قورئانا پیرۆز › سورەتا الفرقان › ئایەتا ٥٨
سورەتا الفرقان · ئایەتا ٥٨ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمَآ أَرۡسَلۡنَٰكَ إِلَّا مُبَشِّرٗا وَنَذِيرٗا ﴿٥٦﴾
ومه تو -ئه‌ى پێغه‌مبه‌ر- هه‌ما يێ هنارتى دا مزگينییێ ب به‌حه‌شتێ بده‌يه خودان باوه‌ران، ودا كافران ب ئاگرى بترسينى.
قُلۡ مَآ أَسۡـَٔلُكُمۡ عَلَيۡهِ مِنۡ أَجۡرٍ إِلَّا مَن شَآءَ أَن يَتَّخِذَ إِلَىٰ رَبِّهِۦ سَبِيلٗا ﴿٥٧﴾
تو بێژه وان: سه‌را گه‌هاندنا په‌يامێ ئه‌ز كرێیه‌كێ ژ هه‌وه ناخوازم، به‌لێ هه‌چییێ بڤێت ب هيدايه‌ت بێت وڕێكا حه‌ق بگرت ومالی د ڕێكا ڕازيبوونا خودايێ خۆ دا خه‌رج بكه‌ت، ئه‌و بۆ وى باشه وئه‌ز ب وێ چه‌ندێ كوته‌كییێ ل هه‌وه ناكه‌م.
وَتَوَكَّلۡ عَلَى ٱلۡحَيِّ ٱلَّذِي لَا يَمُوتُ وَسَبِّحۡ بِحَمۡدِهِۦۚ وَكَفَىٰ بِهِۦ بِذُنُوبِ عِبَادِهِۦ خَبِيرًا ﴿٥٨﴾
وتو خۆ بهێله ب هيڤییا خودايێ زێندى ڤه يێ نه‌مرت، وتو وى ژ سالۆخه‌تێن كێم پاك بكه. وخودێ به‌سه ب گونه‌هێن به‌نییێن خۆ يێ شاره‌زا بت، تشته‌ك ژێ ل وى به‌رزه نابت، وئه‌و دێ حسێبێ د گه‌ل وان كه‌ت ووان جزا ده‌ت.
ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ ٱلرَّحۡمَٰنُ فَسۡـَٔلۡ بِهِۦ خَبِيرٗا ﴿٥٩﴾
ئه‌وێ عه‌سمان وعه‌رد وتشتێ د ناڤبه‌رێ دا د شه‌ش ڕۆژان دا ئافراندين، پاشى وى ل سه‌ر عه‌رشى ئستيوا كر -ئانه‌كۆ ب سه‌ر كه‌فت وبلندبوو- ئستيوائه‌كا بابه‌تى مه‌زنییا وى بت، ئه‌وه خودايێ پڕدلۆڤان، ڤێجا تو -ئه‌ى پێغه‌مبه‌ر- پسيارا وى ژ شاره‌زایه‌كى بكه، ومه‌خسه‌د پێ هه‌ر خودێیه؛ چونكى ئه‌وه يێ سالۆخه‌ت ومه‌زنییا خۆ ب دورستى دزانت، وچو مرۆڤ ژ پێغه‌مبه‌رى سلاڤ لێ بن پتر خودێ نانیاست.
وَإِذَا قِيلَ لَهُمُ ٱسۡجُدُواْۤ لِلرَّحۡمَٰنِ قَالُواْ وَمَا ٱلرَّحۡمَٰنُ أَنَسۡجُدُ لِمَا تَأۡمُرُنَا وَزَادَهُمۡ نُفُورٗا۩ ﴿٦٠﴾
وئه‌گه‌ر بۆ كافران بێته گۆتن: هوين بۆ خودايێ ره‌حمان هه‌ڕنه سوجدێ وپه‌رستنا وى بكه‌ن، ئه‌و دبێژن: ئه‌م ره‌حمانى نانیاسين، ئه‌رێ ئه‌م سوجدێ بۆ وى ببه‌ين يێ تو فه‌رمانێ ل مه دكه‌ى كو ئه‌م بۆ بچينه سوجدێ؟ وڤێ داخوازێ كو ئه‌و بۆ خودێ بچنه سوجدێ ئه‌و پتر ژ باوه‌رییێ دويركرن وڕه‌ڤاندن.