قورئانا پیرۆز › سورەتا الفرقان › ئایەتا ٦٠
سورەتا الفرقان · ئایەتا ٦٠ ب تەفسیرا کوردی
Al-Furqan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَتَوَكَّلۡ عَلَى ٱلۡحَيِّ ٱلَّذِي لَا يَمُوتُ وَسَبِّحۡ بِحَمۡدِهِۦۚ وَكَفَىٰ بِهِۦ بِذُنُوبِ عِبَادِهِۦ خَبِيرًا ﴿٥٨﴾
وتو خۆ بهێله ب هيڤییا خودايێ زێندى ڤه يێ نه‌مرت، وتو وى ژ سالۆخه‌تێن كێم پاك بكه. وخودێ به‌سه ب گونه‌هێن به‌نییێن خۆ يێ شاره‌زا بت، تشته‌ك ژێ ل وى به‌رزه نابت، وئه‌و دێ حسێبێ د گه‌ل وان كه‌ت ووان جزا ده‌ت.
ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَمَا بَيۡنَهُمَا فِي سِتَّةِ أَيَّامٖ ثُمَّ ٱسۡتَوَىٰ عَلَى ٱلۡعَرۡشِۖ ٱلرَّحۡمَٰنُ فَسۡـَٔلۡ بِهِۦ خَبِيرٗا ﴿٥٩﴾
ئه‌وێ عه‌سمان وعه‌رد وتشتێ د ناڤبه‌رێ دا د شه‌ش ڕۆژان دا ئافراندين، پاشى وى ل سه‌ر عه‌رشى ئستيوا كر -ئانه‌كۆ ب سه‌ر كه‌فت وبلندبوو- ئستيوائه‌كا بابه‌تى مه‌زنییا وى بت، ئه‌وه خودايێ پڕدلۆڤان، ڤێجا تو -ئه‌ى پێغه‌مبه‌ر- پسيارا وى ژ شاره‌زایه‌كى بكه، ومه‌خسه‌د پێ هه‌ر خودێیه؛ چونكى ئه‌وه يێ سالۆخه‌ت ومه‌زنییا خۆ ب دورستى دزانت، وچو مرۆڤ ژ پێغه‌مبه‌رى سلاڤ لێ بن پتر خودێ نانیاست.
وَإِذَا قِيلَ لَهُمُ ٱسۡجُدُواْۤ لِلرَّحۡمَٰنِ قَالُواْ وَمَا ٱلرَّحۡمَٰنُ أَنَسۡجُدُ لِمَا تَأۡمُرُنَا وَزَادَهُمۡ نُفُورٗا۩ ﴿٦٠﴾
وئه‌گه‌ر بۆ كافران بێته گۆتن: هوين بۆ خودايێ ره‌حمان هه‌ڕنه سوجدێ وپه‌رستنا وى بكه‌ن، ئه‌و دبێژن: ئه‌م ره‌حمانى نانیاسين، ئه‌رێ ئه‌م سوجدێ بۆ وى ببه‌ين يێ تو فه‌رمانێ ل مه دكه‌ى كو ئه‌م بۆ بچينه سوجدێ؟ وڤێ داخوازێ كو ئه‌و بۆ خودێ بچنه سوجدێ ئه‌و پتر ژ باوه‌رییێ دويركرن وڕه‌ڤاندن.
تَبَارَكَ ٱلَّذِي جَعَلَ فِي ٱلسَّمَآءِ بُرُوجٗا وَجَعَلَ فِيهَا سِرَٰجٗا وَقَمَرٗا مُّنِيرٗا ﴿٦١﴾
به‌ره‌كه‌تا خودايى مه‌زن ببت وخێراتێن وى مشه ببن، ئه‌وێ ستێرێن مه‌زن ب جهێن وان ڤه ل عه‌سمانى داناين، وڕۆژه‌كا گه‌ش بكه‌ت وهه‌يڤه‌كا روهن بكه‌ت وى تێدا دانان.
وَهُوَ ٱلَّذِي جَعَلَ ٱلَّيۡلَ وَٱلنَّهَارَ خِلۡفَةٗ لِّمَنۡ أَرَادَ أَن يَذَّكَّرَ أَوۡ أَرَادَ شُكُورٗا ﴿٦٢﴾
وئه‌وه يێ شه‌ڤ وڕۆژ داين ئێك ل دويڤ يا دى دئێت بۆ هه‌ر كه‌سه‌كێ بڤێت عيبره‌تێ بۆ خۆ ژ ڤێ چه‌ندێ بگرت وباوه‌ريێ ب خودايێ ئافرانده‌ر بينت، يان ژى بڤێت سوپاسییا خودێ ل سه‌ر قه‌نجییێن وى بكه‌ت.