قورئانا پیرۆز › سورەتا آل عمران › ئایەتا ١٠٨
سورەتا آل عمران · ئایەتا ١٠٨ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَوۡمَ تَبۡيَضُّ وُجُوهٞ وَتَسۡوَدُّ وُجُوهٞۚ فَأَمَّا ٱلَّذِينَ ٱسۡوَدَّتۡ وُجُوهُهُمۡ أَكَفَرۡتُم بَعۡدَ إِيمَٰنِكُمۡ فَذُوقُواْ ٱلۡعَذَابَ بِمَا كُنتُمۡ تَكۡفُرُونَ ﴿١٠٦﴾
ڕۆژا قيامه‌تێ ڕوییێن دلخۆشان يێن باوه‌رى ب خودێ وپێغه‌مبه‌رێ وى ئيناى، وكار ب فه‌رمانا وى كرى سپى دبن، وڕوییێن شه‌رمزاران يێن باوه‌رى ب پێغه‌مبه‌رێ وى نه‌ئيناى، وگوهدارییا فه‌رمانا وى نه‌كرى ڕه‌ش دبن. ڤێجا هندى ئه‌ون يێن ڕویڕه‌ش دبن، دێ بۆ وان ئێته گۆتن: ئه‌رێ پشتى هه‌وه باوه‌رى ئيناى هوين كافربوون، وهه‌وه پێش باوه‌رییێ ڤه كافرى هلبژارت؟ پا دێ هوين ژ به‌ر كوفرا خۆ تام بكه‌نه عه‌زابێ.
وَأَمَّا ٱلَّذِينَ ٱبۡيَضَّتۡ وُجُوهُهُمۡ فَفِي رَحۡمَةِ ٱللَّهِۖ هُمۡ فِيهَا خَٰلِدُونَ ﴿١٠٧﴾
وهندى ئه‌ون يێن ڕوییێن وان ب خۆشییێ و ب وێ مزگينییا خێرێ يا بۆ وان هاتییه دان سپى بووين، ئه‌و يێن د به‌حه‌شتا خودێ دا، وئه‌و هه‌ر وهه‌ر دێ تێدا مينن، چو جاران ژێ ده‌رناكه‌ڤن.
تِلۡكَ ءَايَٰتُ ٱللَّهِ نَتۡلُوهَا عَلَيۡكَ بِٱلۡحَقِّۗ وَمَا ٱللَّهُ يُرِيدُ ظُلۡمٗا لِّلۡعَٰلَمِينَ ﴿١٠٨﴾
ئه‌ڤه ئايه‌تێن خودێ يێن ئاشكه‌رانه، ئه‌م ب ڕاستى ودورستى بۆ ته -ئه‌ى پێغه‌مبه‌ر- دخوينين. وخودێ زۆردارییێ ل كه‌سێ ژ به‌نییێن خۆ ناكه‌ت، وچويێ ژ كارێ وان ژى كێم ناكه‌ت؛ چونكى ئه‌وه حاكمێ عادل يێ زۆردارییێ ناكه‌ت.
وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَإِلَى ٱللَّهِ تُرۡجَعُ ٱلۡأُمُورُ ﴿١٠٩﴾
وهه‌ر تشته‌كێ ل عه‌سمانان وهه‌ر تشته‌كێ ل عه‌ردى يێ خودێیه، ئه‌و ملكێ وى ب تنێیه وئه‌وه وان چێ دكه‌ت و ب ڕێڤه دبه‌ت، ودويماهییا هه‌مى چێكرییان بۆ نك وى دزڤڕت، ڤێجا ئه‌و هه‌ر ئێكى ل دويڤ حه‌قێ وى جزا دده‌ت.
كُنتُمۡ خَيۡرَ أُمَّةٍ أُخۡرِجَتۡ لِلنَّاسِ تَأۡمُرُونَ بِٱلۡمَعۡرُوفِ وَتَنۡهَوۡنَ عَنِ ٱلۡمُنكَرِ وَتُؤۡمِنُونَ بِٱللَّهِۗ وَلَوۡ ءَامَنَ أَهۡلُ ٱلۡكِتَٰبِ لَكَانَ خَيۡرٗا لَّهُمۚ مِّنۡهُمُ ٱلۡمُؤۡمِنُونَ وَأَكۡثَرُهُمُ ٱلۡفَٰسِقُونَ ﴿١١٠﴾
هوين -ئه‌ى ئوممه‌تا موحه‌ممه‌دى سلاڤ لێ بن- چێترين ئوممه‌تن و ب مفاترين مرۆڤن بۆ مرۆڤان، هوين فه‌رمانێ ب باشییێ دكه‌ن، وباشى ئه‌وه يا شریعه‌تى وعه‌قلى گۆتى ئه‌و تشته‌كێ باشه، وهوين پاشڤه‌برنا ژ خرابییێ دكه‌ن، وخرابى ئه‌وه يا شریعه‌تى وعه‌قلى گۆتى ئه‌و تشته‌كێ كرێته، وهوين باوه‌رییێ ب خودێ دئينن باوه‌رییه‌كا دورست يا كريار د گه‌ل دا. وئه‌گه‌ر خودانێن كيتابێ ژ جوهى وفه‌لان باوه‌رى ب موحه‌ممه‌دى سلاڤ لێ بن و ب وى تشتێ ئه‌و پێ هاتى ئينابا وه‌كى هه‌وه باوه‌رى ئيناى، ل دنيايێ وئاخره‌تێ دا بۆ وان چێتر بت، ژ وان هه‌نه يێن باوه‌رى ب په‌ياما موحه‌ممه‌دى سلاڤ لێ بن ئيناى وكار پێ كرى، وئه‌و دكێمن، وپترییا وان ئه‌ون يێن دسه‌ردا چووين و ژ دينێ خودێ ده‌ركه‌فتين.