قورئانا پیرۆز › سورەتا الفرقان › ئایەتا ٥٣
سورەتا الفرقان · ئایەتا ٥٣ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَوۡ شِئۡنَا لَبَعَثۡنَا فِي كُلِّ قَرۡيَةٖ نَّذِيرٗا ﴿٥١﴾
وئه‌گه‌ر مه ڤيابا ل هه‌ر گونده‌كى ئه‌م دا پێغه‌مبه‌ره‌كى هنێرين وان بترسينت، وبه‌رێ وان بده‌ته خودێ، ووان ژ عه‌زابا وى بترسينت، به‌لێ مه تو بۆ خه‌لكێ عه‌ردى هه‌مییێ هنارتى، ومه فه‌رمان ل ته كر كو تو ڤێ قورئانێ بگه‌هينییه وان.
فَلَا تُطِعِ ٱلۡكَٰفِرِينَ وَجَٰهِدۡهُم بِهِۦ جِهَادٗا كَبِيرٗا ﴿٥٢﴾
ڤێجا تو د تشته‌كى دا ژ وى يێ تو پێ هاتییه هنارتن گوهدارییا كافران نه‌كه، و د گه‌هاندنا په‌يامێ دا هندى ژ ته بێت تو خۆ بوه‌ستينه، وتو ب ڤێ قورئانێ جيهاده‌كا مه‌زن دژى كافران بكه، وسست نه‌به.
۞وَهُوَ ٱلَّذِي مَرَجَ ٱلۡبَحۡرَيۡنِ هَٰذَا عَذۡبٞ فُرَاتٞ وَهَٰذَا مِلۡحٌ أُجَاجٞ وَجَعَلَ بَيۡنَهُمَا بَرۡزَخٗا وَحِجۡرٗا مَّحۡجُورٗا ﴿٥٣﴾
وخودێیه يێ هه‌ردو ده‌ريا تێكه‌لی ئێك كرين: يا ئاڤ شرين وخۆش، ويا زێده سوير، ووى د ناڤبه‌را هه‌ر دووان دا په‌رژانه‌ك دانايه ناهێلت ئێك يا دى خراب بكه‌ت، ومه ناڤبڕه‌ك د ناڤبه‌رێ دا دانايه ناهێلت ئێك بچته ناڤ يا دى.
وَهُوَ ٱلَّذِي خَلَقَ مِنَ ٱلۡمَآءِ بَشَرٗا فَجَعَلَهُۥ نَسَبٗا وَصِهۡرٗاۗ وَكَانَ رَبُّكَ قَدِيرٗا ﴿٥٤﴾
وئه‌وه يێ ژ ئاڤا زه‌لامى وژنێ دوونده‌ها مرۆڤى ئافراندى، ڤێجا ژ ڤێ چه‌ندێ خزماينى ومرۆڤاينى چێبوو. وخودايێ ته ل سه‌ر ئافراندنا چى تشتێ وى بڤێت يێ خودان شيان بوويه.
وَيَعۡبُدُونَ مِن دُونِ ٱللَّهِ مَا لَا يَنفَعُهُمۡ وَلَا يَضُرُّهُمۡۗ وَكَانَ ٱلۡكَافِرُ عَلَىٰ رَبِّهِۦ ظَهِيرٗا ﴿٥٥﴾
و د گه‌ل ڤان هه‌مى ده‌ليلان كافر ژبلی خودێ په‌رستنا وى تشتى دكه‌ن يێ نه مفاى دگه‌هينته وان ئه‌گه‌ر وان په‌رستن بۆ كر، ونه زيانێ ئه‌گه‌ر وان په‌رستنا وى هێلا، وكافر ب شركا خۆ پشته‌ڤانێ شه‌يتانى بوويه دژى خودايێ خۆ، وهاريكارێ وى بوويه ل سه‌ر بێ ئه‌مرییا خودێ.