قورئانا پیرۆز › سورەتا آل عمران › ئایەتا ١٦٩
سورەتا آل عمران · ئایەتا ١٦٩ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلِيَعۡلَمَ ٱلَّذِينَ نَافَقُواْۚ وَقِيلَ لَهُمۡ تَعَالَوۡاْ قَٰتِلُواْ فِي سَبِيلِ ٱللَّهِ أَوِ ٱدۡفَعُواْۖ قَالُواْ لَوۡ نَعۡلَمُ قِتَالٗا لَّٱتَّبَعۡنَٰكُمۡۗ هُمۡ لِلۡكُفۡرِ يَوۡمَئِذٍ أَقۡرَبُ مِنۡهُمۡ لِلۡإِيمَٰنِۚ يَقُولُونَ بِأَفۡوَٰهِهِم مَّا لَيۡسَ فِي قُلُوبِهِمۡۚ وَٱللَّهُ أَعۡلَمُ بِمَا يَكۡتُمُونَ ﴿١٦٧﴾
و دا ئه‌و دوڕوییان بنیاست ئه‌وێن خودێ يا دلێ وان ئاشكه‌راكرى ده‌مێ خودان باوه‌ران گۆتییه وان: وه‌رن د گه‌ل مه شه‌ڕى د ڕێكا خودێ دا بكه‌ن، يان ب زێده‌كرنا هژمارا مه بۆ مه ببنه پشته‌ڤان، وان گۆت: ئه‌گه‌ر مه زانيبا هوين دێ شه‌ڕێ ئێكى كه‌ن ئه‌م دا شه‌ڕى د گه‌ل هه‌وه دژى وى كه‌ين. هنگى ئه‌و ژ باوه‌رییێ پتر دنێزيكى كافریێنه؛ چونكى ئه‌و وى تشتێ نه د دلێ خۆ دا ب ده‌ڤێن خۆ دبێژن. وخودێ ب وى تشتێ ئه‌و د سنگێن خۆ دا ڤه‌دشێرن زاناتره.
ٱلَّذِينَ قَالُواْ لِإِخۡوَٰنِهِمۡ وَقَعَدُواْ لَوۡ أَطَاعُونَا مَا قُتِلُواْۗ قُلۡ فَٱدۡرَءُواْ عَنۡ أَنفُسِكُمُ ٱلۡمَوۡتَ إِن كُنتُمۡ صَٰدِقِينَ ﴿١٦٨﴾
ئه‌و منافقێن هه ئه‌ون یێن روينشتين وگۆتينه برايێن خۆ يێن كو ل ڕۆژا (ئوحودێ) د شه‌ڕێ خۆ دا دژى بوتپه‌رێسان د گه‌ل خودان باوه‌ران نه‌خۆشى هاتییه سه‌رى: ئه‌گه‌ر ئه‌وێن هه گوهدارییا مه كربا ئه‌و نه دهاتنه‌كوشتن. تو -ئه‌ى پێغه‌مبه‌ر- بێژه وان: پا دێ هوین مرنێ ژ خۆ دويربێخن ئه‌گه‌ر هوين د گۆتنا خۆ دا دڕاستگۆنه كو ئه‌گه‌ر وان گه‌هدارییا هه‌وه كربا ئه‌و نه‌دهاتنه كوشتن، وكو ژ به‌ر نه‌چوونا هه‌وه بۆ شه‌ڕى هوین یێن ماینه زێندى.
وَلَا تَحۡسَبَنَّ ٱلَّذِينَ قُتِلُواْ فِي سَبِيلِ ٱللَّهِ أَمۡوَٰتَۢاۚ بَلۡ أَحۡيَآءٌ عِندَ رَبِّهِمۡ يُرۡزَقُونَ ﴿١٦٩﴾
وتو -ئه‌ى پێغه‌مبه‌ر- هزر نه‌كه كو ئه‌وێن د ڕێكا خودێ دا هاتينه كوشتن دمرينه ب چو ناحه‌سن، به‌لكى ئه‌و د ژينه‌كا به‌رزه‌خى دا دزێندينه ل نك خودايێ خۆ، ئه‌وێ وان د ڕێكا وى دا جیهاد كرى ومرین، ڕزقێ وان د به‌حه‌شتێ دا بۆ وان دئێته دان، وئه‌و يێن د خۆشییان دا.
فَرِحِينَ بِمَآ ءَاتَىٰهُمُ ٱللَّهُ مِن فَضۡلِهِۦ وَيَسۡتَبۡشِرُونَ بِٱلَّذِينَ لَمۡ يَلۡحَقُواْ بِهِم مِّنۡ خَلۡفِهِمۡ أَلَّا خَوۡفٌ عَلَيۡهِمۡ وَلَا هُمۡ يَحۡزَنُونَ ﴿١٧٠﴾
ئه‌و دكه‌يفخۆشن ب وێ منه‌تا خودێ ل وان كرى، ووى ژ قه‌نجییا خۆ يا مه‌زن وكه‌ره‌ما خۆ يا به‌رفره‌هـ دايێ، ووان كه‌يف ب برايێن خۆ يێن موجاهد دئێت ئه‌وێن وان ل پشت خۆ هێلاينه ل دنيايێ؛ دا ئه‌و ژى ب وێ سه‌ركه‌فتنێ ب سه‌ركه‌ڤن يا ئه‌و پێ سه‌ركه‌فتين، ژ به‌ر كو ئه‌و دزانن هندى ئه‌ون ئه‌و ژى دێ گه‌هنه وێ خێرێ يا ئه‌و گه‌هشتينێ، ئه‌گه‌ر ئه‌و ژى د ڕێكا خودێ دا هاتنه كوشتن، وكو چو ترس ل سه‌ر وان د وى تشتى دا يێ ل ئاخره‌تێ دئێته ڕێكا وان نينه، وئه‌و ب خه‌م ناكه‌ڤن ل سه‌ر وێ بارا نه‌گه‌هشتییه وان ژ دنيايێ.
۞يَسۡتَبۡشِرُونَ بِنِعۡمَةٖ مِّنَ ٱللَّهِ وَفَضۡلٖ وَأَنَّ ٱللَّهَ لَا يُضِيعُ أَجۡرَ ٱلۡمُؤۡمِنِينَ ﴿١٧١﴾
وئه‌و د كه‌يفه‌كا مه‌زن دانه ژ به‌ر وان قه‌نجییێن خودێ يێن بۆ وان هاتينه‌دان، وكو خودێ خێرا وان يێن باوه‌رى ب وى ئيناى به‌رزه ناكه‌ت، به‌لكى ژ قه‌نجییا خۆ ئه‌و وێ بۆ وان ب خودان دكه‌ت ومه‌زن دكه‌ت.