قورئانا پیرۆز › سورەتا آل عمران › ئایەتا ٦٤
سورەتا آل عمران · ئایەتا ٦٤ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّ هَٰذَا لَهُوَ ٱلۡقَصَصُ ٱلۡحَقُّۚ وَمَا مِنۡ إِلَٰهٍ إِلَّا ٱللَّهُۚ وَإِنَّ ٱللَّهَ لَهُوَ ٱلۡعَزِيزُ ٱلۡحَكِيمُ ﴿٦٢﴾
هندى ئه‌ڤه‌يه يا من بۆ ته گۆتى ژ به‌حسێ عيسایى -ئه‌ى پێغه‌مبه‌ر- ئه‌وه به‌حسێ ڕاست ودورست يێ چو گومان تێدا نه‌هه‌ى، و ژ خودێ پێڤه‌تر چو خودايێن هێژاى په‌رستنێ نينن، وهندى خودێیه ئه‌وه يێ زال د ملكێ خۆ دا، ويێ كاربنه‌جهه د كار وڕێڤه‌برنا خۆ دا.
فَإِن تَوَلَّوۡاْ فَإِنَّ ٱللَّهَ عَلِيمُۢ بِٱلۡمُفۡسِدِينَ ﴿٦٣﴾
ڤێجا ئه‌گه‌ر وان گوهدارییا ته نه‌كر وباوه‌رى ب ته نه‌ئينا، ئه‌و ئه‌ون يێن خرابكار، وخودێ ب وان يێ زانايه، وئه‌و دێ وان سه‌را وێ چه‌ندێ جزا ده‌ت.
قُلۡ يَـٰٓأَهۡلَ ٱلۡكِتَٰبِ تَعَالَوۡاْ إِلَىٰ كَلِمَةٖ سَوَآءِۭ بَيۡنَنَا وَبَيۡنَكُمۡ أَلَّا نَعۡبُدَ إِلَّا ٱللَّهَ وَلَا نُشۡرِكَ بِهِۦ شَيۡـٔٗا وَلَا يَتَّخِذَ بَعۡضُنَا بَعۡضًا أَرۡبَابٗا مِّن دُونِ ٱللَّهِۚ فَإِن تَوَلَّوۡاْ فَقُولُواْ ٱشۡهَدُواْ بِأَنَّا مُسۡلِمُونَ ﴿٦٤﴾
ئه‌ى پێغه‌مبه‌ر، تو بێژه خودانێن كيتابێ ژ جوهى وفه‌لان: وه‌رن دا ئه‌م وهوين پێكڤه پێگيرییێ ب په‌يڤه‌كا ڕاست ودورست بكه‌ين: كو ئه‌م عه‌بدينییا خودێ ب تنێ بكه‌ين، وچو تشته‌كى ژ صه‌نه‌م وخاچ وخوداوه‌ندان بۆ وى نه‌كه‌ينه هه‌ڤپشك، وهنده‌ك ژ مه هنده‌كان ژ بلى خودێ بۆ خۆ نه‌كه‌نه خودا. ڤێجا ئه‌گه‌ر وان پشت ددا ڤێ گازییا باش، هوين -گه‌لى خودان باوه‌ران- بێژنه وان: هوين شاهده‌يیێ بۆ مه بده‌ن كو ئه‌م موسلمانين، مه عيباده‌ت ب تنێ بۆ خودايێ خۆ كرییه. وگازيكرن بۆ ڤێ په‌يڤا ڕاست كانێ چاوا بۆ جوهى وفه‌لان دئێته ئاراسته‌كرن وه‌سا ئه‌و بۆ يێن وه‌كى وان ژى دئێته ئاراسته‌كرن.
يَـٰٓأَهۡلَ ٱلۡكِتَٰبِ لِمَ تُحَآجُّونَ فِيٓ إِبۡرَٰهِيمَ وَمَآ أُنزِلَتِ ٱلتَّوۡرَىٰةُ وَٱلۡإِنجِيلُ إِلَّا مِنۢ بَعۡدِهِۦٓۚ أَفَلَا تَعۡقِلُونَ ﴿٦٥﴾
گه‌لى خودانێن وان كيتابان یێن هاتينه خوارێ ژ جوهى وفه‌لان، چاوا ئێك ژ هه‌وه هه‌ڤڕكییێ د ده‌رحه‌قا ئيبراهيمى دا سلاڤ لێ بن دكه‌ت كو ئه‌و ژ هه‌وه بوو، وته‌ورات وئنجيل پشتى وى يێن هاتينه خوارێ؟ ئه‌رێ ما هوين خه‌له‌تییا گۆتنا خۆ نزانن ده‌مێ هوين دبێژن: ئيبراهيم جوهى بوو يان فه‌له بوو، وهوين دزانن كو جوهياتى وفه‌لاتى پشتى وى ب زه‌مانه‌كى يێن په‌يدا بووين؟
هَـٰٓأَنتُمۡ هَـٰٓؤُلَآءِ حَٰجَجۡتُمۡ فِيمَا لَكُم بِهِۦ عِلۡمٞ فَلِمَ تُحَآجُّونَ فِيمَا لَيۡسَ لَكُم بِهِۦ عِلۡمٞۚ وَٱللَّهُ يَعۡلَمُ وَأَنتُمۡ لَا تَعۡلَمُونَ ﴿٦٦﴾
ئه‌ها ئه‌ڤه هه‌وه هه‌ڤڕكییا پێغه‌مبه‌رێ خودێ موحه‌ممه‌دى سلاڤ لێ بن د وى تشتى دا كر يێ هه‌وه زانين پێ هه‌ى ژ مه‌سه‌لا دينێ خۆ، ژ وى تشتێ هه‌وه باوه‌رى ب ڕاستییا وى د كيتابێن خۆ دا هه‌ى، ڤێجا بۆچى هوين هه‌ڤڕكییێ د وى تشتى دا دكه‌ن يێ هه‌وه زانين پێ نه‌هه‌ى ژ مه‌سه‌لا ئيبراهيمى؟ وكار چه‌ند دڤه‌شارتى بن خودێ پێ دزانت، وهوين نزانن.