قورئانا پیرۆز › سورەتا النحل › ئایەتا ٢٨
سورەتا النحل · ئایەتا ٢٨ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَدۡ مَكَرَ ٱلَّذِينَ مِن قَبۡلِهِمۡ فَأَتَى ٱللَّهُ بُنۡيَٰنَهُم مِّنَ ٱلۡقَوَاعِدِ فَخَرَّ عَلَيۡهِمُ ٱلسَّقۡفُ مِن فَوۡقِهِمۡ وَأَتَىٰهُمُ ٱلۡعَذَابُ مِنۡ حَيۡثُ لَا يَشۡعُرُونَ ﴿٢٦﴾
ب ڕاستى به‌رى ڤان بوتپه‌رێسان كافران پيلان دژى پێغه‌مبه‌رێن خۆ گێڕابوون، وفه‌ند وفێل د ده‌ر حه‌قا وێ گازییا حه‌ق دا يا ئه‌و پێ هاتين كربوون، ئينا خودێ ئاڤاهییێ وان ژ پێپك وبناخه‌يان هژاند، ڤێجا بان ب سه‌ر وان دا هه‌ڕفت، و ژ وى جهى ڤه يێ ئه‌و لێ دته‌نا عه‌زاب گه‌هشته وان، ژ وى جهێ وان چو هزر ژێ نه‌دكر.
ثُمَّ يَوۡمَ ٱلۡقِيَٰمَةِ يُخۡزِيهِمۡ وَيَقُولُ أَيۡنَ شُرَكَآءِيَ ٱلَّذِينَ كُنتُمۡ تُشَـٰٓقُّونَ فِيهِمۡۚ قَالَ ٱلَّذِينَ أُوتُواْ ٱلۡعِلۡمَ إِنَّ ٱلۡخِزۡيَ ٱلۡيَوۡمَ وَٱلسُّوٓءَ عَلَى ٱلۡكَٰفِرِينَ ﴿٢٧﴾
پاشى ل ڕۆژا قيامه‌تێ خودێ ب عه‌زابدانێ وان شه‌رمزار دكه‌ت، ودبێژت: كانێ هه‌ڤپشكێن من ژ وان خوداوه‌ندێن هه‌وه په‌رستن بۆ دكر؛ دا ئه‌و عه‌زابێ ژ هه‌وه پاشڤه ببه‌ن، وهه‌وه ژ به‌ر وان شه‌ڕ وهه‌ڤڕكییا پێغه‌مبه‌ر وخودان باوه‌ران دكر؟ زانايێن خودايى گۆت: هندى شه‌رمزارى وعه‌زابه ئه‌ڤرۆ ل سه‌ر وانه يێن كافرى ب خودێ وپێغه‌مبه‌رێ وى كرى.
ٱلَّذِينَ تَتَوَفَّىٰهُمُ ٱلۡمَلَـٰٓئِكَةُ ظَالِمِيٓ أَنفُسِهِمۡۖ فَأَلۡقَوُاْ ٱلسَّلَمَ مَا كُنَّا نَعۡمَلُ مِن سُوٓءِۭۚ بَلَىٰٓۚ إِنَّ ٱللَّهَ عَلِيمُۢ بِمَا كُنتُمۡ تَعۡمَلُونَ ﴿٢٨﴾
ئه‌وێن فريشته ڕحا وان دكێشن ل وى ده‌مێ وان ب كوفرێ زۆردارى ل خۆ كرى، ڤێجا ده‌مێ وان مرن ديتى وزانى ئه‌و خوداوه‌ندێن وان په‌رستن بۆ دكر چو مفایى ناگه‌هيننه وان، وان خۆ ب ده‌ست ئه‌مرێ خودێ ڤه به‌ردا، وگۆت: مه چو خرابى نه‌دكرن، ڤێجا دێ بۆ وان ئێته گۆتن: هوين دره‌وان دكه‌ن، هه‌وه خرابى دكرن، هندى خودێیه ب هه‌مى كريارێن هه‌وه يێ پڕزانايه، وئه‌و دێ هه‌وه سه‌را وان جزا ده‌ت.
فَٱدۡخُلُوٓاْ أَبۡوَٰبَ جَهَنَّمَ خَٰلِدِينَ فِيهَاۖ فَلَبِئۡسَ مَثۡوَى ٱلۡمُتَكَبِّرِينَ ﴿٢٩﴾
ڤێجا هوين د ده‌رگه‌هێن جه‌هنه‌مێ ڕا هه‌ڕنه ژۆر، چو جاران هوين ژێ ده‌رناكه‌ڤن، وئه‌و چ پيسه جهێ حه‌واندنێيه بۆ وان يێن خۆ ژ باوه‌رییا ب خودێ وپه‌رستنا وى ب تنێ مه‌زنتر دديت.
۞وَقِيلَ لِلَّذِينَ ٱتَّقَوۡاْ مَاذَآ أَنزَلَ رَبُّكُمۡۚ قَالُواْ خَيۡرٗاۗ لِّلَّذِينَ أَحۡسَنُواْ فِي هَٰذِهِ ٱلدُّنۡيَا حَسَنَةٞۚ وَلَدَارُ ٱلۡأٓخِرَةِ خَيۡرٞۚ وَلَنِعۡمَ دَارُ ٱلۡمُتَّقِينَ ﴿٣٠﴾
وئه‌گه‌ر بۆ خودان باوه‌رێن ژ خودێ دترسن بێته گۆتن: خودێ چ ل سه‌ر موحه‌ممه‌د پێغه‌مبه‌رى -سلاڤ لێ بن- ئينايه خوارێ؟ ئه‌و دێ بێژن: خودێ خێر وهيدايه‌ت ل سه‌ر وى ئينايه خوارێ. بۆ ئه‌وێن د ڤێ دنيايێ دا باوه‌رى ب خودێ وپێغه‌مبه‌رێ وى ئيناى، وبه‌رێ خه‌لكى ژى دايه باوه‌رییێ وكارێ چاك، خه‌لاته‌كێ مه‌زن هه‌يه د دنيايێ دا ئه‌و دێ ئێنه ب سه‌رئێخستن، وڕزقێ وان دێ به‌رفره‌هـ بت، وئاخره‌ت بۆ وان ژ دانا دنيايێ چێتر ومه‌زنتره، وئاخره‌ت چ خۆش خانییه بۆ وان ته‌قوادارێن ژ خودێ دترسن، وفه‌رمانێن وى ب جهـ دئینن.