قورئانا پیرۆز › سورەتا الإنسان › ئایەتا ٧
سورەتا الإنسان · ئایەتا ٧ ب تەفسیرا کوردی
Al-Insan
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّ ٱلۡأَبۡرَارَ يَشۡرَبُونَ مِن كَأۡسٖ كَانَ مِزَاجُهَا كَافُورًا ﴿٥﴾
هندى ئه‌و دلسۆز وباشكارن يێن حه‌قێ خودێ ژ سه‌ر خۆ ڕادكه‌ن، ڕۆژا قيامه‌تێ ئه‌و ژ په‌رداغه‌كێ تژى ژ مه‌يا تێكه‌ل كری د گه‌ل خۆشترين بێهنێ، كو ئاڤا كافوورێیه، ڤه‌دخۆن.
عَيۡنٗا يَشۡرَبُ بِهَا عِبَادُ ٱللَّهِ يُفَجِّرُونَهَا تَفۡجِيرٗا ﴿٦﴾
ئه‌و ڤه‌خوارن كانییه‌كه به‌نییێن خودێ ژێ ڤه‌دخۆن، وكانێ چاوا و ب كيژ لايى ڤه وان دڤێت ئه‌و وێ وه‌سا ب ساناهى دبه‌ن.
يُوفُونَ بِٱلنَّذۡرِ وَيَخَافُونَ يَوۡمٗا كَانَ شَرُّهُۥ مُسۡتَطِيرٗا ﴿٧﴾
ئه‌و وى تشتێ باش ب جهـ دئينن يێ وان بۆ خودێ ل سه‌ر خۆ نه‌زركرى، وئه‌و ژ عه‌زابا خودێ يا ل ڕۆژا قيامه‌تێ دترسن ئه‌وا زيانا وێ مه‌زن وخرابییا وێ ل سه‌ر خه‌لكى به‌لاڤ.
وَيُطۡعِمُونَ ٱلطَّعَامَ عَلَىٰ حُبِّهِۦ مِسۡكِينٗا وَيَتِيمٗا وَأَسِيرًا ﴿٨﴾
وئه‌و د سه‌ر ڤيان وپێتڤییا وان ڕا بۆ خوارنێ ئه‌و وێ دده‌نه وى هه‌ژارێ چو نه‌بت ونه‌شێت چو كه‌دان بۆ خۆ بكه‌ت، ووى زارۆكێ بابێ وى مرى وئه‌و هێلايه بێ مال، وئه‌و ئێخسيرێ د شه‌ڕى دا هاتییه‌گرتن چ كافر بت يان نه.
إِنَّمَا نُطۡعِمُكُمۡ لِوَجۡهِ ٱللَّهِ لَا نُرِيدُ مِنكُمۡ جَزَآءٗ وَلَا شُكُورًا ﴿٩﴾
وئه‌و د دلێن خۆ دا دبێژن: هه‌ما بۆ كنارێ خودێ ودا ئه‌و ژ مه ڕازى ببت، ئه‌م قه‌نجییێ د گه‌ل هه‌وه دكه‌ين، مه چو به‌رانبه‌ر ژ هه‌وه نه‌ڤێت ومه‌خسه‌دا مه ئه‌و نينه هوين مه‌دحێن مه بكه‌ن يان شوكرا مه بكه‌ن.