ مِّن رَّبِّهِمۡ وَرَحۡمَةٞۖ وَأُوْلَـٰٓئِكَ هُمُ ٱلۡمُهۡتَدُونَ ﴿١٥٧﴾

ئه‌و بێنفره‌هێن هه‌ مه‌دح ودلۆڤانییه‌كا مه‌زن ژ خودێ بۆ وان هه‌يه‌، وئه‌و ئه‌ون يێن ل سه‌ر ڕێكا ڕاست.

۞إِنَّ ٱلصَّفَا وَٱلۡمَرۡوَةَ مِن شَعَآئِرِ ٱللَّهِۖ فَمَنۡ حَجَّ ٱلۡبَيۡتَ أَوِ ٱعۡتَمَرَ فَلَا جُنَاحَ عَلَيۡهِ أَن يَطَّوَّفَ بِهِمَاۚ وَمَن تَطَوَّعَ خَيۡرٗا فَإِنَّ ٱللَّهَ شَاكِرٌ عَلِيمٌ ﴿١٥٨﴾

هندى صه‌فا ومه‌روه‌نه‌ -وئه‌و دو گرێن بچويكن ل نێزيكى كه‌عبێ ل لايێ ڕۆژهه‌لاتێ- ژ ڕێنيشانێن ئاشكه‌رانه‌ يێن دينێ خودێ‌, يێن كو عه‌بدينییا خودێ ب هاتن وچوونا د ناڤبه‌رێ دا دئێته‌كرن. ڤێجا هه‌چییێ بۆ حه‌جێ يان عومرێ قه‌ستا كه‌عبێ بكه‌ت، چو گونه‌هـ وته‌نگاڤى ل سه‌ر وى نينه‌ ئه‌گه‌ر ئه‌و د ناڤبه‌رێ دا بێت وبچت, به‌لكى ئه‌و چه‌نده‌ ل سه‌ر وى يا فه‌ره‌, وهه‌چییێ ژ دل خێران بكه‌ت هندى خودێیه‌‌ سوپاسدارێ وییه‌، سه‌را كێمێ ئه‌و گه‌له‌كێ دده‌ت, يێ پرزانايه‌ ب كريارێن به‌نییێن خۆ، نه‌ خێرا وان به‌رزه‌ دكه‌ت، نه‌ ژى كێم دكه‌ت.

إِنَّ ٱلَّذِينَ يَكۡتُمُونَ مَآ أَنزَلۡنَا مِنَ ٱلۡبَيِّنَٰتِ وَٱلۡهُدَىٰ مِنۢ بَعۡدِ مَا بَيَّنَّـٰهُ لِلنَّاسِ فِي ٱلۡكِتَٰبِ أُوْلَـٰٓئِكَ يَلۡعَنُهُمُ ٱللَّهُ وَيَلۡعَنُهُمُ ٱللَّـٰعِنُونَ ﴿١٥٩﴾

هندى ئه‌ون يێن وان ئايه‌تێن ئاشكه‌را ل سه‌ر پێغه‌مبه‌رينییا موحه‌ممه‌دى سلاڤ لێ بن يێن مه‌ ئيناينه‌ خوارێ، وئه‌و تشتێ ئه‌و پێ هاتى ڤه‌دشێرن، وئه‌و زانايێن جوهى وفه‌لانه‌ وهه‌ر ئێكێ وى تشتێ خودێ د ته‌وراتێ وئنجيلێ دا ئينايه‌ خوارێ ڤه‌شێرت, پشتى كو وى ئه‌و بۆ مرۆڤان ئاشكه‌را كرى، ئه‌و ئه‌ون يێن خودێ ئه‌و ژ ڕه‌حما خۆ بێ باركرين, وهه‌مى ئافراندى ب له‌عنه‌ت ڤه‌ نفرينێ ل وان دكه‌ن.

إِلَّا ٱلَّذِينَ تَابُواْ وَأَصۡلَحُواْ وَبَيَّنُواْ فَأُوْلَـٰٓئِكَ أَتُوبُ عَلَيۡهِمۡ وَأَنَا ٱلتَّوَّابُ ٱلرَّحِيمُ ﴿١٦٠﴾

ئه‌و تێ نه‌بن يێن ل خۆ زڤڕين وداخوازا لێبۆرينا گونه‌هان ژ خودێ كرى, وتشتێ وان خرابكرى چێ بكه‌نه‌ڤه‌, ويێ ڤه‌شارتى ئاشكه‌را بكه‌ن، ئه‌وان ئه‌ز دێ ل وان بۆرم, وئه‌زم تۆبا به‌نییێن خۆ وه‌ردگرم، ودلۆڤانییێ پێ دبه‌م.

إِنَّ ٱلَّذِينَ كَفَرُواْ وَمَاتُواْ وَهُمۡ كُفَّارٌ أُوْلَـٰٓئِكَ عَلَيۡهِمۡ لَعۡنَةُ ٱللَّهِ وَٱلۡمَلَـٰٓئِكَةِ وَٱلنَّاسِ أَجۡمَعِينَ ﴿١٦١﴾

هندى ئه‌ون يێن باوه‌رى نه‌ئيناى وحه‌قى ڤه‌شارتى, وحه‌تا ئه‌و مرين ئه‌و ل سه‌ر ڤێ چه‌ندێ ماين, ئه‌وان له‌عنه‌تا خودێ ویا ملیاكه‌تان وهه‌مى مرۆڤان ل سه‌ره‌.