قورئانا پیرۆز › سورەتا آل عمران › ئایەتا ١٨٥
سورەتا آل عمران · ئایەتا ١٨٥ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱلَّذِينَ قَالُوٓاْ إِنَّ ٱللَّهَ عَهِدَ إِلَيۡنَآ أَلَّا نُؤۡمِنَ لِرَسُولٍ حَتَّىٰ يَأۡتِيَنَا بِقُرۡبَانٖ تَأۡكُلُهُ ٱلنَّارُۗ قُلۡ قَدۡ جَآءَكُمۡ رُسُلٞ مِّن قَبۡلِي بِٱلۡبَيِّنَٰتِ وَبِٱلَّذِي قُلۡتُمۡ فَلِمَ قَتَلۡتُمُوهُمۡ إِن كُنتُمۡ صَٰدِقِينَ ﴿١٨٣﴾
ئه‌و جوهییێن هه ده‌مێ بۆ ئيسلامێ هاتينه گازيكرن وان گۆت: هندى خودێیه د ته‌وراتێ دا شيره‌ت ل مه كرییه كو ئه‌م باوه‌رییێ ب وى نه‌ئينين يێ بێت بێژته مه: ئه‌ز پێغه‌مبه‌ره‌كم ژ نك خودێ، حه‌تا ئه‌و خێره‌كێ بۆ مه بينت كو ئه‌و خۆ پێ نێزيكى خودێ بكه‌ت، ڤێجا ئاگره‌ك ژ عه‌سمانى بێت وێ خێرێ بسۆژت. تو -ئه‌ى پێغه‌مبه‌ر- بێژه وان: هوين د ڤێ گۆتنا خۆ دا ددره‌وينن؛ چونكى به‌رى من پێغه‌مبه‌ر ب نيشانێن ئاشكه‌را ل سه‌ر ڕاستگۆییا وان هاتبوون، و ب وێ ژى هاتبوون يا هه‌وه گۆتى ژ مه‌سه‌لا وى قوربانى یێ ئاگر ڤێ دكه‌ڤت، ڤێجا پا بۆچى بابێن هه‌وه ئه‌و پێغه‌مبه‌ر كوشتن ئه‌گه‌ر هوين د گۆتنا خۆ دا دڕاستگۆنه؟
فَإِن كَذَّبُوكَ فَقَدۡ كُذِّبَ رُسُلٞ مِّن قَبۡلِكَ جَآءُو بِٱلۡبَيِّنَٰتِ وَٱلزُّبُرِ وَٱلۡكِتَٰبِ ٱلۡمُنِيرِ ﴿١٨٤﴾
وئه‌گه‌ر ڤان جوهییان وكافرێن دى تو -ئه‌ى پێغه‌مبه‌ر- دره‌وين ده‌رێخستى ، ب ڕاستى وان نه‌حه‌قان گه‌له‌ك پێغه‌مبه‌رێن به‌رى ته ژى دره‌وين ده‌رێخست بوون، ئه‌و پێغه‌مبه‌ر ب نيشانێن ئاشكه‌را وهێجه‌تێن گه‌ش و ب كتابێن عه‌سمانى يێن كو ڕۆناهينه تارییان ڕادكه‌ن، بۆ ملله‌تێن خۆ هاتبوون.
كُلُّ نَفۡسٖ ذَآئِقَةُ ٱلۡمَوۡتِۗ وَإِنَّمَا تُوَفَّوۡنَ أُجُورَكُمۡ يَوۡمَ ٱلۡقِيَٰمَةِۖ فَمَن زُحۡزِحَ عَنِ ٱلنَّارِ وَأُدۡخِلَ ٱلۡجَنَّةَ فَقَدۡ فَازَۗ وَمَا ٱلۡحَيَوٰةُ ٱلدُّنۡيَآ إِلَّا مَتَٰعُ ٱلۡغُرُورِ ﴿١٨٥﴾
هه‌ر نه‌فسه‌ك دڤێت تام بكه‌ته مرنێ، ب ڤێ چه‌ندێ هه‌مى خه‌لك دێ زڤڕنه نك خودايێ خۆ؛ دا ئه‌و حسێبێ د گه‌ل وان بكه‌ت. وهه‌ما خێرێن هه‌وه ل دويڤ كريارێن هه‌وه ب تمامى وبێ كيماسى ل ڕۆژا ڕابوونێ دێ بۆ هه‌وه ئێنه‌دان، ڤێجا هه‌چییێ خودايێ وى قه‌درێ وى بگرت ووى ژ ئاگرى ڕزگار بكه‌ت وببه‌ته به‌حه‌شتێ ئه‌و گه‌هشته وێ يا وى ڤياى. وژينا دنيايێ هه‌ما ب تنێ خۆشییه‌كا به‌روه‌خته، ڤێجا هوين پێ نه‌ئێنه خاپاندن.
۞لَتُبۡلَوُنَّ فِيٓ أَمۡوَٰلِكُمۡ وَأَنفُسِكُمۡ وَلَتَسۡمَعُنَّ مِنَ ٱلَّذِينَ أُوتُواْ ٱلۡكِتَٰبَ مِن قَبۡلِكُمۡ وَمِنَ ٱلَّذِينَ أَشۡرَكُوٓاْ أَذٗى كَثِيرٗاۚ وَإِن تَصۡبِرُواْ وَتَتَّقُواْ فَإِنَّ ذَٰلِكَ مِنۡ عَزۡمِ ٱلۡأُمُورِ ﴿١٨٦﴾
هوين -گه‌لى خودان باوه‌ران- ب مالێ خۆ دێ ئێنه جه‌رباندن، ب ده‌رێخستنا نه‌فه‌قه‌يێن فه‌ر وسوننه‌ت ژێ، و ب وان گرفتارییێن ب سه‌ر دا دئێن، وهوين د نه‌فسێن هه‌وه ژى دا دێ ئێنه جه‌رباندن ب وان عيباده‌تێن ل سه‌ر هه‌وه هاتينه فه‌ركرن، وئه‌وا ب سه‌رێ هه‌وه دئێت ژ برين وكوشتن ومرنا خۆشتڤیێن هه‌وه؛ وئه‌ڤه ژ به‌ر هندێیه دا خودان باوه‌رێ ڕاستگۆ ژ يێ دى ئاشكه‌را ببت. وهه‌وه ژ جوهى وفه‌لان وبوتپه‌رێسان دێ گوهـ ل گه‌له‌ك ژ وان تشتان بت يێن هه‌وه پێ نه‌خۆش ژ په‌يڤێن شركێ وهاڤێتنا دينێ هه‌وه. وئه‌گه‌ر هوين -گه‌لى خودان باوه‌ران- بێهنا خۆ ل سه‌ر وێ چه‌ندێ فره‌هـ بكه‌ن، و ب پێگيرییا فه‌رمانێن خودێ ته‌قوایا وى بكه‌ن، ئه‌و ژ وان كارێن موكمه يێن كو ڤێت مرۆڤ بكه‌ت، وله‌زێ تێدا بكه‌ت.
وَإِذۡ أَخَذَ ٱللَّهُ مِيثَٰقَ ٱلَّذِينَ أُوتُواْ ٱلۡكِتَٰبَ لَتُبَيِّنُنَّهُۥ لِلنَّاسِ وَلَا تَكۡتُمُونَهُۥ فَنَبَذُوهُ وَرَآءَ ظُهُورِهِمۡ وَٱشۡتَرَوۡاْ بِهِۦ ثَمَنٗا قَلِيلٗاۖ فَبِئۡسَ مَا يَشۡتَرُونَ ﴿١٨٧﴾
وتو -ئه‌ى پێغه‌مبه‌ر- ل بيرا خۆ بينه ده‌مێ خودێ په‌يمانا موكم ژ وان ستاندى يێن كيتاب بۆ هاتى ژ جوهى وفه‌لان، ته‌ورات بۆ جوهییان وئنجيل بۆ فه‌لان؛ دا ئه‌و كارى پێ بكه‌ن، وتشتێ تێدا هاتى بۆ مرۆڤان ديار بكه‌ن، ووێ چه‌ندێ نه‌ڤه‌شێرن، ئينا وان په‌يمان شكاند وپێگيرى پێ نه‌كر، وبهایه‌كێ كێم به‌رانبه‌ر ڤه‌شارتنا حه‌قییێ وده‌ستێڤه‌دانا كيتابێ وه‌رگرت، ڤێجا چ پيسه كڕينه وان كرى، كو په‌يمان به‌رزه‌كرى، وكيتاب گوهاڕتى.