قورئانا پیرۆز › سورەتا آل عمران › ئایەتا ٥٢
سورەتا آل عمران · ئایەتا ٥٢ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمُصَدِّقٗا لِّمَا بَيۡنَ يَدَيَّ مِنَ ٱلتَّوۡرَىٰةِ وَلِأُحِلَّ لَكُم بَعۡضَ ٱلَّذِي حُرِّمَ عَلَيۡكُمۡۚ وَجِئۡتُكُم بِـَٔايَةٖ مِّن رَّبِّكُمۡ فَٱتَّقُواْ ٱللَّهَ وَأَطِيعُونِ ﴿٥٠﴾
وئه‌ز بۆ هه‌وه يێ هاتيم دا ئه‌ز وێ یا د ته‌وراتێ دا هاتى ڕاست ده‌ربێخم، ودا ئه‌ز ب وه‌حییا خودێ هنده‌كێ ژ وێ يا خودێ ل سه‌ر هه‌وه حه‌رام كرى وه‌ك سڤككرن ودلۆڤانى ژ خودێ بۆ هه‌وه حه‌لال بكه‌م، وئه‌ز ب نيشانه‌كا ژ لايێ خودايێ هه‌وه ڤه ل سه‌ر ڕاستییا گۆتنا ئه‌ز دبێژمه هه‌وه يێ بۆ هه‌وه هاتيم، ڤێجا ته‌قوایا خودێ بكه‌ن وبێ ئه‌مرییا وى نه‌كه‌ن، وگوهدارییا من بكه‌ن د وى تشتى دا يێ ئه‌ز ژ خودێ دگه‌هينمه هه‌وه.
إِنَّ ٱللَّهَ رَبِّي وَرَبُّكُمۡ فَٱعۡبُدُوهُۚ هَٰذَا صِرَٰطٞ مُّسۡتَقِيمٞ ﴿٥١﴾
هندى ئه‌و خودايه يێ ئه‌ز دوعايان ژ وى ب تنێ دكه‌م خودايێ من وخودايێ هه‌وه‌يه، ڤێجا هوين عه‌بدينییا وى بكه‌ن، وئه‌ز وهوين د عه‌بدينییا وى دا وه‌كى ئێكين، وئه‌ڤه‌يه ڕێكا ڕاست يا چو چه‌پ وچوير تێدا نه‌هه‌ين.
۞فَلَمَّآ أَحَسَّ عِيسَىٰ مِنۡهُمُ ٱلۡكُفۡرَ قَالَ مَنۡ أَنصَارِيٓ إِلَى ٱللَّهِۖ قَالَ ٱلۡحَوَارِيُّونَ نَحۡنُ أَنصَارُ ٱللَّهِ ءَامَنَّا بِٱللَّهِ وَٱشۡهَدۡ بِأَنَّا مُسۡلِمُونَ ﴿٥٢﴾
ڤێجا ده‌مێ عيسایى هه‌ست كرى كو ئه‌و ل سه‌ر كافرییا خۆ دێ دبه‌رده‌وام بن وى د ناڤ هه‌ڤالێن خۆ يێن نێزيك دا گۆت: كى دێ د گه‌ل من بت بۆ پشته‌ڤانییا دينێ خودێ؟ هه‌ڤالێن عيسایى يێن بژاره گۆت: ئه‌مين پشته‌ڤان وگازيكه‌رێن دينێ خودێ، مه باوه‌رى ب خودێ ئينايه ودويكه‌فتنا ته كرییه، وتو ئه‌ى عيسا شاهده‌يیێ بۆ مه بده كو مه ب ته‌وحيدێ وگوهدارییێ خۆ ته‌سليمى خودێ كرییه.
رَبَّنَآ ءَامَنَّا بِمَآ أَنزَلۡتَ وَٱتَّبَعۡنَا ٱلرَّسُولَ فَٱكۡتُبۡنَا مَعَ ٱلشَّـٰهِدِينَ ﴿٥٣﴾
خودايێ مه، مه باوه‌رى ب وێ ئينا يا ته ژ ئنجيلێ هنارتى، ومه دويكه‌فتنا پێغه‌مبه‌رێ ته عيسایى سلاڤ لێ بن كرییه، ڤێجا تو مه بكه ژ وان يێن شاهده‌يى ب ته‌وحيدێ بۆ ته و ب پێغه‌مبه‌رينییێ بۆ پێغه‌مبه‌رێن ته داين، وئه‌و ئوممه‌تا موحه‌ممه‌دینه سلاڤ لێ بن.
وَمَكَرُواْ وَمَكَرَ ٱللَّهُۖ وَٱللَّهُ خَيۡرُ ٱلۡمَٰكِرِينَ ﴿٥٤﴾
وئه‌وێن كافر بووين ژ ئسرائيلییان فێلبازى وپيلان دژى عيسایى سلاڤ لێ بن گێڕان، ووان ئه‌و هنارتێ يێ كو ب كوشتنا وى ڕاببت، ڤێجا خودێ ئێك ژ وان يێن جهێ وى نيشا وان داى وه‌كى عيساى لێ كر، ڤێجا وان ئه‌و گرت وكوشت وهلاويست، ويا ژ وان ڤه ئه‌و عيسايه وخودێ ژ هه‌مى فێلبازان چێتره. و د ڤێ چه‌ندێ دا نيشان هه‌يه كو فێلبازى (مه‌كر) سالۆخه‌ته‌كه ژ سالۆخه‌تێن خودێ به‌لێ ب ڕه‌نگه‌كێ بابه‌تى وى بت؛ چونكى فێلا وى ب حه‌قییه، وبه‌رانبه‌ر فێلا فێلبازانه.