قورئانا پیرۆز › سورەتا المؤمنون › ئایەتا ٢١
سورەتا المؤمنون · ئایەتا ٢١ ب تەفسیرا کوردی
Al-Mu'minun
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَأَنشَأۡنَا لَكُم بِهِۦ جَنَّـٰتٖ مِّن نَّخِيلٖ وَأَعۡنَٰبٖ لَّكُمۡ فِيهَا فَوَٰكِهُ كَثِيرَةٞ وَمِنۡهَا تَأۡكُلُونَ ﴿١٩﴾
ڤێجا مه ب ڤێ ئاڤێ باغ وبيستانێن دارقه‌سپ وترى بۆ هه‌وه شينكرن، فێقییێ مشه وگه‌له‌ك ڕه‌نگ بۆ هه‌وه تێدا هه‌يه، وهوين ژێ دخۆن.
وَشَجَرَةٗ تَخۡرُجُ مِن طُورِ سَيۡنَآءَ تَنۢبُتُ بِٱلدُّهۡنِ وَصِبۡغٖ لِّلۡأٓكِلِينَ ﴿٢٠﴾
ومه دارا زه‌يتوينێ بۆ هه‌وه پێ شينكر، ئه‌وا ل دۆرێن چيايێ طوورێ (سينائێ) ده‌ردكه‌ڤت، زه‌يت ژێ دئێته گڤاشتن، وئه‌و دبته ڕوين وپێ خوارن.
وَإِنَّ لَكُمۡ فِي ٱلۡأَنۡعَٰمِ لَعِبۡرَةٗۖ نُّسۡقِيكُم مِّمَّا فِي بُطُونِهَا وَلَكُمۡ فِيهَا مَنَٰفِعُ كَثِيرَةٞ وَمِنۡهَا تَأۡكُلُونَ ﴿٢١﴾
وبۆ هه‌وه -گه‌لی مرۆڤان- د حێشتر وچێل وپه‌زى دا عيبره‌ته‌ك د ئافراندنا وان دا هه‌يه، ژ تشتێ د زكێن وان دا ئه‌م شيرى دده‌ينه هه‌وه، وگه‌له‌ك مفايێن دى بۆ هه‌وه د وان دا هه‌نه وه‌كى هرییێ وپيستى، وهوين ژێ دخۆن.
وَعَلَيۡهَا وَعَلَى ٱلۡفُلۡكِ تُحۡمَلُونَ ﴿٢٢﴾
و ل سه‌ر حێشتر وگه‌مییان ل هشكاتى وده‌ريايێ هوين دئێنه هلگرتن.
وَلَقَدۡ أَرۡسَلۡنَا نُوحًا إِلَىٰ قَوۡمِهِۦ فَقَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥٓۚ أَفَلَا تَتَّقُونَ ﴿٢٣﴾
و ب ڕاستى مه نووح ب گازییا ته‌وحيدێ بۆ ملله‌تێ وى هنارت، ئينا وى گۆته وان: هوين خودێ ب تنێ بپه‌رێسن، ژ وى پێڤه‌تر هه‌وه چو خودا يێن حه‌ق نينن، ئه‌رێ ما هوين ژ عه‌زابا وى ناترسن؟