surah002سورەتا البقرة · ئایەتا ٩ ب تەفسیرا کوردی

خَتَمَ ٱللَّهُ عَلَىٰ قُلُوبِهِمۡ وَعَلَىٰ سَمۡعِهِمۡۖ وَعَلَىٰٓ أَبۡصَٰرِهِمۡ غِشَٰوَةٞۖ وَلَهُمۡ عَذَابٌ عَظِيمٞ ﴿٧﴾

خودێ خه‌تم يا ل دلێن وان و ل گوهێن وان داى، و ل سه‌ر چاڤێن وان ڕه‌ش په‌رده‌ هه‌نه‌؛ ژ به‌ر سه‌رڕه‌قی‌ وكافرییا وان كرى پشتى حه‌قى بۆ وان ئاشكه‌رابووى، ڤێجا خودێ به‌رێ وان نه‌دا ڕێیا ڕاست، وعه‌زابه‌كا دژوار د ئاگرێ جه‌هنه‌مێ دا بۆ وان هه‌يه‌.

وَمِنَ ٱلنَّاسِ مَن يَقُولُ ءَامَنَّا بِٱللَّهِ وَبِٱلۡيَوۡمِ ٱلۡأٓخِرِ وَمَا هُم بِمُؤۡمِنِينَ ﴿٨﴾

و ژ مرۆڤان ده‌سته‌كه‌ك هه‌يه‌ د ناڤبه‌را خودان باوه‌ر وكافران دا دودل وحێبه‌تى ماينه‌، وئه‌و دوڕوينه‌ يێن ب ئه‌زمانێن خۆ دبێژن: مه‌ باوه‌رى ب خودێ و ب ڕۆژا دويماهییێ ئينايه‌.. وئه‌و د دل دا ددره‌وينن وان باوه‌رى نه‌ئينايه‌.

يُخَٰدِعُونَ ٱللَّهَ وَٱلَّذِينَ ءَامَنُواْ وَمَا يَخۡدَعُونَ إِلَّآ أَنفُسَهُمۡ وَمَا يَشۡعُرُونَ ﴿٩﴾

ژ نه‌زانينا خۆ ئه‌و هزر دكه‌ن كو ئه‌و خودێ وخودان باوه‌ران دخاپينن ده‌مێ باوه‌رییا خۆ ئاشكه‌را دكه‌ن وكوفرا خۆ ڤه‌دشێرن، وهه‌ما ب تنێ ئه‌و خۆ دخاپينن؛ چونكى دويماهییا خاپاندنا وان هه‌ر ب خرابى ل سه‌ر وان دزڤڕت. و ژ به‌ر زێده‌ نه‌زانينا وان ئه‌و ب وێ چه‌ندێ ناحه‌سیێن؛ چونكى دلێن وان دخرابن.

فِي قُلُوبِهِم مَّرَضٞ فَزَادَهُمُ ٱللَّهُ مَرَضٗاۖ وَلَهُمۡ عَذَابٌ أَلِيمُۢ بِمَا كَانُواْ يَكۡذِبُونَ ﴿١٠﴾

گومان ددلێن وان دا هه‌يه‌، ڤێجا ئه‌و ب كرنا وان گونه‌هان هاتنه‌ جه‌رباندن يێن ئه‌و پێ بێنه‌ جزادان، ڤێجا خودێ گومان ل وان زێده‌كر، وعه‌زابه‌كا ب ئێش بۆ وان هه‌يه‌ ژ به‌ر دره‌و ودوڕویاتییا وان.

وَإِذَا قِيلَ لَهُمۡ لَا تُفۡسِدُواْ فِي ٱلۡأَرۡضِ قَالُوٓاْ إِنَّمَا نَحۡنُ مُصۡلِحُونَ ﴿١١﴾

وئه‌گه‌ر شيره‌ت ل وان هاته‌كرن كو ئه‌و ب كافرییێ وكرنا گونه‌هان خرابكارییێ د عه‌ردى دا به‌س كه‌ن، ونهێنییێن خودان باوه‌ران به‌لاڤ نه‌كه‌ن، وپشته‌ڤانییا كافران نه‌كه‌ن، ژ هه‌ڤڕكى ودره‌و ئه‌و دێ بێژن: هه‌ما ئه‌مين یێن چاكییێ‌ دخوازن.