قورئانا پیرۆز › سورەتا الفرقان › ئایەتا ٢٧
سورەتا الفرقان · ئایەتا ٢٧ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَيَوۡمَ تَشَقَّقُ ٱلسَّمَآءُ بِٱلۡغَمَٰمِ وَنُزِّلَ ٱلۡمَلَـٰٓئِكَةُ تَنزِيلًا ﴿٢٥﴾
وتو -ئه‌ى پێغه‌مبه‌ر- به‌حسێ وێ ڕۆژێ بكه يا عه‌سمان تێدا چڕچڕ دبت، و ژ په‌قێن وى عه‌ورێن سپى وته‌نك ده‌ردكه‌ڤن، ووێ ڕۆژێ خودێ فريشته‌يێن عه‌سمانى دئينته خوارێ، وئه‌و ل مه‌حشه‌رێ دۆرێ ل خه‌لكى دگرن، وخودايێ پاك وبلند دئێت دا حوكمى د ناڤبه‌را خه‌لكى دا بكه‌ت، هاتنه‌كا بابه‌تى وى بت.
ٱلۡمُلۡكُ يَوۡمَئِذٍ ٱلۡحَقُّ لِلرَّحۡمَٰنِۚ وَكَانَ يَوۡمًا عَلَى ٱلۡكَٰفِرِينَ عَسِيرٗا ﴿٢٦﴾
ملكێ ب دورستى وێ ڕۆژێ بۆ خودايێ پڕدلۆڤان ب تنێیه ونه بۆ كه‌سێ دییه، وئه‌ڤ ڕۆژه يا گران و ب زه‌حمه‌ت بوويه ل سه‌ر كافران؛ ژ به‌ر وێ عه‌زابا نه‌خۆش يا ب سه‌رێ وان دئێت.
وَيَوۡمَ يَعَضُّ ٱلظَّالِمُ عَلَىٰ يَدَيۡهِ يَقُولُ يَٰلَيۡتَنِي ٱتَّخَذۡتُ مَعَ ٱلرَّسُولِ سَبِيلٗا ﴿٢٧﴾
وتو به‌حسێ وێ ڕۆژێ بكه يا زۆردار تێدا ژ په‌شێمانى له‌قان ل ده‌ستێن خۆ دده‌ت ودبێژت: خوزى من هه‌ڤالينییا پێغه‌مبه‌رێ خودێ موحه‌ممه‌دى سلاڤ لێ بن كربا، ودويكه‌فتنا وى كربا، ومن ئيسلام بۆ خۆ كربا ڕێك بۆ به‌حه‌شتێ.
يَٰوَيۡلَتَىٰ لَيۡتَنِي لَمۡ أَتَّخِذۡ فُلَانًا خَلِيلٗا ﴿٢٨﴾
وئه‌و ب كه‌سه‌ر ڤه دبێژت: خوزى من فلان كافر بۆ خۆ نه‌كربا دۆست وهه‌ڤال.
لَّقَدۡ أَضَلَّنِي عَنِ ٱلذِّكۡرِ بَعۡدَ إِذۡ جَآءَنِيۗ وَكَانَ ٱلشَّيۡطَٰنُ لِلۡإِنسَٰنِ خَذُولٗا ﴿٢٩﴾
ب ڕاستى ڤى هه‌ڤالی ئه‌ز ژ قورئانێ دويركرم پشتى كو ئه‌و بۆ من هاتى. وشه‌يتانێ له‌عنه‌تى هه‌رده‌م مرۆڤى شه‌رمزار دكه‌ت. وئه‌ڤ ئايه‌ته مرۆڤى ژ هه‌ڤالينییا مرۆڤێن خراب دده‌ته پاش؛ چونكى هه‌ڤالێ خراب دبته ئه‌گه‌را برنا هه‌ڤالێ خۆ بۆ ناڤ ئاگرى.