قورئانا پیرۆز › سورەتا الإسراء › ئایەتا ٧٢
سورەتا الإسراء · ئایەتا ٧٢ ب تەفسیرا کوردی
Al-Isra
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞وَلَقَدۡ كَرَّمۡنَا بَنِيٓ ءَادَمَ وَحَمَلۡنَٰهُمۡ فِي ٱلۡبَرِّ وَٱلۡبَحۡرِ وَرَزَقۡنَٰهُم مِّنَ ٱلطَّيِّبَٰتِ وَفَضَّلۡنَٰهُمۡ عَلَىٰ كَثِيرٖ مِّمَّنۡ خَلَقۡنَا تَفۡضِيلٗا ﴿٧٠﴾
و ب ڕاستى مه ب دانا عه‌قلی وهنارتنا پێغه‌مبه‌ران دوونده‌ها ئاده‌مى ب قه‌در ئێخست، وهه‌ر تشته‌كێ ل گه‌ردوونێ بنده‌ستى وان كر، وده‌وار ل هشكاتییێ وگه‌مى ل ده‌ريايێ بۆ هلگرتنێ مه بنده‌ستى وان كرن، ومه ژ خوارن وڤه‌خوارنێن پاقژ رزقێ وان دا، ومه ئه‌و ب سه‌ر گه‌له‌ك چێكرییان ئێخستن سه‌رێخستنه‌كا مه‌زن.
يَوۡمَ نَدۡعُواْ كُلَّ أُنَاسِۭ بِإِمَٰمِهِمۡۖ فَمَنۡ أُوتِيَ كِتَٰبَهُۥ بِيَمِينِهِۦ فَأُوْلَـٰٓئِكَ يَقۡرَءُونَ كِتَٰبَهُمۡ وَلَا يُظۡلَمُونَ فَتِيلٗا ﴿٧١﴾
ئه‌ى پێغه‌مبه‌ر تو بۆ ترساندن ومزگينيدان به‌حسێ ڕۆژا ڕابوونێ بكه، ده‌مێ خودێ كۆم كۆمه گازى مرۆڤان دكه‌ت و د گه‌ل دا پێشه‌وايێ هه‌ر كۆمه‌كێ يێ ئه‌و د دنيايێ دا ب دويف كه‌فتين، ڤێجا هه‌چییێ چاك بت ژ وان، وكيتابا وى ب ده‌ستێ وى يێ ڕاستێ بۆ هاته‌دان، ئه‌و ب كه‌يف وشاهى كيتابا باشییێن خۆ دێ خوينن، وخۆ ته‌مه‌ت وێ داڤا د به‌ركێ خورمێ دا تشته‌ك ژ خێرا كارێ وان يێ باش نائێته كێمكرن.
وَمَن كَانَ فِي هَٰذِهِۦٓ أَعۡمَىٰ فَهُوَ فِي ٱلۡأٓخِرَةِ أَعۡمَىٰ وَأَضَلُّ سَبِيلٗا ﴿٧٢﴾
وهه‌چییێ ل ڤێ دنيايێ دلێ وى ژ نيشانێن شيانا خودێ يێ كۆره بت، وباوه‌رییێ ب وێ نه‌ئينت يا بۆ موحه‌ممه‌د پێغه‌مبه‌رى هاتى، ئه‌و ل ڕۆژا قيامه‌تێ ژ ڕێكا به‌حه‌شتێ دێ يێ كۆره‌تر بت، و ژ ڕێكا هيدايه‌تێ دێ يێ به‌رزه‌تر بت.
وَإِن كَادُواْ لَيَفۡتِنُونَكَ عَنِ ٱلَّذِيٓ أَوۡحَيۡنَآ إِلَيۡكَ لِتَفۡتَرِيَ عَلَيۡنَا غَيۡرَهُۥۖ وَإِذٗا لَّٱتَّخَذُوكَ خَلِيلٗا ﴿٧٣﴾
و ب ڕاستى نێزيك بوو بوتپه‌رێس به‌رێ ته -ئه‌ى پێغه‌مبه‌ر- ژ وێ قورئانێ وه‌رگێڕن يا خودێ بۆ ته ئينايه‌خوارێ؛ دا تو تشته‌كێ دى ژبلی وى يێ مه بۆ ته هنارتى ژ كيسێ مه بێژى، وئه‌گه‌ر ته وه كربا ئه‌و دا ته بۆ خۆ كه‌نه دۆسته‌كێ خۆشتڤى.
وَلَوۡلَآ أَن ثَبَّتۡنَٰكَ لَقَدۡ كِدتَّ تَرۡكَنُ إِلَيۡهِمۡ شَيۡـٔٗا قَلِيلًا ﴿٧٤﴾
وئه‌گه‌ر مه تو ل سه‌ر حه‌قییێ موكم نه‌كرباى، و ژ دويكه‌فتنا وان نه‌پاراست باى، نێزيك بوو پيچه‌كێ تو مه‌يلدارییێ بۆ وان بكه‌ى، هندى هند فێلبازییا وان یا دژوار بوو، و هندى هند ته دڤیا وان ب هیدایه‌ت بینى.