قورئانا پیرۆز › سورەتا الإنسان › ئایەتا ٥
سورەتا الإنسان · ئایەتا ٥ ب تەفسیرا کوردی
Al-Insan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّا هَدَيۡنَٰهُ ٱلسَّبِيلَ إِمَّا شَاكِرٗا وَإِمَّا كَفُورًا ﴿٣﴾
هندى ئه‌مين مه ڕێكا هيدايه‌تێ وسه‌رداچوونێ وخێر وشه‌ڕان بۆ ئاشكه‌را كر؛ دا ئه‌و ببته خودان باوه‌ره‌كێ شوكردار، يان كافره‌كێ قه‌نجى ڤه‌شێر.
إِنَّآ أَعۡتَدۡنَا لِلۡكَٰفِرِينَ سَلَٰسِلَاْ وَأَغۡلَٰلٗا وَسَعِيرًا ﴿٤﴾
هندى ئه‌مين مه هنده‌ك قه‌يدێن ژ ئاسنى بۆ كافران ئاماده‌كرينه پییێن وان پێ دئێنه گرێدان، وهنده‌ك زنجيرێن ده‌ستێن وان پێ ب ستويێن وان ڤه بێنه‌گرێدان، وئاگره‌كێ ئه‌و پێ بێنه سۆتن.
إِنَّ ٱلۡأَبۡرَارَ يَشۡرَبُونَ مِن كَأۡسٖ كَانَ مِزَاجُهَا كَافُورًا ﴿٥﴾
هندى ئه‌و دلسۆز وباشكارن يێن حه‌قێ خودێ ژ سه‌ر خۆ ڕادكه‌ن، ڕۆژا قيامه‌تێ ئه‌و ژ په‌رداغه‌كێ تژى ژ مه‌يا تێكه‌ل كری د گه‌ل خۆشترين بێهنێ، كو ئاڤا كافوورێیه، ڤه‌دخۆن.
عَيۡنٗا يَشۡرَبُ بِهَا عِبَادُ ٱللَّهِ يُفَجِّرُونَهَا تَفۡجِيرٗا ﴿٦﴾
ئه‌و ڤه‌خوارن كانییه‌كه به‌نییێن خودێ ژێ ڤه‌دخۆن، وكانێ چاوا و ب كيژ لايى ڤه وان دڤێت ئه‌و وێ وه‌سا ب ساناهى دبه‌ن.
يُوفُونَ بِٱلنَّذۡرِ وَيَخَافُونَ يَوۡمٗا كَانَ شَرُّهُۥ مُسۡتَطِيرٗا ﴿٧﴾
ئه‌و وى تشتێ باش ب جهـ دئينن يێ وان بۆ خودێ ل سه‌ر خۆ نه‌زركرى، وئه‌و ژ عه‌زابا خودێ يا ل ڕۆژا قيامه‌تێ دترسن ئه‌وا زيانا وێ مه‌زن وخرابییا وێ ل سه‌ر خه‌لكى به‌لاڤ.