قورئانا پیرۆز › سورەتا النحل › ئایەتا ٢٦
سورەتا النحل · ئایەتا ٢٦ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِذَا قِيلَ لَهُم مَّاذَآ أَنزَلَ رَبُّكُمۡ قَالُوٓاْ أَسَٰطِيرُ ٱلۡأَوَّلِينَ ﴿٢٤﴾
وئه‌گه‌ر پسيارا ڤان بوتپه‌رێسان بێته‌كرن ژ وێ يا بۆ موحه‌ممه‌د پێغه‌مبه‌رى -سلاڤ لێ بن- هاتییه خوارێ، ژ دره‌و وبێ به‌ختى ئه‌و دێ بێژن: ژبلی چيرۆك وچيڤانۆكێن خه‌لكێ به‌رێ ئه‌و ب تشته‌كێ دى نه‌هاتییه.
لِيَحۡمِلُوٓاْ أَوۡزَارَهُمۡ كَامِلَةٗ يَوۡمَ ٱلۡقِيَٰمَةِ وَمِنۡ أَوۡزَارِ ٱلَّذِينَ يُضِلُّونَهُم بِغَيۡرِ عِلۡمٍۗ أَلَا سَآءَ مَا يَزِرُونَ ﴿٢٥﴾
دويماهییا وان ئه‌و ل ڕۆژا قيامه‌تێ بارێ گونه‌هێن خۆ هه‌مییێ دێ هلگرن -تشته‌ك ژێ بۆ وان نائێته ژێبرن- وئه‌و دێ بارێ گونه‌هێن وان ژى هلگرن يێن وان دره‌و لێ دكرن دا وان ژ ئيسلامێ دوير بێخن، بێى تشته‌ك ژ بارێ يێن دى كێم ببت. نێ پيسه بارێ گونه‌هانه ئه‌و هل دگرن.
قَدۡ مَكَرَ ٱلَّذِينَ مِن قَبۡلِهِمۡ فَأَتَى ٱللَّهُ بُنۡيَٰنَهُم مِّنَ ٱلۡقَوَاعِدِ فَخَرَّ عَلَيۡهِمُ ٱلسَّقۡفُ مِن فَوۡقِهِمۡ وَأَتَىٰهُمُ ٱلۡعَذَابُ مِنۡ حَيۡثُ لَا يَشۡعُرُونَ ﴿٢٦﴾
ب ڕاستى به‌رى ڤان بوتپه‌رێسان كافران پيلان دژى پێغه‌مبه‌رێن خۆ گێڕابوون، وفه‌ند وفێل د ده‌ر حه‌قا وێ گازییا حه‌ق دا يا ئه‌و پێ هاتين كربوون، ئينا خودێ ئاڤاهییێ وان ژ پێپك وبناخه‌يان هژاند، ڤێجا بان ب سه‌ر وان دا هه‌ڕفت، و ژ وى جهى ڤه يێ ئه‌و لێ دته‌نا عه‌زاب گه‌هشته وان، ژ وى جهێ وان چو هزر ژێ نه‌دكر.
ثُمَّ يَوۡمَ ٱلۡقِيَٰمَةِ يُخۡزِيهِمۡ وَيَقُولُ أَيۡنَ شُرَكَآءِيَ ٱلَّذِينَ كُنتُمۡ تُشَـٰٓقُّونَ فِيهِمۡۚ قَالَ ٱلَّذِينَ أُوتُواْ ٱلۡعِلۡمَ إِنَّ ٱلۡخِزۡيَ ٱلۡيَوۡمَ وَٱلسُّوٓءَ عَلَى ٱلۡكَٰفِرِينَ ﴿٢٧﴾
پاشى ل ڕۆژا قيامه‌تێ خودێ ب عه‌زابدانێ وان شه‌رمزار دكه‌ت، ودبێژت: كانێ هه‌ڤپشكێن من ژ وان خوداوه‌ندێن هه‌وه په‌رستن بۆ دكر؛ دا ئه‌و عه‌زابێ ژ هه‌وه پاشڤه ببه‌ن، وهه‌وه ژ به‌ر وان شه‌ڕ وهه‌ڤڕكییا پێغه‌مبه‌ر وخودان باوه‌ران دكر؟ زانايێن خودايى گۆت: هندى شه‌رمزارى وعه‌زابه ئه‌ڤرۆ ل سه‌ر وانه يێن كافرى ب خودێ وپێغه‌مبه‌رێ وى كرى.
ٱلَّذِينَ تَتَوَفَّىٰهُمُ ٱلۡمَلَـٰٓئِكَةُ ظَالِمِيٓ أَنفُسِهِمۡۖ فَأَلۡقَوُاْ ٱلسَّلَمَ مَا كُنَّا نَعۡمَلُ مِن سُوٓءِۭۚ بَلَىٰٓۚ إِنَّ ٱللَّهَ عَلِيمُۢ بِمَا كُنتُمۡ تَعۡمَلُونَ ﴿٢٨﴾
ئه‌وێن فريشته ڕحا وان دكێشن ل وى ده‌مێ وان ب كوفرێ زۆردارى ل خۆ كرى، ڤێجا ده‌مێ وان مرن ديتى وزانى ئه‌و خوداوه‌ندێن وان په‌رستن بۆ دكر چو مفایى ناگه‌هيننه وان، وان خۆ ب ده‌ست ئه‌مرێ خودێ ڤه به‌ردا، وگۆت: مه چو خرابى نه‌دكرن، ڤێجا دێ بۆ وان ئێته گۆتن: هوين دره‌وان دكه‌ن، هه‌وه خرابى دكرن، هندى خودێیه ب هه‌مى كريارێن هه‌وه يێ پڕزانايه، وئه‌و دێ هه‌وه سه‌را وان جزا ده‌ت.