قورئانا پیرۆز › سورەتا الممتحنة › ئایەتا ١١
سورەتا الممتحنة · ئایەتا ١١ ب تەفسیرا کوردی
Al-Mumtahanah
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّمَا يَنۡهَىٰكُمُ ٱللَّهُ عَنِ ٱلَّذِينَ قَٰتَلُوكُمۡ فِي ٱلدِّينِ وَأَخۡرَجُوكُم مِّن دِيَٰرِكُمۡ وَظَٰهَرُواْ عَلَىٰٓ إِخۡرَاجِكُمۡ أَن تَوَلَّوۡهُمۡۚ وَمَن يَتَوَلَّهُمۡ فَأُوْلَـٰٓئِكَ هُمُ ٱلظَّـٰلِمُونَ ﴿٩﴾
هه‌ما خودێ هه‌وه ژ وان پاشڤه‌دبه‌ت يێن شه‌ڕێ هه‌وه سه‌را دينى كرى وهوين ژ وارێ هه‌وه ده‌رێخستين، وهاريكارییا كافران ل سه‌ر ده‌رێخستنا هه‌وه كرى كو هوين دۆستينى وپشته‌ڤانییا وان بكه‌ن، وهه‌چییێ وان دژى خودان باوه‌ران بۆ خۆ بكه‌ته دۆست وهۆگر، ئه‌و ئه‌ون يێن زۆردارى ل خۆ كرى، و ژ توخويبێن خودێ ده‌ركه‌فتين.
يَـٰٓأَيُّهَا ٱلَّذِينَ ءَامَنُوٓاْ إِذَا جَآءَكُمُ ٱلۡمُؤۡمِنَٰتُ مُهَٰجِرَٰتٖ فَٱمۡتَحِنُوهُنَّۖ ٱللَّهُ أَعۡلَمُ بِإِيمَٰنِهِنَّۖ فَإِنۡ عَلِمۡتُمُوهُنَّ مُؤۡمِنَٰتٖ فَلَا تَرۡجِعُوهُنَّ إِلَى ٱلۡكُفَّارِۖ لَا هُنَّ حِلّٞ لَّهُمۡ وَلَا هُمۡ يَحِلُّونَ لَهُنَّۖ وَءَاتُوهُم مَّآ أَنفَقُواْۚ وَلَا جُنَاحَ عَلَيۡكُمۡ أَن تَنكِحُوهُنَّ إِذَآ ءَاتَيۡتُمُوهُنَّ أُجُورَهُنَّۚ وَلَا تُمۡسِكُواْ بِعِصَمِ ٱلۡكَوَافِرِ وَسۡـَٔلُواْ مَآ أَنفَقۡتُمۡ وَلۡيَسۡـَٔلُواْ مَآ أَنفَقُواْۚ ذَٰلِكُمۡ حُكۡمُ ٱللَّهِ يَحۡكُمُ بَيۡنَكُمۡۖ وَٱللَّهُ عَلِيمٌ حَكِيمٞ ﴿١٠﴾
ئه‌ى ئه‌وێن باوه‌رى ئيناى، ئه‌گه‌ر ژنێن خودان باوه‌ر ب مشه‌ختى ژ جهێ كوفرێ هاتنه نك هه‌وه ل جهێ ئيسلامێ، هوين وان بجه‌ڕبينن؛ دا ڕاستییا باوه‌رییا وان بزانن، خودێ ب ڕاستییا باوه‌رییا وان زاناتره، ڤێجا ئه‌گه‌ر هه‌وه ب نيشانێن ئاشكه‌را زانى كو ئه‌و دخودان باوه‌رن، هوين وان نه‌زڤڕيننه نك زه‌لامێن وان يێن كافر؛ چونكى يا حه‌لال نينه ژنێن خودان باوه‌ر شوى ب مێرێن كافر بكه‌ن، ويا حه‌لال نينه بۆ كافران كو ژنێن خودان باوه‌را ماره بكه‌ن، وهوين وى مالی بۆ وان كافران بزڤڕينن يێ وان ب مه‌هر دايه ژنێن خۆ يێن كو هاتين موسلمان بووين، وچو گونه‌هـ ل سه‌ر هه‌وه نينه كو هوين وان ژنان ماره بكه‌ن ئه‌گه‌ر هه‌وه مه‌هرێ وان دايێ. وهوين ژنێن خۆ يێن كافر ب ژنينى ل نك خۆ نه‌گرن، وهوين ژى داخوازا وى مه‌هرى ژ كافران بكه‌ن يێ هه‌وه دايه وان ژنێن خۆ ئه‌وێن ژ ئيسلامێ ده‌ردكه‌ڤن ودچن دگه‌هنه وان، وبلا ئه‌و ژى داخوازا وێ مه‌هرێ بكه‌ن يا وان دايه وان ژنێن خۆ ئه‌وێن موسلمان دبن ودئێن دگه‌هنه هه‌وه، ئه‌ڤ حوكمه يێ د ڤێ ئايه‌تێ دا هاتى حوكمێ خودێیه ئه‌و حوكمى پێ د ناڤبه‌را هه‌وه دا دكه‌ت ڤێجا هوين بێ ئه‌مرییا وى نه‌كه‌ن. وخودێ يێ پڕزانایه تشته‌ك ل وى به‌رزه نابت، و د گۆتن وكریارێن خۆ دا یێ كاربنه‌جهه.
وَإِن فَاتَكُمۡ شَيۡءٞ مِّنۡ أَزۡوَٰجِكُمۡ إِلَى ٱلۡكُفَّارِ فَعَاقَبۡتُمۡ فَـَٔاتُواْ ٱلَّذِينَ ذَهَبَتۡ أَزۡوَٰجُهُم مِّثۡلَ مَآ أَنفَقُواْۚ وَٱتَّقُواْ ٱللَّهَ ٱلَّذِيٓ أَنتُم بِهِۦ مُؤۡمِنُونَ ﴿١١﴾
وئه‌گه‌ر هنده‌ك ژنێن هه‌وه ژ ئيسلامێ ده‌ركه‌فتن وچوون گه‌هشتنه كافران، وكافران ئه‌و مه‌هر نه‌دا هه‌وه يێ هه‌وه دايه وان ژنان، پاشى ئه‌و كافر كه‌فتنه ده‌ستێ هه‌وه وهوين شيانه وان، هوين هندێ ژ ده‌سكه‌فتییان بده‌نه وان موسلمانێن ژنێن وان چووينه ناڤ كافران هندى وى مه‌هرێ وان به‌رى هنگى دايه ژنێن خۆ، وهوين ته‌قوایا وى خودايى بكه‌ن يێ هوين باوه‌رییێ پێ دئينن.
يَـٰٓأَيُّهَا ٱلنَّبِيُّ إِذَا جَآءَكَ ٱلۡمُؤۡمِنَٰتُ يُبَايِعۡنَكَ عَلَىٰٓ أَن لَّا يُشۡرِكۡنَ بِٱللَّهِ شَيۡـٔٗا وَلَا يَسۡرِقۡنَ وَلَا يَزۡنِينَ وَلَا يَقۡتُلۡنَ أَوۡلَٰدَهُنَّ وَلَا يَأۡتِينَ بِبُهۡتَٰنٖ يَفۡتَرِينَهُۥ بَيۡنَ أَيۡدِيهِنَّ وَأَرۡجُلِهِنَّ وَلَا يَعۡصِينَكَ فِي مَعۡرُوفٖ فَبَايِعۡهُنَّ وَٱسۡتَغۡفِرۡ لَهُنَّ ٱللَّهَۚ إِنَّ ٱللَّهَ غَفُورٞ رَّحِيمٞ ﴿١٢﴾
ئه‌ى پێغه‌مبه‌ر ئه‌گه‌ر ئه‌و ژنێن باوه‌رى ب خودێ وپێغه‌مبه‌رى هه‌ى هاتنه نك ته دا په‌يمانێ بده‌نه ته كو ئه‌و چو شريكان بۆ خودێ د په‌رستنێ دا چێ نه‌كه‌ن، ودزییێ نه‌كه‌ن، وزنايێ نه‌كه‌ن، وزارۆيێن خۆ به‌رى بوونێ وپشتى بوونێ نه‌كوژن، وهنده‌ك زارۆيێن نه ژ زه‌لامێن خۆ ب دويڤ وان نه‌ئێخن، و د باشییێ دا بێ ئه‌مرییا ته نه‌كه‌ن، تو په‌يمانێ ل سه‌ر وێ چه‌ندێ بده وان، وداخوازا ژێبرنا گونه‌هان بۆ وان ژ خودێ بكه. هندى خودێیه باش گونه‌هـ ژێبرێ گونه‌هێن به‌نییێن خۆ يێن تۆبه‌كه‌ره، ويێ دلۆڤانكاره ب وان.
يَـٰٓأَيُّهَا ٱلَّذِينَ ءَامَنُواْ لَا تَتَوَلَّوۡاْ قَوۡمًا غَضِبَ ٱللَّهُ عَلَيۡهِمۡ قَدۡ يَئِسُواْ مِنَ ٱلۡأٓخِرَةِ كَمَا يَئِسَ ٱلۡكُفَّارُ مِنۡ أَصۡحَٰبِ ٱلۡقُبُورِ ﴿١٣﴾
ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى، هوين وان بۆ خۆ نه‌كه‌نه دۆست وهۆگر يێن ژ به‌ر كوفرا وان خودێ غه‌زه‌ب لێ كرى، ئه‌و وه‌سا ژ خێرا خۆ يا ل ئاخره‌تێ بێ هيڤى بووينه، وه‌كى كو ئه‌و كافرێن هاتينه ڤه‌شارتن د گۆڕان دا ژ ڕه‌حما خودێ بێ هيڤێ بووين؛ پشتى وان ب چاڤ ديتى وزانى كو چو بار ژ ڕه‌حمێ بۆ وان نينه.