قورئانا پیرۆز › سورەتا الكهف › ئایەتا ٦٣
سورەتا الكهف · ئایەتا ٦٣ ب تەفسیرا کوردی
Al-Kahf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَلَمَّا بَلَغَا مَجۡمَعَ بَيۡنِهِمَا نَسِيَا حُوتَهُمَا فَٱتَّخَذَ سَبِيلَهُۥ فِي ٱلۡبَحۡرِ سَرَبٗا ﴿٦١﴾
وهه‌ردووان دا ڕێ، وده‌مێ ئه‌و گه‌هشتينه جهێ هه‌ردو ده‌ريا لێ دگه‌هنه ئێك هه‌ردو ل نك كه‌ڤرى ڕوينشتن، ووان ئه‌و نه‌هنگێ خۆ ژ بيركر يێ فه‌رمان ل مووساى هاتییه كرن كو وى بۆ قويتى د گه‌ل خۆ ببه‌ت، ويووشه‌عى ئه‌و دانابوو د عه‌لبه‌كێ دا، ڤێجا نه‌هنگ زێندى بووبوو وخۆ هاڤێتبوو د ده‌ريايێ دا، ووى ڕێكه‌كا ڤه‌كرى بۆ خۆ د ده‌ريايێ دا گرتبوو.
فَلَمَّا جَاوَزَا قَالَ لِفَتَىٰهُ ءَاتِنَا غَدَآءَنَا لَقَدۡ لَقِينَا مِن سَفَرِنَا هَٰذَا نَصَبٗا ﴿٦٢﴾
وده‌مێ ئه‌و ژ وى جهى چووين يێ وان نه‌هنگ لێ ژ بيركرى ومووسا ب برسێ حه‌سيا، وى گۆته خزمه‌تكارێ خۆ: فراڤينا مه بۆ مه بينه، ب ڕاستى مه د ڤێ سه‌فه‌را خۆ دا وه‌ستيان ديت.
قَالَ أَرَءَيۡتَ إِذۡ أَوَيۡنَآ إِلَى ٱلصَّخۡرَةِ فَإِنِّي نَسِيتُ ٱلۡحُوتَ وَمَآ أَنسَىٰنِيهُ إِلَّا ٱلشَّيۡطَٰنُ أَنۡ أَذۡكُرَهُۥۚ وَٱتَّخَذَ سَبِيلَهُۥ فِي ٱلۡبَحۡرِ عَجَبٗا ﴿٦٣﴾
خزمه‌تكارێ وى گۆتێ: ئه‌رێ ل بيرا ته‌يه ده‌مێ ئه‌م چووينه نك وى كه‌ڤرى يێ مه بێهنا خۆ ل نك ڤه‌داى؟ من ژ بيركربوو ئه‌ز مه‌سه‌لا نه‌هنگى بۆ ته بێژم، وهه‌ما شه‌يتانى ژ بيرا من بربوو ئه‌ز مه‌سه‌لا وى بۆ ته بێژم، هندى نه‌هنگه ل وێرێ ب رح كه‌فتبوو، وخۆ هاڤێتبوو د ده‌ريايێ دا، ووى ڕێكه‌ك بۆ خۆ تێدا كربوو، ومه‌سه‌لا وى يا عه‌جێب بوو.
قَالَ ذَٰلِكَ مَا كُنَّا نَبۡغِۚ فَٱرۡتَدَّا عَلَىٰٓ ءَاثَارِهِمَا قَصَصٗا ﴿٦٤﴾
مووساى گۆت: ئه‌وا چێ بووى ئه‌و بوو يا مه دخواست، وئه‌و نيشانه‌كه بۆ من ئه‌ز پێ ب جهێ به‌نییێ چاك بكه‌ڤم، ئينا هه‌ردو ل شوين پییێن خۆ زڤڕين حه‌تا گه‌هشتينه جهێ كه‌ڤر لێ.
فَوَجَدَا عَبۡدٗا مِّنۡ عِبَادِنَآ ءَاتَيۡنَٰهُ رَحۡمَةٗ مِّنۡ عِندِنَا وَعَلَّمۡنَٰهُ مِن لَّدُنَّا عِلۡمٗا ﴿٦٥﴾
وان ل وێرێ به‌نییه‌كێ چاك ژ به‌نییێن مه ديت كو خدره سلاڤ لێ بن -وئه‌و پێغه‌مبه‌ره‌كه ژ پێغه‌مبه‌رێن خودێ ويێ مرى-، مه دلۆڤانییه‌ك ژ نك خۆ دابوويێ، ومه ژ نك خۆ زانينه‌كا مه‌زن نيشا وى دابوو.