قورئانا پیرۆز › سورەتا الإسراء › ئایەتا ٣
سورەتا الإسراء · ئایەتا ٣ ب تەفسیرا کوردی
Al-Isra
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
سُبۡحَٰنَ ٱلَّذِيٓ أَسۡرَىٰ بِعَبۡدِهِۦ لَيۡلٗا مِّنَ ٱلۡمَسۡجِدِ ٱلۡحَرَامِ إِلَى ٱلۡمَسۡجِدِ ٱلۡأَقۡصَا ٱلَّذِي بَٰرَكۡنَا حَوۡلَهُۥ لِنُرِيَهُۥ مِنۡ ءَايَٰتِنَآۚ إِنَّهُۥ هُوَ ٱلسَّمِيعُ ٱلۡبَصِيرُ ﴿١﴾
خودايێ مه‌زن خۆ پاك ومه‌زن دكه‌ت؛ چونكى ئه‌و دشێت وى تشتى بكه‌ت يێ كه‌سێ دى ژبلی وى نه‌شێت بكه‌ت، ژ وى پێڤه‌تر چو خودايێن دى نينن، ئه‌وه ل ده‌مه‌كێ شه‌ڤێ به‌نییێ خۆ موحه‌ممه‌د -سلاڤ لێ بن- ب له‌شى وڕحێ ڤه ژ مزگه‌فتا حه‌رام ل (مه‌كه‌هێ) برییه مزگه‌فتا ئه‌قصايێ ل (به‌يتولمه‌قدسێ) ئه‌وا خودێ ل دۆرێن وێ به‌ره‌كه‌ت هاڤێتییه شينكاتى وبه‌رهه‌مێ چاندییێ وێ، وئه‌و كرییه جهێ گه‌له‌ك پێغه‌مبه‌ران؛ دا ئه‌و عه‌جێبییێن شيانا خودێ وده‌ليلێن ئێكينییا وى ببينت. هندى خودێیه گوهدێرێ گۆتنێن به‌نییێن خۆيه، و ب كارێن وان يێ بينه‌ره، هه‌ر ئێكى -وه‌كى ئه‌و یێ ژ هه‌ژى- ل دنیایێ وئاخره‌تێ جزایێ وى دده‌تێ.
وَءَاتَيۡنَا مُوسَى ٱلۡكِتَٰبَ وَجَعَلۡنَٰهُ هُدٗى لِّبَنِيٓ إِسۡرَـٰٓءِيلَ أَلَّا تَتَّخِذُواْ مِن دُونِي وَكِيلٗا ﴿٢﴾
وكانێ چاوا خودێ موحه‌ممه‌د -سلاڤ لێ بن- ب ڤێ برنا ل شه‌ڤێ ب قه‌در ئێخست، وه‌سا خودێ مووسا ژى -سلاڤ لێ بن- ب دانا ته‌وراتێ بۆ وى ئه‌و ب قه‌در ئێخستبوو، ووى ئه‌و ته‌ورات بۆ ئسرائيلیان كره رێنيشانده‌ر وئاشكه‌راكرن بۆ حه‌قییێ، وتێدا هاتبوو كو ئه‌و ژبلی خودێ چو سه‌ركار وخودايان بۆ خۆ نه‌دانن.
ذُرِّيَّةَ مَنۡ حَمَلۡنَا مَعَ نُوحٍۚ إِنَّهُۥ كَانَ عَبۡدٗا شَكُورٗا ﴿٣﴾
ئه‌ى دوونده‌ها وان يێن مه د گه‌ل نووحى د گه‌مییێ دا هلگرتين، هوين چو شريكان بۆ خودێ د په‌رستنێ دا چێ نه‌كه‌ن، وشوكرا قه‌نجییێن وى بكه‌ن، وه‌كى نووحى -سلاڤ لێ بن- دكر؛ چونكى ئه‌و ب دل وئه‌زمان وله‌شێ خۆ بۆ خودێ به‌نییه‌كێ گه‌له‌ك شوكردار بوو.
وَقَضَيۡنَآ إِلَىٰ بَنِيٓ إِسۡرَـٰٓءِيلَ فِي ٱلۡكِتَٰبِ لَتُفۡسِدُنَّ فِي ٱلۡأَرۡضِ مَرَّتَيۡنِ وَلَتَعۡلُنَّ عُلُوّٗا كَبِيرٗا ﴿٤﴾
ومه د وێ ته‌وراتێ دا يا بۆ ئسرائيلیان هاتییه خوارێ گۆتبوو وان كو خرابكارى ب زۆردارى وكوشتنا پێغه‌مبه‌ران وخۆمه‌زنكرن وته‌عدايیێ د (به‌يتولمه‌قدسێ) ودۆر وبه‌رێن وێ دا دو جاران دێ ژ هه‌وه چێ بت.
فَإِذَا جَآءَ وَعۡدُ أُولَىٰهُمَا بَعَثۡنَا عَلَيۡكُمۡ عِبَادٗا لَّنَآ أُوْلِي بَأۡسٖ شَدِيدٖ فَجَاسُواْ خِلَٰلَ ٱلدِّيَارِۚ وَكَانَ وَعۡدٗا مَّفۡعُولٗا ﴿٥﴾
ڤێجا ده‌مێ خرابكارییا ئێكێ ژ هه‌وه په‌يدا دبت ئه‌م دێ هنده‌ك به‌نییێن خۆ يێن زيره‌ك وخودان هێزه‌كا دژوار ل سه‌ر هه‌وه زال كه‌ين، ئه‌و دێ ب سه‌ر هه‌وه دا گرن وهه‌وه كوژن وده‌ربده‌ر كه‌ن، و ب خرابكارى ڤه ئه‌و دێ كه‌ڤنه ناڤ وارێ هه‌وه، وئه‌ڤه سۆزه‌ك بوو هه‌ر دا ب جهـ ئێت؛ چونكى هه‌وه ئه‌گه‌را هاتنا وێ په‌يدا كربوو.