قورئانا پیرۆز › سورەتا آل عمران › ئایەتا ٤٨
سورەتا آل عمران · ئایەتا ٤٨ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَيُكَلِّمُ ٱلنَّاسَ فِي ٱلۡمَهۡدِ وَكَهۡلٗا وَمِنَ ٱلصَّـٰلِحِينَ ﴿٤٦﴾
وئه‌و پشتى دبت، هێشتا د پێچكێ دا ئه‌و دێ د گه‌ل مرۆڤان ئاخڤت، وهه‌ر وه‌سا ده‌مێ ئه‌و مه‌زن دبت ودگه‌هته تمامییا هێزا خۆ ئه‌و ب وه‌حییا خودێ د گه‌ل وان دئاخڤت، وبه‌رێ وان ده‌ته خودێ. وئه‌ڤه ئاخفتنا پێغه‌مبه‌راتییێ وڕێنيشادانێیه، وئه‌و د گۆتن وكريارا خۆ دا ژ چاك وقه‌نجيكاران دئێته هژمارتن.
قَالَتۡ رَبِّ أَنَّىٰ يَكُونُ لِي وَلَدٞ وَلَمۡ يَمۡسَسۡنِي بَشَرٞۖ قَالَ كَذَٰلِكِ ٱللَّهُ يَخۡلُقُ مَا يَشَآءُۚ إِذَا قَضَىٰٓ أَمۡرٗا فَإِنَّمَا يَقُولُ لَهُۥ كُن فَيَكُونُ ﴿٤٧﴾
مه‌ريه‌م ژ ڤى كارى مه‌نده‌هۆش ما وگۆت: چاوا دێ من كوڕه‌ك هه‌بت وئه‌زا شويكرى نینم وئه‌ز نه ژ خرابامه؟ ملیاكه‌تى گۆتێ: ئه‌ڤ كاره يێ بۆ ته چێ دبت تشته‌كێ ب زه‌حمه‌ت نينه ل به‌ر خودايێ خودان شيان، يێ كو هه‌ر تشته‌كێ وى بڤێت ئه‌و وى ژ چوننه‌يێ دده‌ت، ڤێجا ئه‌گه‌ر وى تشته‌ك ڤيا هه‌ما دێ بێژتێ: (ببه) ئه‌و دێ بت.
وَيُعَلِّمُهُ ٱلۡكِتَٰبَ وَٱلۡحِكۡمَةَ وَٱلتَّوۡرَىٰةَ وَٱلۡإِنجِيلَ ﴿٤٨﴾
وئه‌و دێ وى فێرى نڤيسين وكاربنه‌جهییا د گۆتن وكرياران دا كه‌ت، ووى فێرى وێ ته‌وراتێ كه‌ت یا خودێ بۆ مووسایى سلاڤ لێ بن هنارتى، ووێ ئنجيلا بۆ وى ئینایه خوارێ.
وَرَسُولًا إِلَىٰ بَنِيٓ إِسۡرَـٰٓءِيلَ أَنِّي قَدۡ جِئۡتُكُم بِـَٔايَةٖ مِّن رَّبِّكُمۡ أَنِّيٓ أَخۡلُقُ لَكُم مِّنَ ٱلطِّينِ كَهَيۡـَٔةِ ٱلطَّيۡرِ فَأَنفُخُ فِيهِ فَيَكُونُ طَيۡرَۢا بِإِذۡنِ ٱللَّهِۖ وَأُبۡرِئُ ٱلۡأَكۡمَهَ وَٱلۡأَبۡرَصَ وَأُحۡيِ ٱلۡمَوۡتَىٰ بِإِذۡنِ ٱللَّهِۖ وَأُنَبِّئُكُم بِمَا تَأۡكُلُونَ وَمَا تَدَّخِرُونَ فِي بُيُوتِكُمۡۚ إِنَّ فِي ذَٰلِكَ لَأٓيَةٗ لَّكُمۡ إِن كُنتُم مُّؤۡمِنِينَ ﴿٤٩﴾
وئه‌و دێ وى بۆ ئسرائيلییان كه‌ته پێغه‌مبه‌ر، ئه‌و دێ بێژته وان: ئه‌ز ب نيشانه‌كا ژ لايێ خودايێ هه‌وه ڤه بۆ هه‌وه هاتيمه كو ئه‌ز پێغه‌مبه‌رم، ئه‌و ژى ئه‌ڤه‌يه: ئه‌ز ژ ته‌قنێ وه‌كى په‌يكه‌رێ ته‌يره‌كى بۆ هه‌وه چێ دكه‌م، و پف دكه‌مێ ڤێجا ب ئانه‌هییا خودێ ئه‌و دبته ته‌يره‌كێ دورست، وئه‌وێ د زكماك دا يێ كۆره بت ئه‌ز چێ دكه‌م، ويێ گوڕى ئه‌ز ساخ دكه‌م، و ب ئانه‌هییا خودێ ئه‌ز مرییان زێندى دكه‌م، وئه‌ز وى تشتى بۆ هه‌وه دبێژم يێ هوين ل مالێن خۆ دخۆن وبۆ خۆ هل دگرن ژ خوارنێ. هندى ئه‌ڤ كارێن مه‌زنن يێن مرۆڤ نه‌شێن بكه‌ن نيشانا هندێنه كو ئه‌ز پێغه‌مبه‌رێ خودێمه، ئه‌گه‌ر هه‌وه باوه‌رى ب ئايه‌ت ونيشانێن خودێ هه‌بت، وهوين باوه‌رییێ ب ته‌وحيدا وى بينن.
وَمُصَدِّقٗا لِّمَا بَيۡنَ يَدَيَّ مِنَ ٱلتَّوۡرَىٰةِ وَلِأُحِلَّ لَكُم بَعۡضَ ٱلَّذِي حُرِّمَ عَلَيۡكُمۡۚ وَجِئۡتُكُم بِـَٔايَةٖ مِّن رَّبِّكُمۡ فَٱتَّقُواْ ٱللَّهَ وَأَطِيعُونِ ﴿٥٠﴾
وئه‌ز بۆ هه‌وه يێ هاتيم دا ئه‌ز وێ یا د ته‌وراتێ دا هاتى ڕاست ده‌ربێخم، ودا ئه‌ز ب وه‌حییا خودێ هنده‌كێ ژ وێ يا خودێ ل سه‌ر هه‌وه حه‌رام كرى وه‌ك سڤككرن ودلۆڤانى ژ خودێ بۆ هه‌وه حه‌لال بكه‌م، وئه‌ز ب نيشانه‌كا ژ لايێ خودايێ هه‌وه ڤه ل سه‌ر ڕاستییا گۆتنا ئه‌ز دبێژمه هه‌وه يێ بۆ هه‌وه هاتيم، ڤێجا ته‌قوایا خودێ بكه‌ن وبێ ئه‌مرییا وى نه‌كه‌ن، وگوهدارییا من بكه‌ن د وى تشتى دا يێ ئه‌ز ژ خودێ دگه‌هينمه هه‌وه.