قورئانا پیرۆز › سورەتا الحديد › ئایەتا ١٤
سورەتا الحديد · ئایەتا ١٤ ب تەفسیرا کوردی
Al-Hadid
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَوۡمَ تَرَى ٱلۡمُؤۡمِنِينَ وَٱلۡمُؤۡمِنَٰتِ يَسۡعَىٰ نُورُهُم بَيۡنَ أَيۡدِيهِمۡ وَبِأَيۡمَٰنِهِمۖ بُشۡرَىٰكُمُ ٱلۡيَوۡمَ جَنَّـٰتٞ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ ذَٰلِكَ هُوَ ٱلۡفَوۡزُ ٱلۡعَظِيمُ ﴿١٢﴾
ڕۆژا تو مێرێن خودان باوه‌ر وژنێن خودان باوه‌ر دبينى ڕۆناهییا وان -ل دويڤ كريارێن وان- ل سه‌ر پرێ (صراطێ) ل به‌ر ده‌ستێن وان و ل ڕه‌خێن وان يێن ڕاستێ دچت، وبۆ وان دئێته گۆتن: ئه‌ڤرۆ مزگينى ل هه‌وه بت هوين دێ چنه د وان به‌حه‌شتێن به‌رفره‌هـ دا يێن ڕويبار د بن داروبارێن وان دا دچن، قه‌ت هوين ژێ نائێنه ده‌رێخستن، وئه‌و جزايێ هه ل ئاخره‌تێ بۆ هه‌وه سه‌ركه‌فتنا مه‌زنه.
يَوۡمَ يَقُولُ ٱلۡمُنَٰفِقُونَ وَٱلۡمُنَٰفِقَٰتُ لِلَّذِينَ ءَامَنُواْ ٱنظُرُونَا نَقۡتَبِسۡ مِن نُّورِكُمۡ قِيلَ ٱرۡجِعُواْ وَرَآءَكُمۡ فَٱلۡتَمِسُواْ نُورٗاۖ فَضُرِبَ بَيۡنَهُم بِسُورٖ لَّهُۥ بَابُۢ بَاطِنُهُۥ فِيهِ ٱلرَّحۡمَةُ وَظَٰهِرُهُۥ مِن قِبَلِهِ ٱلۡعَذَابُ ﴿١٣﴾
ڕۆژا مێرێن دوڕوى وژنێن دوڕوى ل سه‌ر پرێ دبێژنه وان يێن باوه‌رى ئيناى: مه بهێلن دا ئه‌م بۆ خۆ هنده‌كێ ژ ڕۆناهییا هه‌وه وه‌رگرين، ڤێجا ملياكه‌ت -بۆ تڕانه‌كرن ب وان- دێ بێژنه وان: ل پشت خۆ بزڤڕن بۆ خۆ هنده‌ك ڕۆناهییێ بخوازن، و ب شويرهه‌كا ب ده‌رگه‌هـ ناڤبڕه‌ك كه‌فته ناڤبه‌را وان، لايێ وێ شويرهێ يێ ژ ناڤدا ئه‌وێ ل لايێ خودان باوه‌ران دلۆڤانى تێدا هه‌يه، ولايێ ژ ده‌رڤه يێ كو دكه‌فته لايێ دوڕوییان عه‌زابه.
يُنَادُونَهُمۡ أَلَمۡ نَكُن مَّعَكُمۡۖ قَالُواْ بَلَىٰ وَلَٰكِنَّكُمۡ فَتَنتُمۡ أَنفُسَكُمۡ وَتَرَبَّصۡتُمۡ وَٱرۡتَبۡتُمۡ وَغَرَّتۡكُمُ ٱلۡأَمَانِيُّ حَتَّىٰ جَآءَ أَمۡرُ ٱللَّهِ وَغَرَّكُم بِٱللَّهِ ٱلۡغَرُورُ ﴿١٤﴾
دوڕوى گازى خودان باوه‌ران دكه‌ن ودبێژن: ئه‌رێ ما ئه‌م ژى د دنيايێ دا د گه‌ل هه‌وه نه‌بووين، مه ژى وه‌كى هه‌وه عيباده‌ت دكر؟ خودان باوه‌ر دبێژنه وان: به‌لێ ب سه‌ر ڤه هوين د گه‌ل مه بوون، به‌لێ هه‌وه ب گونه‌هـ ودوڕویاتییێ خۆ تێبربوو، وهه‌وه چاڤه‌ڕێیى مرنێ بۆ پێغه‌مبه‌رى وشكه‌ستنێ بۆ خودان باوه‌ران دكر، وهوين د ڕابوونا پشتى مرنێ دا دودل بووبوون، وخوزییێن هه‌وه يێن بێ خێر هوين خاپاند بوون، وهوين وه‌سا مابوون حه‌تا مرن ب هه‌وه ڕا گه‌هشتى، وشه‌يتانى هوين ژ ڕێكا خودێ خاپاندن.
فَٱلۡيَوۡمَ لَا يُؤۡخَذُ مِنكُمۡ فِدۡيَةٞ وَلَا مِنَ ٱلَّذِينَ كَفَرُواْۚ مَأۡوَىٰكُمُ ٱلنَّارُۖ هِيَ مَوۡلَىٰكُمۡۖ وَبِئۡسَ ٱلۡمَصِيرُ ﴿١٥﴾
ڤێجا ئه‌ڤرۆ چو فديه ژ كه‌سه‌ك ژ هه‌وه -ئه‌ى گه‌لی دوڕوییان- نائێته وه‌رگرتن؛ دا هوين خۆ پێ ژ عه‌زابا خودێ بكڕن، و ژ وان ژى نائێته وه‌رگرتن يێن كوفر ب خودێ وپێغه‌مبه‌رێ وى كرى، دويماهییا هه‌وه هه‌مییان ئاگره، ئه‌و ژ هه‌ر جهه‌كێ دى بۆ هه‌وه يێ هێژاتره، وئه‌و پيسه جهێ لێ زڤڕينێیه.
۞أَلَمۡ يَأۡنِ لِلَّذِينَ ءَامَنُوٓاْ أَن تَخۡشَعَ قُلُوبُهُمۡ لِذِكۡرِ ٱللَّهِ وَمَا نَزَلَ مِنَ ٱلۡحَقِّ وَلَا يَكُونُواْ كَٱلَّذِينَ أُوتُواْ ٱلۡكِتَٰبَ مِن قَبۡلُ فَطَالَ عَلَيۡهِمُ ٱلۡأَمَدُ فَقَسَتۡ قُلُوبُهُمۡۖ وَكَثِيرٞ مِّنۡهُمۡ فَٰسِقُونَ ﴿١٦﴾
ئه‌رێ ما نه وه‌خته بۆ وان يێن باوه‌رى ب خودێ وپێغه‌مبه‌رێ وى ئيناى ودويكه‌فتنا ڕێكا وى كرى، كو ل ده‌مێ زكرێ خودێ وخواندنا قورئانێ دلێن وان نه‌رم ببن، و د دل ڕه‌قییێ دا وه‌كى وان نه‌بن يێن به‌رى وان كيتاب بۆ هاتى -ژ جوهى وفه‌لان- ئه‌وێن ده‌م ل سه‌ر وان درێژ بووى ڤێجا وان گۆتنا خودێ گوهاڕتى، ودلێن وان ڕه‌ق بووين، وپترییا وان ژ ئه‌مرێ خودێ دده‌ركه‌فتينه؟ وئه‌ڤ ئايه‌ته به‌رێ مه دده‌ته هندێ ئه‌م ددلنه‌رم بين و ژ خودێ بترسين ده‌مێ مه گوهـ ل قورئانێ دبت، ومه ژ هندێ دده‌ته پاش كو ئه‌م د دلڕه‌قى وبێ ئه‌مرییا خودێ دا وه‌كى جوهى وفه‌لان بين.