قورئانا پیرۆز › سورەتا الكهف › ئایەتا ٩٦
سورەتا الكهف · ئایەتا ٩٦ ب تەفسیرا کوردی
Al-Kahf
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَالُواْ يَٰذَا ٱلۡقَرۡنَيۡنِ إِنَّ يَأۡجُوجَ وَمَأۡجُوجَ مُفۡسِدُونَ فِي ٱلۡأَرۡضِ فَهَلۡ نَجۡعَلُ لَكَ خَرۡجًا عَلَىٰٓ أَن تَجۡعَلَ بَيۡنَنَا وَبَيۡنَهُمۡ سَدّٗا ﴿٩٤﴾
وان گۆت: ئه‌ى خودانێ دو شاخان هندى ياجووج وماجووجن -كو دو ملله‌تێن مه‌زنن ژ دوونده‌ها ئاده‌مى- ب كوشتنا مرۆڤان وپويچكرنا شينكاتى خرابكارییێ د عه‌ردى دا دكه‌ن، ئه‌رێ ڤێجا ئه‌م كرێ وخه‌راجه‌كێ نه‌ده‌ينه ته، وماله‌كى بۆ ته كۆم نه‌كه‌ين، به‌رانبه‌ر هندێ كو تو په‌رژانه‌كى بێخییه د ناڤبه‌را مه ووان دا؟
قَالَ مَا مَكَّنِّي فِيهِ رَبِّي خَيۡرٞ فَأَعِينُونِي بِقُوَّةٍ أَجۡعَلۡ بَيۡنَكُمۡ وَبَيۡنَهُمۡ رَدۡمًا ﴿٩٥﴾
خودانێ دو شاخان گۆت: تشتێ خودايێ من ژ ملكى وده‌سهه‌لاتێ دايه من بۆ من ژ مالێ هه‌وه چێتره، ڤێجا هوين ب هێزا خۆ هاريكارییا من بكه‌ن ئه‌ز دێ ناڤبڕه‌كێ ئێخمه د ناڤبه‌را هه‌وه ووان دا.
ءَاتُونِي زُبَرَ ٱلۡحَدِيدِۖ حَتَّىٰٓ إِذَا سَاوَىٰ بَيۡنَ ٱلصَّدَفَيۡنِ قَالَ ٱنفُخُواْۖ حَتَّىٰٓ إِذَا جَعَلَهُۥ نَارٗا قَالَ ءَاتُونِيٓ أُفۡرِغۡ عَلَيۡهِ قِطۡرٗا ﴿٩٦﴾
هوين پارچه‌يێن ئاسنى بۆ من بينن، وده‌مێ وان ئه‌و ئيناين و ل ناڤبه‌را هه‌ردو چيايان داناى حه‌تا ڕاستكرى، وى گۆته پالان: ئاگرى خۆش كه‌ن، حه‌تا ئاسن هه‌مى بوويه ئاگر، وى گۆت: هوين سفرى بۆ من بينن دا ئه‌ز ب سه‌ر دا بكه‌م.
فَمَا ٱسۡطَٰعُوٓاْ أَن يَظۡهَرُوهُ وَمَا ٱسۡتَطَٰعُواْ لَهُۥ نَقۡبٗا ﴿٩٧﴾
ڤێجا ياجووج وماجووج نه‌شيان ب سه‌ر ناڤبڕێ بكه‌ڤن؛ هندى يا بلند وحلی بوو، وئه‌و نه‌شيان وێ ژ بن ژى ڤه كون بكه‌ن ژ به‌ر فره‌هى وموكمییا وێ.
قَالَ هَٰذَا رَحۡمَةٞ مِّن رَّبِّيۖ فَإِذَا جَآءَ وَعۡدُ رَبِّي جَعَلَهُۥ دَكَّآءَۖ وَكَانَ وَعۡدُ رَبِّي حَقّٗا ﴿٩٨﴾
خودانێ دو شاخان گۆت: ئه‌ڤ ناڤبڕا من داناى دا خرابییا ياجووج وماجووجان ڤه‌گرت دلۆڤانییه‌كه ژ خودايێ من ب مرۆڤان، ڤێجا ئه‌گه‌ر ژڤانێ خودايێ من هات ل ڕۆژا قيامه‌تێ ئه‌و دێ وێ ناڤبڕێ ب عه‌ردى ڤه ڕاست كه‌ت وهه‌ڕفينت، وژڤانێ خودايێ من حه‌ق بوويه.