قورئانا پیرۆز › سورەتا الفرقان › ئایەتا ٣٢
سورەتا الفرقان · ئایەتا ٣٢ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَالَ ٱلرَّسُولُ يَٰرَبِّ إِنَّ قَوۡمِي ٱتَّخَذُواْ هَٰذَا ٱلۡقُرۡءَانَ مَهۡجُورٗا ﴿٣٠﴾
وپێغه‌مبه‌رى گازنده ژ كارێ ملله‌تێ خۆ كر وگۆت: ئه‌ى خودايێ من هندى ملله‌تێ منه پشتا خۆ دابوو ڤێ قورئانێ، نه هزرا خۆ تێدا دكر ونه كار پێ دكر ونه ئه‌و دگه‌هانده خه‌لكى. وئه‌ڤ ئايه‌ته گه‌فه‌كا مه‌زنه بۆ وى يێ پشت بده‌ته قورئانێ وكارى پێ نه‌كه‌ت.
وَكَذَٰلِكَ جَعَلۡنَا لِكُلِّ نَبِيٍّ عَدُوّٗا مِّنَ ٱلۡمُجۡرِمِينَۗ وَكَفَىٰ بِرَبِّكَ هَادِيٗا وَنَصِيرٗا ﴿٣١﴾
وكانێ چاوا مه هنده‌ك دوژمن ژ تاوانبارێن ملله‌تێ ته -ئه‌ى پێغه‌مبه‌ر- بۆ ته داناينه، وه‌سا مه بۆ هه‌ر پێغه‌مبه‌ره‌كى دوژمنه‌ك ژ تاوانبارێن ملله‌تێ وى دانايه، ڤێجا تو وه‌كى وان پێغه‌مبه‌ران صه‌برێ بكێشه. وخودايێ ته به‌سه بۆ ته هاريكار وڕێنيشانده‌ر وپشته‌ڤان بت دژى دوژمنێن ته. وئه‌ڤه صه‌برئينانه بۆ پێغه‌مبه‌رى -سلاڤ لێ بن-.
وَقَالَ ٱلَّذِينَ كَفَرُواْ لَوۡلَا نُزِّلَ عَلَيۡهِ ٱلۡقُرۡءَانُ جُمۡلَةٗ وَٰحِدَةٗۚ كَذَٰلِكَ لِنُثَبِّتَ بِهِۦ فُؤَادَكَۖ وَرَتَّلۡنَٰهُ تَرۡتِيلٗا ﴿٣٢﴾
وئه‌وێن كافر بووين گوتن: بلا ئه‌ڤ قورئانه ژى وه‌كى ته‌وراتێ وئنجيلێ وزه‌بوورێ ب ئێكجارى بۆ موحه‌ممه‌دى هاتبا خوارى! خودێ گۆت: وه‌سا مه ئه‌و بژاله ئينا خوارێ ؛ دا ئه‌م دلێ ته پێ ب هێز بێخين وتو پتر پێ ڕحه‌ت ببى، وتێ بگه‌هى و ژ به‌ر بكه‌ى، ومه ئه‌و هێدى هێدى ئاشكه‌را كر.
وَلَا يَأۡتُونَكَ بِمَثَلٍ إِلَّا جِئۡنَٰكَ بِٱلۡحَقِّ وَأَحۡسَنَ تَفۡسِيرًا ﴿٣٣﴾
وبوتپه‌رێس هێجه‌ته‌كێ بۆ ته -ئه‌ى پێغه‌مبه‌ر- نائينن ئه‌گه‌ر ئه‌م به‌رسڤا ڕاست وئاشكه‌راكرنه‌كا باشتر بۆ ته نه‌ئينين.
ٱلَّذِينَ يُحۡشَرُونَ عَلَىٰ وُجُوهِهِمۡ إِلَىٰ جَهَنَّمَ أُوْلَـٰٓئِكَ شَرّٞ مَّكَانٗا وَأَضَلُّ سَبِيلٗا ﴿٣٤﴾
ئه‌و كافر ئه‌ون يێن ل سه‌ر ڕوییێن وان بۆ جه‌هنه‌مێ دئێنه خشاندن، وجهێ وان ژ يێ هه‌مى مرۆڤان خرابتره، وئه‌و ژ هه‌مییان ددويرترن ژ حه‌قییێ.