قورئانا پیرۆز › سورەتا الفتح › ئایەتا ٢٩
سورەتا الفتح · ئایەتا ٢٩ ب تەفسیرا کوردی
Al-Fath
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
لَّقَدۡ صَدَقَ ٱللَّهُ رَسُولَهُ ٱلرُّءۡيَا بِٱلۡحَقِّۖ لَتَدۡخُلُنَّ ٱلۡمَسۡجِدَ ٱلۡحَرَامَ إِن شَآءَ ٱللَّهُ ءَامِنِينَ مُحَلِّقِينَ رُءُوسَكُمۡ وَمُقَصِّرِينَ لَا تَخَافُونَۖ فَعَلِمَ مَا لَمۡ تَعۡلَمُواْ فَجَعَلَ مِن دُونِ ذَٰلِكَ فَتۡحٗا قَرِيبًا ﴿٢٧﴾
ب ڕاستى خودێ ئه‌و خه‌ون ڕاست ده‌رێخست يا وى نيشا پێغه‌مبه‌رێ خۆ موحه‌ممه‌دى سلاڤ لێ بن داى كو ئه‌و وصه‌حابییێن خۆ پشتڕاست دێ چنه مزگه‌فتا حه‌رام، هوين ژ بوتپه‌رێسان ناترسن، سه‌رێن خۆ دێ تراشن وكورت كه‌ن، ڤێجا خودێ ئه‌و خێر زانى يا هه‌وه نه‌دزانى (كو هوين وێ سالێ نه‌چنه مه‌كه‌هێ وسالا دى بچنێ)، ڤێجا به‌رى هوين بچنه مه‌كه‌هێ وه‌كى وى ژڤان پێ دايه هه‌وه وى ڤه‌كرنه‌كا نێزيك دا هه‌وه، كو صولحا حوده‌يبیێ وڤه‌كرنا خه‌يبه‌رێ بوو.
هُوَ ٱلَّذِيٓ أَرۡسَلَ رَسُولَهُۥ بِٱلۡهُدَىٰ وَدِينِ ٱلۡحَقِّ لِيُظۡهِرَهُۥ عَلَى ٱلدِّينِ كُلِّهِۦۚ وَكَفَىٰ بِٱللَّهِ شَهِيدٗا ﴿٢٨﴾
ئه‌وه يێ پێغه‌مبه‌رێ خۆ موحه‌ممه‌د -سلاڤ لێ بن- ب رێنيشادانه‌كا ئاشكه‌را ودينێ ئيسلامێ هنارتى؛ دا ئه‌و وى دينى ب سه‌ر هه‌مى دينان بێخت، وخودێ تێرا ته هه‌يه -ئه‌ى پێغه‌مبه‌ر- شاهد بت كو ئه‌و دێ پشته‌ڤانییا ته كه‌ت ودينێ ته ب سه‌رئێخت.
مُّحَمَّدٞ رَّسُولُ ٱللَّهِۚ وَٱلَّذِينَ مَعَهُۥٓ أَشِدَّآءُ عَلَى ٱلۡكُفَّارِ رُحَمَآءُ بَيۡنَهُمۡۖ تَرَىٰهُمۡ رُكَّعٗا سُجَّدٗا يَبۡتَغُونَ فَضۡلٗا مِّنَ ٱللَّهِ وَرِضۡوَٰنٗاۖ سِيمَاهُمۡ فِي وُجُوهِهِم مِّنۡ أَثَرِ ٱلسُّجُودِۚ ذَٰلِكَ مَثَلُهُمۡ فِي ٱلتَّوۡرَىٰةِۚ وَمَثَلُهُمۡ فِي ٱلۡإِنجِيلِ كَزَرۡعٍ أَخۡرَجَ شَطۡـَٔهُۥ فَـَٔازَرَهُۥ فَٱسۡتَغۡلَظَ فَٱسۡتَوَىٰ عَلَىٰ سُوقِهِۦ يُعۡجِبُ ٱلزُّرَّاعَ لِيَغِيظَ بِهِمُ ٱلۡكُفَّارَۗ وَعَدَ ٱللَّهُ ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ مِنۡهُم مَّغۡفِرَةٗ وَأَجۡرًا عَظِيمَۢا ﴿٢٩﴾
موحه‌ممه‌د پێغه‌مبه‌رێ خودێیه، وئه‌وێن د گه‌ل وى ل سه‌ر دينێ وى ل سه‌ر كافران ددژوارن، و د ناڤبه‌را خۆ دا ددلۆڤانن، تو وان دبينى ئه‌و د نڤێژێ دا بۆ خودێ دچنه ركووعێ وسجوودێ، ئه‌و دخوازن خودايێ وان قه‌نجییێ د گه‌ل وان بكه‌ت، ڤێجا وان ببه‌ته به‌حه‌شتێ، و ژ وان ڕازى ببت، نيشانا عه‌بدينییا وان بۆ خودێ ل سه‌ر وچاڤێن وان يا دياره ژ به‌ر شوينا سجوودێ وعيباده‌تى، ئه‌ڤه ئه‌و سالۆخه‌تێ وانه يێ د ته‌وراتێ دا هاتى. ومه‌ته‌لا وان د ئنجيلێ دا وه‌كى مه‌ته‌لا وى چاندییه يێ چه‌ق وبستيكا خۆ ده‌رێخستى، پاشى تايێن وى زێده بووين، و ب هێزكه‌فتى، وخۆ ل سه‌ر بنا خۆ گرتى وجوان ڕابووى، ب ڕه‌نگه‌كێ وه‌سا كو كه‌يفا وه‌رازان پێ بێت؛ دا ئه‌و ب مشه‌بوونا ڤان خودان باوه‌ران وجوانییا وان كه‌ربێن كافران ڤه‌كه‌ت. وئه‌ڤه ده‌ليله ل سه‌ر كوفرا وان يێن نه‌ڤيانا صه‌حابییان د دلی دا هه‌بت؛ چونكى هه‌چییێ خودێ ب صه‌حابییان كه‌ربێن وى ڤه‌كه‌ت، ئه‌و وى يێ خۆ هێژاى كوفرێ كرى. خودێ سۆزا دايه وان يێن باوه‌رى ب خودێ وپێغه‌مبه‌رێ وى ئيناى وئه‌و كرى يا خودێ فه‌رمان پێ لێ كرى ژ وان، كو گونه‌هێن وان ژێ ببه‌ت، وخێره‌كا بێ ڤه‌بڕين، كو به‌حه‌شته، بده‌تێ. وسۆزا خودێ يا ڕاسته وهه‌ر دێ ب جهـ ئێت، وهه‌ر كه‌سه‌كێ ڕێكا صه‌حابییان بگرت ئه‌و ژى وه‌كى وانه، وباشترییا وان يا هندێیه ئه‌و به‌رێ هاتبوونه د ئيسلامێ دا وكه‌س نه‌شێت بگه‌هته ڕێزا وان، خودێ ژ وان ڕازى ببت.