قورئانا پیرۆز › سورەتا القصص › ئایەتا ٨٢
سورەتا القصص · ئایەتا ٨٢ ب تەفسیرا کوردی
Al-Qasas
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَالَ ٱلَّذِينَ أُوتُواْ ٱلۡعِلۡمَ وَيۡلَكُمۡ ثَوَابُ ٱللَّهِ خَيۡرٞ لِّمَنۡ ءَامَنَ وَعَمِلَ صَٰلِحٗاۚ وَلَا يُلَقَّىٰهَآ إِلَّا ٱلصَّـٰبِرُونَ ﴿٨٠﴾
وئه‌وێن زانين ب شريعه‌تێ خودێ بۆ هاتییه‌دان وڕاستییا تشتان زانى گۆته وان يێن گۆتين: خوزى ئه‌وا بۆ قاروونى هاتییه‌دان بۆ مه ژى هاتبا دان: تێچوون بۆ هه‌وه بت ته‌قوایا خودێ بكه‌ن وگوهدارییا وى بكه‌ن، خێرا خودێ بۆ وى يێ باوه‌رى ب وى وپێغه‌مبه‌رێ وى ئيناى، وچاكى كرين، چێتره ژ وێ يا بۆ قاروونى هاتییه‌دان، و ب تنێ ئه‌و گوهدارییا ڤێ شيره‌تێ دكه‌ت وكارى پێ دكه‌ت يێ جيهادا نه‌فسا خۆ كرى، وصه‌بر ل سه‌ر گوهدارییا خودايێ خۆ كێشاى، وخۆ ژ بێ ئه‌مرییا وى دايه پاش.
فَخَسَفۡنَا بِهِۦ وَبِدَارِهِ ٱلۡأَرۡضَ فَمَا كَانَ لَهُۥ مِن فِئَةٖ يَنصُرُونَهُۥ مِن دُونِ ٱللَّهِ وَمَا كَانَ مِنَ ٱلۡمُنتَصِرِينَ ﴿٨١﴾
ئينا مه عه‌رد ب قاروونى وخانییێ وى ڤه بره خوارێ، ووى چو به‌ڕه‌ڤان نه‌بوون به‌ڕه‌ڤانییێ ژ وى بكه‌ن ده‌مێ عه‌زابا خودێ ب سه‌ر دا هاتى، وئه‌و ل به‌ر خودێ يێ ئاسێ نه‌بوو ده‌مێ غه‌زه‌با خۆ ب سه‌ر دا ئيناى.
وَأَصۡبَحَ ٱلَّذِينَ تَمَنَّوۡاْ مَكَانَهُۥ بِٱلۡأَمۡسِ يَقُولُونَ وَيۡكَأَنَّ ٱللَّهَ يَبۡسُطُ ٱلرِّزۡقَ لِمَن يَشَآءُ مِنۡ عِبَادِهِۦ وَيَقۡدِرُۖ لَوۡلَآ أَن مَّنَّ ٱللَّهُ عَلَيۡنَا لَخَسَفَ بِنَاۖ وَيۡكَأَنَّهُۥ لَا يُفۡلِحُ ٱلۡكَٰفِرُونَ ﴿٨٢﴾
وئه‌وێن دوهى هيڤى خواستى كو وه‌كى وى بن، نوكه ب خه‌م وترس ڤه كو عه‌زاب ب سه‌ر وان ژى دا بێت، گۆتن: هندى خودێیه يێ وى بڤێت ژ به‌نییێن خۆ ئه‌و ڕزقێ وى به‌رفره‌هـ دكه‌ت، ويێ وى بڤێت ئه‌و ڕزقێ وى به‌رته‌نگ دكه‌ت، وئه‌گه‌ر خودێ منه‌ت ل مه نه‌كربا دا ئه‌و عه‌ردى ب مه ژى ڤه وه‌كى قاروونى به‌ته خوارێ، ئه‌رێ ما ته نه‌زانییه كو كافر نه د دنيايێ دا ونه ل ئاخره‌تێ ئيفله‌حێ نابينن؟
تِلۡكَ ٱلدَّارُ ٱلۡأٓخِرَةُ نَجۡعَلُهَا لِلَّذِينَ لَا يُرِيدُونَ عُلُوّٗا فِي ٱلۡأَرۡضِ وَلَا فَسَادٗاۚ وَٱلۡعَٰقِبَةُ لِلۡمُتَّقِينَ ﴿٨٣﴾
ئه‌و مالا ئاخره‌تێیه ئه‌م خۆشییا وێ دده‌ينه وان يێن خۆمه‌زنكرنا د عه‌ردى دا وخرابكارى نه‌ڤێت، ودويماهییا باش -كو به‌حه‌شته- بۆ وییه يێ خۆ ژ عه‌زابا خودێ دپارێزت وگوهدارییا وى دكه‌ت، وخۆ ژ حه‌رامى دده‌ته پاش.
مَن جَآءَ بِٱلۡحَسَنَةِ فَلَهُۥ خَيۡرٞ مِّنۡهَاۖ وَمَن جَآءَ بِٱلسَّيِّئَةِ فَلَا يُجۡزَى ٱلَّذِينَ عَمِلُواْ ٱلسَّيِّـَٔاتِ إِلَّا مَا كَانُواْ يَعۡمَلُونَ ﴿٨٤﴾
هه‌چییێ ڕۆژا قيامه‌تێ ب ته‌وحيدێ ووى كارێ چاك ڤه بێت يێ خودێ فه‌رمان پێ كرى، ئه‌وى خێره‌كا مه‌زن وپتر ژ وى كارى بۆ وى هه‌يه، وئه‌و خێر به‌حه‌شت وخۆشییا به‌رده‌وامه، وهه‌چییێ ب كارێن خراب ڤه بێت، ئه‌وێن خرابى كرين هه‌ما جزايێ كريارێن وان دكرن بۆ وان دئێته‌دان.