قورئانا پیرۆز › سورەتا الفرقان › ئایەتا ٢٨
سورەتا الفرقان · ئایەتا ٢٨ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱلۡمُلۡكُ يَوۡمَئِذٍ ٱلۡحَقُّ لِلرَّحۡمَٰنِۚ وَكَانَ يَوۡمًا عَلَى ٱلۡكَٰفِرِينَ عَسِيرٗا ﴿٢٦﴾
ملكێ ب دورستى وێ ڕۆژێ بۆ خودايێ پڕدلۆڤان ب تنێیه ونه بۆ كه‌سێ دییه، وئه‌ڤ ڕۆژه يا گران و ب زه‌حمه‌ت بوويه ل سه‌ر كافران؛ ژ به‌ر وێ عه‌زابا نه‌خۆش يا ب سه‌رێ وان دئێت.
وَيَوۡمَ يَعَضُّ ٱلظَّالِمُ عَلَىٰ يَدَيۡهِ يَقُولُ يَٰلَيۡتَنِي ٱتَّخَذۡتُ مَعَ ٱلرَّسُولِ سَبِيلٗا ﴿٢٧﴾
وتو به‌حسێ وێ ڕۆژێ بكه يا زۆردار تێدا ژ په‌شێمانى له‌قان ل ده‌ستێن خۆ دده‌ت ودبێژت: خوزى من هه‌ڤالينییا پێغه‌مبه‌رێ خودێ موحه‌ممه‌دى سلاڤ لێ بن كربا، ودويكه‌فتنا وى كربا، ومن ئيسلام بۆ خۆ كربا ڕێك بۆ به‌حه‌شتێ.
يَٰوَيۡلَتَىٰ لَيۡتَنِي لَمۡ أَتَّخِذۡ فُلَانًا خَلِيلٗا ﴿٢٨﴾
وئه‌و ب كه‌سه‌ر ڤه دبێژت: خوزى من فلان كافر بۆ خۆ نه‌كربا دۆست وهه‌ڤال.
لَّقَدۡ أَضَلَّنِي عَنِ ٱلذِّكۡرِ بَعۡدَ إِذۡ جَآءَنِيۗ وَكَانَ ٱلشَّيۡطَٰنُ لِلۡإِنسَٰنِ خَذُولٗا ﴿٢٩﴾
ب ڕاستى ڤى هه‌ڤالی ئه‌ز ژ قورئانێ دويركرم پشتى كو ئه‌و بۆ من هاتى. وشه‌يتانێ له‌عنه‌تى هه‌رده‌م مرۆڤى شه‌رمزار دكه‌ت. وئه‌ڤ ئايه‌ته مرۆڤى ژ هه‌ڤالينییا مرۆڤێن خراب دده‌ته پاش؛ چونكى هه‌ڤالێ خراب دبته ئه‌گه‌را برنا هه‌ڤالێ خۆ بۆ ناڤ ئاگرى.
وَقَالَ ٱلرَّسُولُ يَٰرَبِّ إِنَّ قَوۡمِي ٱتَّخَذُواْ هَٰذَا ٱلۡقُرۡءَانَ مَهۡجُورٗا ﴿٣٠﴾
وپێغه‌مبه‌رى گازنده ژ كارێ ملله‌تێ خۆ كر وگۆت: ئه‌ى خودايێ من هندى ملله‌تێ منه پشتا خۆ دابوو ڤێ قورئانێ، نه هزرا خۆ تێدا دكر ونه كار پێ دكر ونه ئه‌و دگه‌هانده خه‌لكى. وئه‌ڤ ئايه‌ته گه‌فه‌كا مه‌زنه بۆ وى يێ پشت بده‌ته قورئانێ وكارى پێ نه‌كه‌ت.