قورئانا پیرۆز › سورەتا المؤمنون › ئایەتا ٢٦
سورەتا المؤمنون · ئایەتا ٢٦ ب تەفسیرا کوردی
Al-Mu'minun
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَقَالَ ٱلۡمَلَؤُاْ ٱلَّذِينَ كَفَرُواْ مِن قَوۡمِهِۦ مَا هَٰذَآ إِلَّا بَشَرٞ مِّثۡلُكُمۡ يُرِيدُ أَن يَتَفَضَّلَ عَلَيۡكُمۡ وَلَوۡ شَآءَ ٱللَّهُ لَأَنزَلَ مَلَـٰٓئِكَةٗ مَّا سَمِعۡنَا بِهَٰذَا فِيٓ ءَابَآئِنَا ٱلۡأَوَّلِينَ ﴿٢٤﴾
ئينا مه‌زنێن ملله‌تێ وى ئه‌و دره‌وين ده‌رێخست، ووان گۆته خه‌لكێ دى: ئه‌ڤه مرۆڤه‌كێ وه‌كى هه‌وه‌يه چو تشته‌كێ زێده‌تر ل نك وى نينه، وهه‌ما وى ب ڤێ گۆتنێ دڤێت ببته سه‌رۆك ومه‌زنێ هه‌وه، وئه‌گه‌ر خودێ ڤيابا كو پێغه‌مبه‌ره‌كى بۆ مه بهنێرت دا فريشته‌یه‌كى بۆ مه هنێرت، مه ئه‌ڤ چه‌نده ژ باب وباپيرێن خۆ يێن به‌رێ گوهـ لێ نه‌بوويه.
إِنۡ هُوَ إِلَّا رَجُلُۢ بِهِۦ جِنَّةٞ فَتَرَبَّصُواْ بِهِۦ حَتَّىٰ حِينٖ ﴿٢٥﴾
وهه‌ما نووح زه‌لامه‌كه ديناتى ل نك هه‌يه، ڤێجا خۆ بگرن حه‌تا ئه‌و هشيار دبت، ئه‌و دێ ڤێ گازییێ هێلت، يان ژى دێ مرت وهوين دێ ژێ رحه‌ت بن.
قَالَ رَبِّ ٱنصُرۡنِي بِمَا كَذَّبُونِ ﴿٢٦﴾
نووحى گۆت: خودايێ من تو من ب سه‌ر ملله‌تێ من بێخه؛ ژ به‌ر كو وان ئه‌ز د وى تشتى دا يێ من گه‌هاندییه وان ژ په‌ياما ته دره‌وين ده‌رێخستم.
فَأَوۡحَيۡنَآ إِلَيۡهِ أَنِ ٱصۡنَعِ ٱلۡفُلۡكَ بِأَعۡيُنِنَا وَوَحۡيِنَا فَإِذَا جَآءَ أَمۡرُنَا وَفَارَ ٱلتَّنُّورُ فَٱسۡلُكۡ فِيهَا مِن كُلّٖ زَوۡجَيۡنِ ٱثۡنَيۡنِ وَأَهۡلَكَ إِلَّا مَن سَبَقَ عَلَيۡهِ ٱلۡقَوۡلُ مِنۡهُمۡۖ وَلَا تُخَٰطِبۡنِي فِي ٱلَّذِينَ ظَلَمُوٓاْ إِنَّهُم مُّغۡرَقُونَ ﴿٢٧﴾
ئينا مه وه‌حى بۆ وى هنارت كو تو ب وه‌حییا مه و ل به‌ر چاڤێن مه گه‌مییه‌كا مه‌زن چێ بكه، ئانه‌كۆ: ب فه‌رمانا مه و ب هاريكارییا مه، وتو يێ ل بن چاڤدێرییا مه. وئه‌ڤ چه‌نده سالۆخه‌تێ هه‌بوونا چاڤى بۆ خودێ ده‌سنيشان دكه‌ت ب ڕه‌نگه‌كێ بابه‌تى وى بت بێى چاوانییه‌كێ بۆ ده‌سنيشان بكه‌ين. ڤێجا ئه‌گه‌ر فه‌رمانا مه ب عه‌زابدانا ملله‌تێ ته ب خه‌ندقاندنێ هات، وله‌هییێ ده‌ست پێ كر، وئاڤ ژ ته‌نويرا ئاگرى زا وفويريا، تو هه‌ڕه د گه‌مییێ دا و ژ هه‌ر خودان ڕحه‌كى تو نێره‌ك ومێیه‌كێ د گه‌ل خۆ سويار بكه؛ دا نفشێ وان نه‌بريێت، وتو مرۆڤێن خۆ هه‌مییان سويار بكه ئه‌و تێ نه‌بت يێ هێژاى عه‌زابێ بووى وه‌كى ژنا ته وكوڕێ ته، وتو پسيارا ڕزگاربوونا ملله‌تێ خۆ يێ زۆردار ژ من نه‌كه؛ چونكى ئه‌و هه‌ر دێ خندقن.
فَإِذَا ٱسۡتَوَيۡتَ أَنتَ وَمَن مَّعَكَ عَلَى ٱلۡفُلۡكِ فَقُلِ ٱلۡحَمۡدُ لِلَّهِ ٱلَّذِي نَجَّىٰنَا مِنَ ٱلۡقَوۡمِ ٱلظَّـٰلِمِينَ ﴿٢٨﴾
ڤێجا ئه‌گه‌ر تو وهه‌چییێ د گه‌ل ته هوين ب سه‌ر گه‌مییێ كه‌فتن و ژ خه‌ندقاندنێ ڕزگار بوون، تو بێژه: سوپاسى بۆ وى خودايى بت يێ ئه‌م ژ ملله‌تێ زۆردار ڕزگاركرين.