قورئانا پیرۆز › سورەتا آل عمران › ئایەتا ٩٩
سورەتا آل عمران · ئایەتا ٩٩ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فِيهِ ءَايَٰتُۢ بَيِّنَٰتٞ مَّقَامُ إِبۡرَٰهِيمَۖ وَمَن دَخَلَهُۥ كَانَ ءَامِنٗاۗ وَلِلَّهِ عَلَى ٱلنَّاسِ حِجُّ ٱلۡبَيۡتِ مَنِ ٱسۡتَطَاعَ إِلَيۡهِ سَبِيلٗاۚ وَمَن كَفَرَ فَإِنَّ ٱللَّهَ غَنِيٌّ عَنِ ٱلۡعَٰلَمِينَ ﴿٩٧﴾
د ڤێ به‌يتێ دا نيشانێن ئاشكه‌را هه‌نه كو ئه‌و ژ ئاڤاكرنا ئيبراهيمییه، ژ وان: جهێ ئيبراهيمى سلاڤ لێ بن كو ئه‌و به‌ره يێ ئه‌و ل سه‌ر ڕادوه‌ستا ده‌مێ وى وكوڕێ وى ئيسماعيلى ئاڤاهییێ كه‌عبێ بلند دكر، و هه‌چییێ بچته وێ به‌يتێ ئه‌و یێ ئه‌مينه كه‌س نه‌خۆشییێ ناگه‌هينتێ. وخودێ ل سه‌ر مرۆڤێ شيان هه‌بن ل هه‌چى جهێ ئه‌و لێ بت قه‌ستكرنا ڤێ مالێ بۆ كرنا حه‌جێ فه‌ركرییه. وهه‌چییێ باوه‌رییێ ب فه‌ربوونا حه‌جێ نه‌ئينت ئه‌و كافره، وخودێ يێ ده‌وله‌مه‌نده چو مننه‌ت ب وى وحه‌جا وى وكارێ وى نينه.
قُلۡ يَـٰٓأَهۡلَ ٱلۡكِتَٰبِ لِمَ تَكۡفُرُونَ بِـَٔايَٰتِ ٱللَّهِ وَٱللَّهُ شَهِيدٌ عَلَىٰ مَا تَعۡمَلُونَ ﴿٩٨﴾
ئه‌ى پێغه‌مبه‌ر تو بێژه خودانێن كيتابێ ژ جوهى وفه‌لان: بۆچى هوين كافرییێ ب وان نيشانێن خودێ دكه‌ن ئه‌وێن هندێ دگه‌هينن كو ئيسلام دينێ خودێیه، وهوين وان ده‌ليلان ڤه‌دشێرن یێن د كتێبێن هه‌وه دا هاتين ل دۆر وێ چه‌ندێ، وهوين دزانن؟ وخودێ شاهده ل سه‌ر تشتێ هوين دكه‌ن. وئه‌ڤه گه‌فه‌كه بۆ وان.
قُلۡ يَـٰٓأَهۡلَ ٱلۡكِتَٰبِ لِمَ تَصُدُّونَ عَن سَبِيلِ ٱللَّهِ مَنۡ ءَامَنَ تَبۡغُونَهَا عِوَجٗا وَأَنتُمۡ شُهَدَآءُۗ وَمَا ٱللَّهُ بِغَٰفِلٍ عَمَّا تَعۡمَلُونَ ﴿٩٩﴾
تو -ئه‌ى پێغه‌مبه‌ر- بێژه وان: بۆچى هوين به‌رێ وى ژ ئيسلامێ وه‌ردگێڕن يێ بڤێت بێته تێدا، هه‌وه دڤێت وى ژ ڕێكا دورست لاده‌ن، وهوين دزانن كو يا ئه‌ز پێ هاتيم حه‌قییه؟ وخودێ يێ بێ ئاگه‌هـ نينه ژ وى كارێ هوين دكه‌ن.
يَـٰٓأَيُّهَا ٱلَّذِينَ ءَامَنُوٓاْ إِن تُطِيعُواْ فَرِيقٗا مِّنَ ٱلَّذِينَ أُوتُواْ ٱلۡكِتَٰبَ يَرُدُّوكُم بَعۡدَ إِيمَٰنِكُمۡ كَٰفِرِينَ ﴿١٠٠﴾
ئه‌ى ئه‌وێن باوه‌رى ئيناى، ئه‌گه‌ر هوين گوهدارییا ده‌سته‌كه‌كێ ژ جوهى وفه‌لان بكه‌ن يێن خودێ ته‌ورات وئنجيل بۆ هنارتى، ئه‌و دێ هه‌وه د سه‌ر دا به‌ن، وگومانێ بۆ هه‌وه ئێخنه د دينێ هه‌وه دا؛ دا پشتى هه‌وه باوه‌رى ب حه‌قییێ ئيناى هوين بزڤڕن پێ كافر ببن، ڤێجا هوین ژ وان ئێمن نه‌بن ل سه‌ر دينێ خۆ، و ب گۆتنا وان نه‌كه‌ن.
وَكَيۡفَ تَكۡفُرُونَ وَأَنتُمۡ تُتۡلَىٰ عَلَيۡكُمۡ ءَايَٰتُ ٱللَّهِ وَفِيكُمۡ رَسُولُهُۥۗ وَمَن يَعۡتَصِم بِٱللَّهِ فَقَدۡ هُدِيَ إِلَىٰ صِرَٰطٖ مُّسۡتَقِيمٖ ﴿١٠١﴾
وچاوا هوين -گه‌لى خودان باوه‌ران- دێ كافر بن ب خودێ، وئايه‌تێن قورئانێ بۆ هه‌وه دئێنه خواندن، وپێغه‌مبه‌رێ خودێ موحه‌ممه‌د سلاڤ لێ بن د ناڤ هه‌وه دايه وان ئايه‌تان دگه‌هينته هه‌وه؟ وهه‌چییێ خۆ بهێلته ب هيڤییا خودێ ڤه، وخۆ ب قورئانێ وسوننه‌تێ ڤه بگرت ئه‌و به‌رێ وى هاته دان بۆ رێكه‌كا ئاشكه‌را، ومه‌نهه‌جه‌كێ ڕاست.