surah083سورەتا المطففين · ئایەتا ٥ ب تەفسیرا کوردی

وَإِذَا كَالُوهُمۡ أَو وَّزَنُوهُمۡ يُخۡسِرُونَ ﴿٣﴾

وئه‌گه‌ر تشته‌ك فرۆته‌ خه‌لكى پيڤانێ يان كێشانێ كێم دكه‌ن، ڤێجا پا حالێ وى چيه‌ يێ دزییێ ژ خه‌لكى بكه‌ت، وتشتێ وان بێ بها بكه‌ت؟ ئه‌و ژ وان يێن حيلێ د كێشان وپيڤانێ دا دكه‌ن بۆ عه‌زابێ هه‌ژيترن.

أَلَا يَظُنُّ أُوْلَـٰٓئِكَ أَنَّهُم مَّبۡعُوثُونَ ﴿٤﴾

ئه‌رێ ما ئه‌وێن حيلێ د كێشان وپيڤانێ دا دكه‌ن باوه‌ر ناكه‌ن كو خودێ ل ڕۆژه‌كا مه‌زن دێ وان ڕاكه‌ته‌ڤه‌ وحسێبێ سه‌را كريارێن وان د گه‌ل كه‌ت؟

لِيَوۡمٍ عَظِيمٖ ﴿٥﴾

ل ڕۆژەکا مەزن.

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ ﴿٦﴾

ڕۆژا مرۆڤ ل به‌ر ده‌ستێ خودێ ڕادوه‌ستن، ڤێجا ئه‌و حسێبا تشتێ هوير وگر د گه‌ل وان دكه‌ت، وئه‌و وێ ڕۆژێ بۆ خودايێ هه‌مى چێكرییان دچه‌مياينه‌.

كَلَّآ إِنَّ كِتَٰبَ ٱلۡفُجَّارِ لَفِي سِجِّينٖ ﴿٧﴾

حه‌قى ئه‌و نينه‌ يا ئه‌و دكه‌ن ده‌مێ حيلێ د كێشان وپيڤانێ دا دكه‌ن، ڤێجا بلا ئه‌و خۆ ژ وێ چه‌ندێ بده‌نه‌ پاش. هندى دويماهییا سه‌رداچوويان وجهێ وانه‌ د ته‌نگییێ دايه‌.