قورئانا پیرۆز › سورەتا الإنسان › ئایەتا ٢٣
سورەتا الإنسان · ئایەتا ٢٣ ب تەفسیرا کوردی
Al-Insan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
عَٰلِيَهُمۡ ثِيَابُ سُندُسٍ خُضۡرٞ وَإِسۡتَبۡرَقٞۖ وَحُلُّوٓاْ أَسَاوِرَ مِن فِضَّةٖ وَسَقَىٰهُمۡ رَبُّهُمۡ شَرَابٗا طَهُورًا ﴿٢١﴾
له‌شێن وان ب هنده‌ك جلكان دخه‌ملاندينه به‌ته‌نێ وان ژ ئارميشێ كه‌سكێ ته‌نكه، و ژ سه‌رڤه ئارميشێ ستويره، وبازنێن زيڤى ل به‌ر وان دئێنه‌كرن، و د سه‌ر وێ هه‌مى خۆشییێ ڕا خودايێ وان ڤه‌خوارنه‌كا پاقژ دا وان.
إِنَّ هَٰذَا كَانَ لَكُمۡ جَزَآءٗ وَكَانَ سَعۡيُكُم مَّشۡكُورًا ﴿٢٢﴾
وبۆ وان دئێته گۆتن: هندى ئه‌ڤا هه‌يه بۆ هه‌وه يا هاتییه ئاماده‌كرن ژ به‌ر كريارێن هه‌وه يێن چاك، وكارێ هه‌وه كرى خودێ يێ ژێ ڕازى بوو ووى قه‌بويل كربوو.
إِنَّا نَحۡنُ نَزَّلۡنَا عَلَيۡكَ ٱلۡقُرۡءَانَ تَنزِيلٗا ﴿٢٣﴾
هندى ئه‌مين مه قورئان بۆ ته -ئه‌ى پێغه‌مبه‌ر- يا ئينايه خوارێ، دا تو بیرا خه‌لكى ب وى تشتى بینییه ڤه یێ تێدا هاتى، ژ سۆز وگه‌ڤ وخه‌لات وجه‌لاتى.
فَٱصۡبِرۡ لِحُكۡمِ رَبِّكَ وَلَا تُطِعۡ مِنۡهُمۡ ءَاثِمًا أَوۡ كَفُورٗا ﴿٢٤﴾
ڤێجا تو صه‌برێ ل سه‌ر حوكمێ خودايێ خۆ بكێشه، وبه‌رده‌وامییێ ل سه‌ر بكه، وتو گوهدارییا وان بوتپه‌رێسان نه‌كه يێن د دلچوون وكوفرێ دا نقۆبووين.
وَٱذۡكُرِ ٱسۡمَ رَبِّكَ بُكۡرَةٗ وَأَصِيلٗا ﴿٢٥﴾
وبه‌رده‌وام سپێده وئێڤاران تو ناڤێ خودايێ خۆ بينه ودوعايان بۆ خۆ ژ وى بكه.